Jérémie 36:31 - Mbeti ti Nzapa - Tënë so amu fini

³¹ Mbi yeke ga na tere ti lo, *ahale ti lo nga na akota zo ti yangbo ti lo ndali ti sioni ti ala. Akpale so kue mbi tene tënë ni si ala ke ti ma mbi so, mbi yeke sara si aga na ndö ti ala, na ndö ti azo so alango na Jérusalem nga na ndö ti azo ti Juda.’ ”

Jérémie 36:31 ပူးပေါင်းရင်းမြစ်များ

Abia (Psaumes) 94:23

Lo kiri na ala peko ti sioni ti ala, lo yeke fâ ala kue na lege ti sioni ti ala wani; KOTA GBIA, Nzapa ti e ayeke fâ ala kue.

Amato 29:1

Zo so a gboto mê ti lo si lo ngba ti sara ngangu li, fade a yeke kinda lo gi hio tongaso, mbeni ye ti sara titene lo kiri lo ga nzoni ayeke daa pepe.

Jérémie 11:8

Me ala ma tënë ni pepe, ala dingi mê ti ala pepe ti ma tënë ni. Zo oko oko angba ti sara sioni ye so be ti lo afa na lo. Tongaso, mbi sara si atënë kue ti ya ti mbuki ni akiri na ndö ti ala, ngbanga ti so mbi mu yanga na ala ti sara ye alingbi na atënë ti ya ti mbuki ni, me ala ke.’ ”

Jérémie 17:18

Azo so ayeke sara ngangu na mbi so, ayeke nzoni kamene agbu le ti ala, me mbi pepe! Ayeke nzoni ala do na mbeto, me mbi pepe! Sara si lango ti kota kpale aga na ndö ti ala, mo fâ ala biani biani!

Jérémie 19:15

“Tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Akpale so kue mbi tene tënë ni so, fade mbi yeke sara si ati na ndö ti gbata so nga na ndö ti akete kodro so kue ayeke na tere ni. Biani, azo ti gbata ni asara ngangu li si ala ke ti ma tënë ti mbi.’ ”

Jérémie 23:34

Tongana mbeni wayanga-Nzapa, wala mbeni wayango-sandaga wala mbeni zo na popo ti azo so atene: ‘Nengo kungba so KOTA GBIA azia na ndö ti mbi laa’, mbi yeke ga na tere ti zo ni so, lo na asewa ti lo.

Jérémie 29:32

Nilaa, tënë so mbi KOTA GBIA, mbi tene ayeke so: mbi yeke ga na tere ti Shemaya, lo na *ahale ti lo; mbeni zo ti sewa ti lo ayeke kiri ti ngba na popo ti ala, azo ti Juda pepe. Nzoni ye so mbi yeke sara na azo ti mbi, zo oko na popo ti asewa ti lo ayeke baa ni pepe, ngbanga ti so lo pusu azo ti mbi ti tomboka na tere ti mbi; so tënë ti yanga ti KOTA GBIA laa.’ ”

Jérémie 35:17

Jérémie akiri atene: “Ndani laa, tënë so KOTA GBIA so ayeke na ndö ti dunia kue, Nzapa ti Israel atene ayeke so: Ala azo ti Juda na ala, azo ti Jérusalem, akpale so kue mbi tene tënë ni so, mbi yeke sara titene aga na ndö ti ala. Biani, mbi tene tënë na ala, me ala ma mbi pepe; mbi iri ala, me ala ke ti yeda.”

Jérémie 52:2

Sedesias asara ye so ayeke sioni na le ti *KOTA GBIA gi tongana ti so Yoakim asara lani.

Ezekiel 7:8

Fadeso, fafadeso, mbi yeke tuku ngonzo ti mbi ti wâ na ndö ti ala; mbi yeke tuku ngonzo ti mbi na ndö ti ala ngbii be ti mbi ade si. Mbi yeke fâ ngbanga na li ti ala alingbi na sarango ye ti ala. Asioni ye so ala sara si zo alingbi ti baa na le ti lo fani use pepe so, mbi yeke futa ala alingbi na ni.

Ezekiel 7:9

Mbi yeke baa mawa ti zo oko pepe, mbi yeke zia zo oko pepe. Mbi yeke futa ala alingbi na sarango ye ti ala nga na asioni ye so ala sara si zo alingbi ti baa na le ti lo fani use pepe so; aye ni kue ayeke na popo ti ala. Tongaso, fade ala yeke hinga atene, mbi laa mbi KOTA GBIA laa, mbi yeke pika ala.

Awayango-sandaga 26:14

“Tongana ala ma yanga ti mbi pepe, tongana ala sara ye alingbi na atënë ti yanga ti mbi so kue pepe,

Matthieu 23:37

“Jérusalem! Jérusalem! Mo so mo yeke fâ awayanga-Nzapa; azo so Nzapa atokua ala na mo, mo bo ala na têne ti fâ ala. Lege mingi, mbi ye fade ti bongbi azo ti mo na gbe ti mbi tongana ti so mama ti kondo ayeke bongbi amolenge ti lo na gbe ti maboko ti lo, me mo yeda pepe!