Jérémie 36:25 - Mbeti ti Nzapa - Tënë so amu fini

²⁵ Andaa Elnatan, Delaya na Gemaria avoro tere ti ala fade na gbia titene lo gbi rulo ni pepe; me lo ma ala pepe.

Jérémie 36:25 ပူးပေါင်းရင်းမြစ်များ

Tongo nda ti aye 37:22

Na pekoni, lo tene: “Ala tuku mene pepe; ala bi lo na ya ti du ti ngu so ge na benyama so; ala ndu lo pepe.” Ruben atene tongaso titene lo zi lo na maboko ti ala ti kiri na lo na babâ ti lo.

Amato 21:29

Zo ti sioni asara tere ti lo tongana zo so alingbi awe; me zo ti mbirimbiri ayeke sara si mbeni ye ayeke yingi dutingo ti lo pepe.

Jérémie 26:16

Tongaso, agbenyogbia ni na azo ni kue atene na awayango-sandaga nga na awayanga-Nzapa, atene: “Koli so alingbi na kuâ pepe! Biani, na iri ti KOTA GBIA Nzapa ti e laa lo tene tënë na e.”

Jérémie 26:22

Me gbia Yoakim atokua na Ezipte Elnatan, molenge ti Akbor, lo na ambeni zo.

Jérémie 36:10

Na ya ti kota da ti Nzapa, Baruk adiko na mê ti azo so kue ayeke kâ, atënë ti Jérémie so a su na le ti rulo so. Baruk aluti na ya ti kota kubu so a mu na Gemaria, molenge ti Shafan, ngbene kota wakuasu ti letaa. Kota kubu ni ayeke na ya ti gbagba ti mbage ti nduzu ti kota da ti Nzapa, nduru na Fini yanga-da.

Jérémie 36:12

Lo zu na yangbo ti gbia si lo li na ya ti kota ya ti kubu ti wakuasu ni. Andaa akota zo ti kodro kue ayeke na bongbi ti kua kâ. Azo so ayeke kâ ayeke Elishama, wakuasu ti letaa, Delaya, molenge ti Shemaya, Elnatan, molenge ti Akbor, Gemaria, molenge ti Shafan, Sidekia, molenge ti Hanania na tanga ti akota zo ti kodro kue.

Matthieu 27:4

Lo tene na ala: “Mbi sara siokpari awe, ngbanga ti so mbi ka na ala mbeni zo so asara sioni oko pepe.” Me ala kiri tënë na lo, atene: “Ti e daa nyen? So abaa gi mo!”