Jérémie 35:13 - Mbeti ti Nzapa - Tënë so amu fini

¹³ “Tënë so KOTA GBIA so ayeke na ndö ti dunia kue, Nzapa ti Israel atene ayeke so: Gue mo tene na azo ti Juda nga na azo ti Jérusalem, mo tene: Fade ala yeke ma wango ti mbi pepe? Ala yeke ma tënë ti mbi pepe? So tënë ti yanga ti KOTA GBIA laa.

Jérémie 35:13 ပူးပေါင်းရင်းမြစ်များ

Amato 19:20

Mo ma awango, mo yeda na aye so a yeke fa na mo; na ndani, fade mo yeke ga zo ti ndara.

Amato 8:10

Ala soro wango ti mbi, me nginza pepe; ayeke nzoni ala ye hingango ye ahon lôro ti nzoni ni.

Ésaïe 42:23

Na popo ti ala, zo wa laa ayeke dingi mê ti lo ti ma tënë so? Zo wa laa ayeke zia mê ti lo kpoo ti ma tënë gbanda?

Jérémie 25:2

Jérémie atene tënë ni na azo ti Juda kue nga na azo ti Jérusalem kue, lo tene:

Jérémie 32:33

Titene ala zia le ti ala na mbage ti mbi, ala zia gi peko ti ala na mbi. Ataa so mbi mu ngoi ti mbi kue ti fa ye na ala, ala ma pepe; ala ke ti ma wango ti mbi.

Jérémie 35:12

Tongaso tënë ti KOTA GBIA asi na Jérémie, atene:

Jérémie 5:3

KOTA GBIA, ye so anzere na mo ayeke titene zo asara lakue ye so ayeke na legeni; ni laa ape? Mo pika ala, me pika ni aso ala pepe. Mo ye ti nika ala biani biani, me ala ke ti ma ye so mo fa na ala. Li ti ala akpengba ahon têne, ala ke ti kiri na mbage ti mo.

Jérémie 9:12

KOTA GBIA akiri atene: “Ye ni asi tongaso, ngbanga ti so azo ni azia lege ti ye so mbi fa na ala, ala ke ti ma mbi; ala ke ti sara ye alingbi na tënë ti mbi.

Ahebro 12:25

Ala sara hange! Zo so ayeke tene tënë na ala, ala ke ti ma tënë ti lo pepe. Ando na sese so, azo ti Israel awara sioni, ngbanga ti so ala ke ti ma tënë ti zo so ayeke fa na ala peko ti tënë ti yanga ti Nzapa, ti gboto mê ti ala. Ti e, tongana e ke lo so alondo na yayu si ayeke tene tënë na e, fade e yeke kpe ngbanga ti Nzapa tongana nyen?