Jérémie 35:2 - Mbeti ti Nzapa - Tënë so amu fini

² “Gue mo wara tere na azo ti kete mara ti Rekab; mo tene tënë na ala si mo gue na ala na ya ti kota da ti Nzapa, na ya ti mbeni kota kubu. Kâ, fade mo yeke mu na ala vin ti nyongo ni.”

Jérémie 35:2 ပူးပေါင်းရင်းမြစ်များ

1 Agbia 6:10

Ada-nduzu so a sara si agbu tere na kota da ni, yongo ni na nduzu ayeke metere use na ndambo; akeke so agbu li ti da ni ayeke akeke ti sedre si aduti na ndö ti dere ti kota da ti Nzapa.

1 Agbia 6:8

Yanga-da ti lingo na ya ti da ti gbeni ayeke na mbage ti Mbongo ti kota da ti Nzapa. Ti londo na ndo so ti li na ya ti kozo da-nduzu nga na ya ti use da-nduzu, azo ayeke mondee eskalie.

1 Mbai 2:55

ala na azo ti kete mara ti Yabes so ahinga mbeti mingi, so ti tene azo ti kete mara ti Tirati, ti Shimati na ti Sukati. Azo ni so ayeke azo ti mara ti Keni, ahale ti Hamat, kotara ti azo ti sewa ti Rekab.

1 Mbai 23:28

Kua ti ala ayeke ti mu maboko na ahale ti Aaron na ya ti da ti KOTA GBIA, na ya ti gbagba ni nga na ya ti akubu ni; ala yeke *sukula sioni ti aye so kue a zia ni nde ndali ti Nzapa; ala yeke sara akua nde nde ti da ti Nzapa:

1 Mbai 28:12

Lo mu nga na Salomon mbeti so afa kode ti ambeni ye so lo leke na be ti lo ti sarango ni: ya ti gbagba ti kota da ti *KOTA GBIA, ada so angoro tere ti ya ti gbagba ni, akubu so a yeke bata amosoro ti kota da ti Nzapa daa nga na akubu so a yeke bata aye so a zia ni nde ndali ti Nzapa daa.

1 Mbai 9:26

Me ambeni makonzi osio ti azo ti batango ayanga ti gbagba ni angba ti ala lakue na ndo ti kua ni. Kua ti azo ti mara ti Lévi ayeke ti baa ndo na ndö ti akubu nga na ndö ti amosoro ti kota da ti Nzapa.

1 Mbai 9:33

Amakonzi ti asewa ti azo ti mara ti Lévi so ayeke baa ndo na ndö ti hengo bia, ala yeke lango na ya ti ada so a sara ni ndali ti ala. Ala yeke sara mbeni kua nde pepe, ngbanga ti so ala yeke sara kua ti ala bi na lâ.

2 Mbai 3:9

Nengo ti apondi ti lôro so a pika na da ni ayeke grame ngbangbo oku. Ataa akubu ti da-nduzu, a zia lôro na tere ni kue.

2 Mbai 31:11

Ezekias amu yanga titene ala leke akubu na ya ti kota da ti KOTA GBIA ti bata aye ni daa. Tongaso ala leke akubu ni.

Esdras 8:29

Le ti ala akpengba, ala bata amosoro so nzoni ngbii ala si na ni na Jérusalem. Kâ, na ya ti ada so ayeke na ya ti gbagba ti kota da ti KOTA GBIA, fade ala yeke haka ni na kilo na le ti akota wayango-sandaga, azo ti mara ti Lévi nga na azo ti li ti asewa.”

Néhémie 13:5

Eliashib amu na Tobia mbeni kota kubu so a yeke bata na ya ni *asandaga ti ale ti kobe, dukani na agbakuru nde nde ti kota da ti Nzapa, na asandaga so a yeke mu na awayango-sandaga, *adime ti ble, ti fini vin na ti mafuta; adime ti aye so a bata ndali ti azo ti mara ti Lévi, azo ti hengo bia na azo ti batango yanga ti gbagba.

Jérémie 35:3

Tongaso, mbi gue ti gi Yazania, molenge ti Irmeya, molenge ti Habasinia, lo na a-ita ti lo nga na amolenge ti Yazania kue; so ti tene azo ti kete mara ti Rekab kue.

Jérémie 35:4

Mbi ga na ala na ya ti kota da ti KOTA GBIA, na ya ti kota kubu ni so adisiple ti Hanan ayeke duti daa; Hanan ayeke taa zo ti Nzapa, lo yeke molenge ti Igdalia. Kota kubu ni ayeke nduru na tere ti kota ya ti da ti amakonzi si ayeke na nduzu, na ndo so kota kubu ti Maaseya ayeke daa; Maaseya ayeke molenge ti Shalum, wayango-sandaga so ayeke bata yanga ti kota da ti Nzapa.

Jérémie 35:8

E sara ye so kue kotara ti e Yonadab, molenge ti Rekab, amu ando yanga na e ti sarango ni. Nilaa e yeke nyon ka vin pepe, ataa e, ataa awali ti e, amolenge ti e ti koli na ti wali.

Ezekiel 40:16

Afenetere so a sara gbanda ti wen na tere ni ayeke na tere ti akubu ti asanziri angoro ada ni kue nga na tere ti adere ti da ni na mbage ti ya ni. Afenetere ni angoro nga kota kubu kue na mbage ti ya ni. A leke limo ti amaboko ti keke ti mburu na tere ti adere ti ada ni.