Jérémie 36:10 - Mbeti ti Nzapa - Tënë so amu fini

¹⁰ Na ya ti kota da ti Nzapa, Baruk adiko na mê ti azo so kue ayeke kâ, atënë ti Jérémie so a su na le ti rulo so. Baruk aluti na ya ti kota kubu so a mu na Gemaria, molenge ti Shafan, ngbene kota wakuasu ti letaa. Kota kubu ni ayeke na ya ti gbagba ti mbage ti nduzu ti kota da ti Nzapa, nduru na Fini yanga-da.

Jérémie 36:10 ပူးပေါင်းရင်းမြစ်များ

2 Samuel 20:25

Sheva ayeke wakuasu; Sadok na Abiatar ayeke awayango-sandaga;

2 Samuel 8:17

Sadok, molenge ti Ahitub, lo na Ahimelek, molenge ti Abiatar ayeke awayango-sandaga; Seraya ayeke wakuasu.

1 Agbia 6:36

Na pekoni, a sara gbagba ti kota da ti Nzapa, – so ti tene gbagba ti ya ni – na atêne so a de tere ni dengo, molongo ti atêne ni ayeke ota; na ndö ni, a zia molongo oko ti angbongboro keke ti sedre.

2 Agbia 15:35

Me ando so azo aleke na ndö ti ahoto ti voro anzapa nde daa, lo zi ni pepe. Azo angba ti gue kâ ti mu *asandaga na ti zö dukani. Yotam laa aleke yanga ti gbagba ti kota da ti KOTA GBIA, yanga ni ti mbage ti nduzu.

2 Agbia 18:37

Na pekoni, Eliakim, molenge ti Hilkia, makonzi ti yangbo ti gbia, lo na wakuasu Shebna nga na Yoa, molenge ti Asaf, zo ti tenengo peko ti tënë ti yanga ti gbia asuru bongo na tere ti ala. Ala kiri na tere ti Ezekias si ala tene na lo peko ti tënë ti makonzi ti aturugu ti batango gbia ti Asirii.

2 Agbia 22:3

Na ngu baleoko na miombe ni so Yosias ayeke le-gbia, mbeni lâ, gbia atokua wakuasu Shafan, molenge ti Asalia, molenge ti Meshulam ti gue na kota da ti *KOTA GBIA. Lo tene na Shafan, lo tene:

Jérémie 26:10

So agbenyogbia ti Juda ama tënë so, ala londo na yangbo ti gbia si ala gue na kota da ti Nzapa; ala duti na yanga ti kota da ti Nzapa so iri ni Fini yanga-da.

Jérémie 26:24

Me ti Jérémie, Ahikam, molenge ti Shafan abata lo; lo sara si Jérémie ati pepe na maboko ti azo so aye fade gi kuâ ti lo so.

Jérémie 29:3

Jérémie amu mbeti ni na Elasa, molenge ti Shafan nga na Gemaria, molenge ti Hilkia titene ala gue na ni. Biani, Sedesias, gbia ti Juda atokua fade ala na Babilone na gbia Nabukodonosor. Tënë ti ya ti mbeti ni ayeke tongaso:

Jérémie 35:4

Mbi ga na ala na ya ti kota da ti KOTA GBIA, na ya ti kota kubu ni so adisiple ti Hanan ayeke duti daa; Hanan ayeke taa zo ti Nzapa, lo yeke molenge ti Igdalia. Kota kubu ni ayeke nduru na tere ti kota ya ti da ti amakonzi si ayeke na nduzu, na ndo so kota kubu ti Maaseya ayeke daa; Maaseya ayeke molenge ti Shalum, wayango-sandaga so ayeke bata yanga ti kota da ti Nzapa.

Jérémie 36:11

Mika, molenge ti Gemaria, molenge ti Shafan, ama atënë ti KOTA GBIA so kue a su na le ti rulo si Baruk adiko ni so.

Jérémie 36:25

Andaa Elnatan, Delaya na Gemaria avoro tere ti ala fade na gbia titene lo gbi rulo ni pepe; me lo ma ala pepe.

Jérémie 36:6

Me ti mo, mo yeke gue ande kâ na mbeni lango ti kengo kobe. Fade mo yeke diko na mê ti azo so kue ayeke na ya ti kota da ti Nzapa, atënë ti KOTA GBIA so asigigi na yanga ti mbi si mo su na le ti rulo so. Mo yeke diko nga ni na mê ti azo ti Juda so kue alondo na ya ti agbata ti Juda si aga.

Jérémie 36:8

Baruk, molenge ti Neria, asara ye so kue wayanga-Nzapa Jérémie amu yanga na lo ti sarango ni. Lo gue na ya ti kota da ti Nzapa ti diko atënë ti KOTA GBIA so a su na le ti rulo so.

Jérémie 43:3

Me Baruk, molenge ti Neria laa ayeke pusu mo na tere ti e. Biani, lo ye ti zia e na maboko ti azo ti Babilone titene ala fâ e wala titene ala gbu e ti gue na e na Babilone.”

Jérémie 52:25

Lo gbu nga na ya ti gbata ni mbeni kota zo so ayeke baa ndo na ndö ti aturugu; lo gbu nga azo mbarambara so ayeke nduru na tere ti gbia si ala yeke na ya ti gbata ni; lo gbu nga wakuasu ti makonzi ti aturugu, lo so lo yeke su iri ti azo so aye ti li na kua ti turugu; lo gbu nga azo ti Juda baleomene so ayeke na ya ti gbata ni.

Ezekiel 40:38

Na ya ti kota kubu, lege ayeke daa ti li na ya ti mbeni kete da so ayeke na tere ti kota kubu ni. Na ya ti kete da so laa a yeke sukula anyama so a yeke gbi ni kue na wâ.