Jérémie 35:4 - Mbeti ti Nzapa - Tënë so amu fini

⁴ Mbi ga na ala na ya ti kota da ti KOTA GBIA, na ya ti kota kubu ni so adisiple ti Hanan ayeke duti daa; Hanan ayeke taa zo ti Nzapa, lo yeke molenge ti Igdalia. Kota kubu ni ayeke nduru na tere ti kota ya ti da ti amakonzi si ayeke na nduzu, na ndo so kota kubu ti Maaseya ayeke daa; Maaseya ayeke molenge ti Shalum, wayango-sandaga so ayeke bata yanga ti kota da ti Nzapa.

Jérémie 35:4 ပူးပေါင်းရင်းမြစ်များ

1 Agbia 12:22

Me tënë ti Nzapa asi na wayanga-Nzapa Shemaya, atene:

1 Agbia 13:1

Andaa mbeni zo ti Nzapa alondo na sese ti Juda aga na Betel alingbi na yanga so *KOTA GBIA amu. Na ndembe ni so, Yeroboam angba ti gbi sandaga na ndö ti gbalaka.

1 Agbia 13:26

Wayanga-Nzapa so lani amu zo ti Nzapa na Juda si akiri na lo na Betel, so lo ma tënë ni, lo tene: “Zo ti Nzapa so laa! Lo ke ti ma yanga ti KOTA GBIA, nilaa KOTA GBIA azia lo na maboko ti bamara; bamara ni agbu lo si afâ lo, alingbi na tënë so KOTA GBIA atene na lo.”

1 Agbia 17:18

Mama ti molenge ni atene na Élie: “Zo ti Nzapa, ti mo na mbi nyen? Mo ga na da ti mbi ti kiri ti fa na Nzapa peko ti asioni ye so mbi sara? Mo ga nga ti sara titene molenge ti mbi akui?”

1 Agbia 17:24

Wali ni atene na Élie: “Biani, fadeso mbi hinga, mbi tene, mo yeke zo ti Nzapa; tënë ti KOTA GBIA so ayeke na yanga ti mo ayeke taa-tënë.”

1 Agbia 20:28

Wayanga-Nzapa akiri aga abaa Akab, gbia ti Israel, lo tene: “Tënë so KOTA GBIA atene ayeke so: ‘Ndali ti so azo ti Sirii atene mbi KOTA GBIA, mbi yeke Nzapa ti ahoto, me Nzapa ti kpangbara sese pepe, fade mbi yeke zia gba ti azo so na maboko ti mo. Tongaso si ala azo ti Israel, ala hinga atene, mbi yeke KOTA GBIA.’ ”

2 Agbia 1:9

Gbia atokua mbeni makonzi ti aturugu so lo yeke na li ti aturugu baleoku na aturugu ti lo baleoku ti gbu Élie. Ala gue na li ti hoto si ala wara Élie so ayeke duti kâ. Makonzi ti aturugu ni atene na lo: “Zo ti Nzapa, gbia amu yanga, atene: Mo zu!”

2 Agbia 12:9

Tongaso awayango-sandaga ayeda ti kiri ti mu nginza na maboko ti azo pepe ti leke na kota da ni.

2 Agbia 25:18

Makonzi ti aturugu ti batango gbia agbu Seraya, kota wayango-sandaga, lo na Sefania, use wayango-sandaga nga na awayango-sandaga ota so ayeke bata yanga ti kota da ti Nzapa.

2 Agbia 5:14

Tongaso Naaman azu na ngu ti Jourdain, lo li na ya ti ngu ni fani mbarambara alingbi na tënë so zo ti Nzapa atene. Na pekoni, tere ti lo aga *nzoni: poro ti tere ti lo akiri aga tongana ti kete molenge.

2 Agbia 5:20

Gehazi, zo ti kua ti Élisée, zo ti Nzapa atene na be ti lo: “Wa ti mbi ake ti mu akadoo so Naaman, zo ti Sirii aga na ni na lo. KOTA GBIA ayeke na fini! Mbi yeke mu loro na peko ti lo titene mbi wara mbeni ye na maboko ti lo!”

2 Agbia 6:10

Nilaa gbia ti Israel atokua aturugu ti baa ndo so zo ti Nzapa afa so. Ye ni so asi fani mingi: Élisée agboto mê ti gbia ti Israel daa, nilaa gbia ti Israel asara hange.

2 Agbia 7:17

Turugu ti kota kamba so ayeke lakue nduru na tere ti gbia, gbia amu yanga na lo titene lo gue, lo baa ye so asi na yanga ti gbagba ti gbata ni. Me azo apete lo ngangu na tere ti yanga ti gbagba ni si lo kui alingbi na tënë so lani Élisée atene na ndembe so gbia aga ti baa lo.

2 Agbia 7:2

Mbeni turugu ti kota kamba ti gbia ti Israel, lo so lo yeke lakue nduru na tere ti gbia akiri tënë na Élisée, atene: “Ataa KOTA GBIA azi fenetere ti yayu, atënë so mo tene so, fade ayeke ga taa-tënë?” Élisée akiri tënë: “Fade mo yeke baa ye ni na le ti mo, me mo yeke te ande kobe ni pepe.”

1 Mbai 9:27

Ala yeke lango nduru na kota da ti Nzapa, ngbanga ti so ala laa ayeke baa ndo na ndö ni si lakue na ndaperere, ala yeke zi ayanga ti da ni.

2 Mbai 8:14

Salomon asara ye alingbi na ye so babâ ti lo David amu yanga na lo ti sara: lo zia awayango-sandaga na yanga ti kua ti ala; lo zia nga azo ti mara ti Lévi na yanga ti kua ti ala titene ala yeke he bia ti sepela KOTA GBIA nga ti sara kua na ya ti lango oko oko na tere ti awayango-sandaga. Lo zia azo ti batango ayanga ti gbagba na lege ti bongbi ti ala oko oko titene ala bata ayanga ti gbagba oko oko kue. Yanga so David, zo ti Nzapa amu laa.

Abia (Psaumes) 84:10

O Nzapa, baa gbia so ayeke *vala ti e, baa na nzoni le zo ti mo so mo zia lo gbia so.

Jérémie 21:1

Tënë ti *KOTA GBIA asi na Jérémie na ngoi so gbia Sedesias atokua Pashehur, molenge ti Malkia, lo na wayango-sandaga Sefania ti gue ti tene na Jérémie, atene:

Jérémie 26:10

So agbenyogbia ti Juda ama tënë so, ala londo na yangbo ti gbia si ala gue na kota da ti Nzapa; ala duti na yanga ti kota da ti Nzapa so iri ni Fini yanga-da.

Jérémie 35:3

Tongaso, mbi gue ti gi Yazania, molenge ti Irmeya, molenge ti Habasinia, lo na a-ita ti lo nga na amolenge ti Yazania kue; so ti tene azo ti kete mara ti Rekab kue.

Jérémie 52:24

Makonzi ti aturugu ti batango gbia agbu Seraya, kota wayango-sandaga, lo na Sefania, use wayango-sandaga nga awayango-sandaga ota so ayeke bata yanga ti kota da ti Nzapa.

Ezekiel 40:38

Na ya ti kota kubu, lege ayeke daa ti li na ya ti mbeni kete da so ayeke na tere ti kota kubu ni. Na ya ti kete da so laa a yeke sukula anyama so a yeke gbi ni kue na wâ.

Ezekiel 43:8

Agbia ni azia yanga ti da ti ala nga na kadere ti yanga ti da ti ala na tere ti yanga ti da ti mbi nga na kadere ti yanga ti da ti mbi. Gi dere oko si akangbi popo ti mbi na ala. Iri ti mbi so ayeke nde si ayeke nzoni kue so, ala buba ni na lege ti asarango ye so zo alingbi ti baa na le ti fani use pepe. Ndani laa ngonzo agbu mbi si mbi fâ ala kue kue kue.

Ndia ti fani use ni 33:1

So ayeke tufa so Moïse, zo ti Nzapa, asara na ndö ti azo ti Israel kozo titene lo kui laa.

1 Timothée 6:11

Ti mo zo ti Nzapa, mo kpe lege ti aye so kue. Mo gi lege ti ga mbirimbiri na le ti Nzapa, ti gbu tënë ti lo ngangu, ti duti na mabe, ti duti na ndoye, ti kanga be ti mo na ya ti aye so ayeke si na mo, ti duti nga na wokongo be.

2 Timothée 3:17

si zo ti Nzapa akpengba, lo wara anzoni ye so kue alingbi titene lo sara na nzoni kua.

Josué 14:6

Mbeni lâ, azo ti mara ti Juda aga awara Josué na Gilgal. Kaleb, molenge ti Yefune, zo ti kete mara ti Kenaz atene na lo, atene: “Mo hinga tënë so KOTA GBIA atene na Moïse, zo ti kua ti Nzapa, na ndö ti mbi na mo, kâ na Kades-Barnea.

1 Samuel 2:27

Mbeni zo ti kua ti Nzapa aga awara Heli si atene na lo: “Tënë so *KOTA GBIA atene ayeke so: Na ngoi so akotara ti mo ayeke ando angbaa ti gbia Faraon na Ezipte, mbi sara si ala hinga mbi mbirimbiri.