Jérémie 35:11 - Mbeti ti Nzapa - Tënë so amu fini

¹¹ Na ndembe so Nabukodonosor, gbia ti Babilone, aga si asara bira na kodro ni, e tene na be ti e, e tene: ayeke nzoni e gue na Jérusalem si e kpe aturugu ti Babilone na ala ti Sirii. Ndani laa e duti laso na Jérusalem so.”

Jérémie 35:11 ပူးပေါင်းရင်းမြစ်များ

Jérémie 25:9

mbi yeke tokua titene a gi amara ti mbage ti Banga kue, so tënë ti yanga ti KOTA GBIA laa. Mbi yeke iri zo ti kua ti mbi Nabukodonosor, gbia ti Babilone, titene lo ga. Mbi yeke sara titene azo ni aga atuku na ndö ti kodro so; ala ga na tere ti azo ti kodro ni nga na tere ti amara so kue angoro kodro ni. Mbi yeke hunzi ala na amara ni kue. Mbi yeke sara si kodro ni ati biani biani si aga ye ti dongo be. Na bango kodro ni, fade azo ayeke huru yanga ti ala; so tënë ti yanga ti KOTA GBIA laa.

Jérémie 35:12

Tongaso tënë ti KOTA GBIA asi na Jérémie, atene:

Jérémie 8:14

“E ngba ti duti dutingo ngbanga ti nyen? E londo, e bongbi tere, e li na ya ti agbata so gbagba ti bira ayeke na tere ni, e duti kâ ti ku kuâ ti e ma! Biani, KOTA GBIA, Nzapa ti e aye gi kuâ ti e; lo ye titene e nyon gi ngu so sioni yoro ayeke daa, ngbanga ti so e sara siokpari ti ke lo.

Marc 13:14

“Fade ala yeke baa ye so iri ni ‘Sioni-kpale-ti-bubango-ndo-kue’ so ayeke duti na ndo so sioni kpale ni alingbi fade ti duti daa pepe. (Mo so mo yeke diko mbeti so, mo gi nda ti ye so nzoni!) Tongaso, azo so ayeke na sese ti Judée, alingbi ala kpe ague na li ti ahoto;