Jérémie 35:17 - Mbeti ti Nzapa - Tënë so amu fini

¹⁷ Jérémie akiri atene: “Ndani laa, tënë so KOTA GBIA so ayeke na ndö ti dunia kue, Nzapa ti Israel atene ayeke so: Ala azo ti Juda na ala, azo ti Jérusalem, akpale so kue mbi tene tënë ni so, mbi yeke sara titene aga na ndö ti ala. Biani, mbi tene tënë na ala, me ala ma mbi pepe; mbi iri ala, me ala ke ti yeda.”

Jérémie 35:17 ပူးပေါင်းရင်းမြစ်များ

Tongo nda ti aye 6:17

Ti mbi, mbi yeke sara titene ngu asuku, amu ndö ti sese ti buba aye so kue ayeke na fini. Fade aye so kue ayeke na ndö ti sese ayeke kui.

Amato 13:13

Zo so abaa wango tongana mbumbuse ye, lo yeke buba fini ti lo wani. Me zo so asara ye alingbi na atënë ti ndia, lo yeke wara nzoni ye ti pekoni.

Amato 16:2

Zo oko oko ayeke baa na le ti lo atene, aye so kue ni yeke sara ayeke nzoni; me KOTA GBIA laa ayeke baa atënë ti be ti zo.

Ésaïe 50:2

Mbi ga, mbi wara zo oko pepe, ngbanga ti nyen? Mbi iri ndo, zo oko ayeda pepe, ngbanga ti nyen? Maboko ti mbi ayeke nduru mingi titene mbi zi ala? Ngangu laa atia mbi titene mbi soo ala? Gi so mbi suku, kota ngu-ingo ahole; mbi sara si *abale aga kuru sese. Ndali ti so ngu ayeke daa pepe, asusu ayeke kui nzara ti ngu si ala yeke fun.

Ésaïe 65:12

mbi diko ala titene ala kui kuâ ti yongoro zeme. Ala kue, fade ala yeke kuku na sese si a yeke fâ go ti ala. Biani, mbi iri ndo, ala yeda pepe; mbi tene tënë, ala ma pepe, ala sara ye so ayeke sioni na le ti mbi; ala soro ye so anzere na be ti mbi pepe.

Ésaïe 66:4

Mbi nga, mbi soro ti zia ala titene ala baa pasi ndali ti mbana ti ala. Mbi yeke sara titene ye so ala yeke sara mbeto ni aga na ndö ti ala. Biani, mbi iri ndo, me zo oko ayeda pepe; mbi tene tënë, me ala ma pepe. Ala sara ye so ayeke sioni na le ti mbi, ala soro ti sara ye so anzere na be ti mbi pepe.”

Jérémie 11:11

“Ndani laa, tënë so KOTA GBIA atene ayeke so: ‘Fade mbi yeke sara si mbeni kota kpale aga na ndö ti ala; kota kpale so ala lingbi ti sigigi na ya ni pepe. Ala yeke dekongo ti iri mbi, me mbi yeke ma ala pepe.

Jérémie 11:8

Me ala ma tënë ni pepe, ala dingi mê ti ala pepe ti ma tënë ni. Zo oko oko angba ti sara sioni ye so be ti lo afa na lo. Tongaso, mbi sara si atënë kue ti ya ti mbuki ni akiri na ndö ti ala, ngbanga ti so mbi mu yanga na ala ti sara ye alingbi na atënë ti ya ti mbuki ni, me ala ke.’ ”

Jérémie 19:15

“Tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Akpale so kue mbi tene tënë ni so, fade mbi yeke sara si ati na ndö ti gbata so nga na ndö ti akete kodro so kue ayeke na tere ni. Biani, azo ti gbata ni asara ngangu li si ala ke ti ma tënë ti mbi.’ ”

Jérémie 19:3

Fade mo yeke tene: Agbia ti Juda na azo so ayeke lango na Jérusalem, ala ma tënë ti KOTA GBIA si! Tënë so KOTA GBIA so ayeke na ndö ti dunia kue, Nzapa ti Israel atene ayeke so: Fade mbi yeke sara si mbeni kota kpale ati na ndo so. Azo so kue ayeke ma tënë ni, fade ayeke toto na mê ti ala tongana sungbango ti bekpa.

Jérémie 26:5

Ala ma tënë ti azo ti kua ti mbi, awayanga-Nzapa! Mbi mu ngoi ti mbi kue ti tokua na ala awayanga-Nzapa, me ala ma ala pepe.

Jérémie 32:33

Titene ala zia le ti ala na mbage ti mbi, ala zia gi peko ti ala na mbi. Ataa so mbi mu ngoi ti mbi kue ti fa ye na ala, ala ma pepe; ala ke ti ma wango ti mbi.

Jérémie 36:31

Mbi yeke ga na tere ti lo, *ahale ti lo nga na akota zo ti yangbo ti lo ndali ti sioni ti ala. Akpale so kue mbi tene tënë ni si ala ke ti ma mbi so, mbi yeke sara si aga na ndö ti ala, na ndö ti azo so alango na Jérusalem nga na ndö ti azo ti Juda.’ ”

Jérémie 7:13

Baa, fadeso ala yeke sara gi mara ti asioni ye so. Mbi mu ngoi ti mbi kue ti tene tënë na ala, me ala ma pepe; mbi iri ala, me ala ke ti yeda; so tënë ti yanga ti KOTA GBIA laa.

Mishe 3:12

Ndani laa, ndali ti ala, fade Sion ayeke ga tongana yaka so a de ni awe, Jérusalem ayeke ti kue na sese si hoto so kota da ti Nzapa ayeke daa, ndö ni ayeke ga ngonda.

Rome 10:21

Me na ndö ti tënë ti azo ti Israel, Nzapa atene: “Lakue, ti londo na ndaperere ngbii asi na lakui, mbi yeke gi lege ti sara songo na azo, andaa azo ni ayeke azo ti kengo yanga, ala yeke nga azo ti ngangu li.”