Jérémie 34:20 - Mbeti ti Nzapa - Tënë so amu fini

²⁰ fade mbi yeke zia ala na maboko ti awato ti ala, azo so aye gi kuâ ti ala. Kuâ ti ala ayeke ga kobe ti andeke ti nduzu na ti anyama ti sese.

Jérémie 34:20 ပူးပေါင်းရင်းမြစ်များ

1 Agbia 14:11

Azo ti sewa ti mo so kue ayeke kui na ya ti gbata, fade ambo ayeke te kuâ ti ala. Ala so ayeke kui na ya ti ngonda, fade andeke ti nduzu ayeke te kuâ ti ala.’ So tënë ti yanga ti KOTA GBIA laa.”

1 Agbia 16:4

Zo ti sewa ti Basha so kue ayeke kui na ya ti gbata, fade ambo ayeke te kuâ ti lo. Zo so ayeke kui na ya ti ngonda, fade andeke ti nduzu ayeke te kuâ ti lo.”

Abia (Psaumes) 79:2

Ala mu kuâ ti azo ti kua ti mo titene aga kobe ti andeke ti nduzu, ala mu kasa ti tere ti azo ti mo titene aga kobe ti anyama ti ngonda.

Jérémie 11:21

Ndani laa, tënë so KOTA GBIA atene na tere ti azo ti Anatot, azo so aye ti fâ mbi si ala tene: “Mo zia ti tene peko ti tënë ti yanga ti KOTA GBIA; tongaso pepe, fade e yeke fâ mo.”

Jérémie 12:9

Ye so ayeke ti mbi aga tongana mbeni ndeke so anzoroko ti tere ti lo ayeke gbani gbani – ndeke so asioni ndeke aga na tere ti lo mbage na mbage ti te lo? Ala gue, abongbi asioni nyama kue aga na ala na matanga ti tengo kobe!

Jérémie 16:4

Fade ngangu kobela ayeke fâ ala; zo ayeke toto kuâ ti ala pepe, zo ayeke lu nga kuâ ti ala pepe. Me ala yeke ga tongana puru na ndö ti sese. Fade bira na nzara ayeke fâ ala si kuâ ti ala ayeke ga kobe ti andeke ti nduzu na ti anyama ti sese.”

Jérémie 19:7

Na ndo so, fade mbi yeke sara si poroso ti azo ti Juda na ti Jérusalem aga senge senge ye. Mbi yeke sara si ala ti na gbe ti awato ti ala si awato ni afâ ala na ya ti bira, awato ti ala ni ayeke baa mawa ti ala oko pepe. Mbi yeke sara si kuâ ti ala aga kobe ndali ti andeke ti nduzu na anyama ti sese.

Jérémie 21:7

Na pekoni, mbi yeke zia Sedesias, gbia ti Juda, lo na azo ti gbe ti lo, na maboko ti gbia ti Babilone. Mbi yeke zia nga na maboko ti gbia ni azo ti gbata ni, ala so angba na fini na peko ti sioni kobela ti bubango kodro, ala so angba na fini na peko ti bira na kota nzara. Biani, fade mbi yeke zia azo ni na maboko ti awato ti ala nga na maboko ti azo so aye gi kuâ ti ala. Gbia Nabukodonosor ayeke fâ azo ni kue, lo yeke zia zo oko pepe, lo yeke baa mawa ti zo oko pepe, lo yeke hinga zo oko pepe; so tënë ti yanga ti KOTA GBIA laa.’ ”

Jérémie 22:25

Mbi yeke sara si mo ti na maboko ti azo so aye gi kuâ ti mo, azo so mo sara mbeto ti ala mingi, so ti tene gbia Nabukodonosor na aturugu ti lo.

Jérémie 38:16

Me gbia Sedesias adeba yanga ti lo na hondengo ni na Jérémie, atene: “KOTA GBIA ayeke na fini! Lo so lo mu na e fini, fade mbi yeke fâ mo pepe. Azo so aye gi kuâ ti mo so, mbi yeke zia mo na maboko ti ala pepe.”

Jérémie 39:6

Na Ribla, gbia ti Babilone afâ go ti amolenge ti Sedesias taa na le ti lo; lo fâ nga go ti akota zo ti Juda kue.

Jérémie 4:30

Ti mo Jérusalem, azo abuba mo awe! Mo yeke yu bengba bongo ti ngangu ngere, mo yeke yu aye ti pendere ti lôro si mo yeke kpaka aye ti baba na ndö ti le ti mo ti sara na nyen? Mo yeke sara aye ti pendere so gi senge senge; akoli so ayeke kpe lani na peko ti mo so, ala ke mo awe, ala ye gi kuâ ti mo.

Jérémie 44:30

Tënë so KOTA GBIA atene ayeke so: Mbi yeke zia Faraon Hofra, gbia ti Ezipte na maboko ti azo so aye gi kuâ ti lo tongana ti so mbi zia lani Sedesias, gbia ti Juda, na maboko ti wato ti lo Nabukodonosor, gbia ti Babilone, lo so aye lani gi kuâ ti Sedesias so.”

Jérémie 49:37

Mbi yeke sara si azo ti Elam ado na mbeto na le ti awato ti ala nga na le ti azo so aye gi kuâ ti ala. Ye ti vundu so mbi yeke tokua ti ga na ndö ti ala ayeke ngonzo ti mbi ti wâ; so tënë ti yanga ti KOTA GBIA laa. Mbi yeke tumba peko ti ala na bira ngbii mbi hunzi ala kue.

Jérémie 7:33

Fade kuâ ti azo ni ayeke ga kobe ti andeke ti nduzu na ti anyama ti sese; zo ti ga ti tumba ala na tere ti kuâ ni ayeke daa pepe.

Ezekiel 23:28

“Ndani laa, tënë so mbi Kota Gbia NZAPA, mbi tene ayeke so: Fade mbi yeke zia mo na maboko ti azo so mo ke ala, mbi yeke zia mo na maboko ti azo so be ti mo ake ala.

Ezekiel 29:5

Mbi yeke bi mo na asusu ni kue na benyama. Mo yeke kui na ndö ti sese, zo oko ti mu kuâ ti mo ayeke daa pepe, zo oko ti lu mo ayeke daa pepe. Mbi yeke sara titene mo ga kobe ti anyama ti sese na ti andeke ti nduzu.

Ezekiel 32:4

Mbi yeke bi mo na sese, mbi yeke bi mo na ya ti ngonda; mbi yeke sara titene andeke ti nduzu aduti na ndö ti mo, anyama ti sese kue ate kasa ti mo, ya ti ala asi.

Ndia ti fani use ni 28:26

Akuâ ti ala, azo ti Israel, ayeke ga kobe ti andeke ti nduzu na ti anyama ti sese; zo oko ti ga ti tumba anyama ni ayeke daa pepe.

1 Samuel 17:44

Zo ti Filistii so atene na David: “Ga ge; fade mbi yeke mu kasa ti tere ti mo na andeke ti nduzu nga na anyama ti ngonda titene ala te.”

1 Samuel 17:46

Laso, fade KOTA GBIA ayeke zia mo na maboko ti mbi; mbi yeke fâ mo, mbi yeke fâ li ti mo. Gi laso, fade mbi yeke mu kuâ ti aturugu ti Filistii na andeke ti nduzu nga na anyama ti ngonda titene ala te ni. Tongaso, fade azo ti dunia kue ahinga atene Nzapa ayeke na Israel.