Jérémie 34:21 - Mbeti ti Nzapa - Tënë so amu fini

²¹ Ti Sedesias, gbia ti Juda, fade mbi yeke zia lo legeoko tongaso, lo na akota zo ti kodro ti lo na maboko ti awato ti ala nga na azo so aye gi kuâ ti ala. Mbi yeke zia ala na maboko ti aturugu ti gbia ti Babilone, ataa so aturugu ni agboto tere ti ala fadeso ahon yongoro na tere ti ala.

Jérémie 34:21 ပူးပေါင်းရင်းမြစ်များ

2 Agbia 25:6

Ala gbu gbia ni si ala gue na lo na gbia ti Babilone na gbata ti Ribla. Kâ, Nabukodonosor afâ ngbanga na li ti lo.

Jérémie 22:25

Mbi yeke sara si mo ti na maboko ti azo so aye gi kuâ ti mo, azo so mo sara mbeto ti ala mingi, so ti tene gbia Nabukodonosor na aturugu ti lo.

Jérémie 32:3

Sedesias, gbia ti Juda amu fade yanga titene a kanga Jérémie kâ. Biani, lo suku na Jérémie ngbanga ti tënë ti peko ti yanga ti KOTA GBIA so Jérémie atene: “Baa, tënë so KOTA GBIA atene ayeke so: Mbi yeke zia Jérusalem na maboko ti gbia ti Babilone si lo yeke mu ni.

Jérémie 32:4

Ti Sedesias, gbia ti Juda, lo yeke kpe na maboko ti azo ti Babilone pepe. Biani, fade a yeke zia lo na maboko ti gbia ti Babilone, lo wani, lo yeke tene tënë na gbia ni si lo yeke baa lo le na le.

Jérémie 39:6

Na Ribla, gbia ti Babilone afâ go ti amolenge ti Sedesias taa na le ti lo; lo fâ nga go ti akota zo ti Juda kue.

Jérémie 44:30

Tënë so KOTA GBIA atene ayeke so: Mbi yeke zia Faraon Hofra, gbia ti Ezipte na maboko ti azo so aye gi kuâ ti lo tongana ti so mbi zia lani Sedesias, gbia ti Juda, na maboko ti wato ti lo Nabukodonosor, gbia ti Babilone, lo so aye lani gi kuâ ti Sedesias so.”

Jérémie 52:10

Na Ribla, gbia ti Babilone afâ go ti amolenge ti Sedesias taa na le ti lo; lo fâ nga go ti akota zo ti kua kue ti Juda.

Jérémie 52:8

Me aturugu ti Babilone atumba peko ti gbia Sedesias si ala gue, awara lo na lando ti Jéricho. Aturugu ti lo kue akpe kirikiri, ala do lo azia.

Abia ti demango tere 4:20

Lo so KOTA GBIA asoro lo ti zia lo gbia so, lo so fini ti e ayeke na maboko ti lo si e tene tënë ti lo, e tene: “Tongana e wara ndo na popo ti awande, fade lo laa lo yeke bata e.” Baa, awato agbu lo, abi lo na du ti kanga ti ala.

Ezekiel 17:12

“Mo hunda azo ti mara ti ngangu li so, mo tene: Ala ma nda ti toli so pepe? Mo tene na ala, mo tene: Lani gbia ti Babilone aga na Jérusalem, lo mu gbia ni na amakonzi ti lo si lo gue na ala na Babilone.

Ezekiel 17:16

“Fini ti mbi! So tënë ti yanga ti mbi, Kota Gbia NZAPA laa: Gbia so ayeke kui ande na kodro ti gbia so azia lo na ndö ti mbata ti gbia so. Biani, lo baa dengo ba ti yanga ti lo tongana senge ye, lo buba ya ti mbuki ni. Tongaso, na Babilone, na ndo ti gbia ni laa, gbia ti Israel ayeke kui.

Ezekiel 17:20

Mbi yeke bi gbanda ti mbi na ndö ti lo, mbi yeke sara titene lo ti na ya ti kuku ti mbi. Mbi yeke gue na lo na Babilone; kâ, mbi yeke fâ ngbanga na li ti lo ndali ti asioni so lo sara ti ke mbi.