Jérémie 35:16 - Mbeti ti Nzapa - Tënë so amu fini

¹⁶ Ti azo ti Rekab, ala sara ye alingbi na yanga so kotara ti ala Yonadab amu na ala; me ala, azo ti Juda, ala ma mbi pepe!”

Jérémie 35:16 ပူးပေါင်းရင်းမြစ်များ

2 Samuel 4:2

Ishebaal ayeke lani na akoli use na gbe ti lo so ala yeke amakonzi ti aturugu ti lo; iri ti mbeni ayeke Baana si iri ti mbeni ayeke Rekab. Ala yeke amolenge ti Rimon, zo ti gbata ti Beerot. – A baa Beerot tongana mbeni mbage ti sese ti Benjamin.

Ésaïe 1:3

Bagara ahinga wa ti lo; lele ahinga ndo so wa ti lo ayeke mu na lo kobe ti tengo ni daa. Me azo ti Israel ahinga ndo pepe, li ti azo ti mbi ayeke daa pepe.”

Jérémie 35:14

Ando Yonadab, molenge ti Rekab, amu yanga na amolenge ti lo titene ala nyon vin pepe. Nilaa amolenge ni ama yanga ti kotara ti ala si ala ke ti nyon vin ngbii asi laso. Me ti mbi KOTA GBIA, mbi mu ngoi ti mbi kue ti tene tënë na ala, azo ti Juda, me ala ma mbi pepe.

Jérémie 7:3

Tënë so KOTA GBIA so ayeke na ndö ti dunia kue, Nzapa ti Israel, atene ayeke so: Ala sara si lege ti dutingo ti ala na sarango ye ti ala akiri aga nzoni! Tongaso si fade mbi yeke sara titene ala ngba ti duti na ya ti kodro so.

Malashii 1:6

Tënë so KOTA GBIA so ayeke na ndö ti dunia kue atene na ala, awayango-sandaga ayeke so: “Molenge-koli ayeke ne babâ ti lo, zo ti kua ayeke ne makonzi ti lo. Tongana mbi yeke Babâ ti ala, nengo mbi ni ayeke na ndo wa? Tongana mbi yeke Makonzi ti ala, kpengo mbeto ti mbi ni ayeke na ndo wa? Ti ala awayango-sandaga, ala yeke baa mbi tongana mbumbuse zo. Ala hunda mbi, atene: ‘E baa mo tongana mbumbuse zo tongana nyen?’