Jérémie 34:19 - Mbeti ti Nzapa - Tënë so amu fini

¹⁹ Akota zo ti Juda na ti Jérusalem, azo ti kua ti yangbo ti gbia, awayango-sandaga na asenge zo ti kodro, ala so kue ahon na popo ti kete bagara so a suru ya ni use so,

Jérémie 34:19 ပူးပေါင်းရင်းမြစ်များ

Tongo nda ti aye 15:17

So lâ akui awe, na bi ni so ndo avuko pitipiti, mbeni kota wâ so ayeke za si guru ayeke sigigi daa ahon na popo ti ambage ti anyama so lo suru ya ti ala so.

Tongo nda ti aye 15:8

Abram akiri tënë, atene: “Kota Gbia NZAPA, mbi yeke hinga ande mbi tene, kodro ni ayeke ga ti mbi tongana nyen?”

2 Agbia 24:12

Tongaso Yoakin, gbia ti Juda, lo na mama ti lo, na amakonzi ti lo, na aturugu ti lo ti kota kamba nga na akota zo ti yangbo ti lo ague, awara gbia ti Babilone. Na ngu miombe ni so Nabukodonosor ayeke gbia ti Babilone laa lo gbu Yoakin si lo bi lo na da ti kanga.

2 Agbia 24:15

Lo gbu Yoakin, mama ti lo, awali ti lo, akota zo ti yangbo ti lo nga na akota zo ti kodro ti lo; lo gbu ala na Jérusalem si lo gue na ala na Babilone.

Jérémie 29:2

Lo tokua mbeti ni na peko ti so gbia Yekonia, na gbia-wali, na akota zo ti yangbo ti gbia, akota zo ti sese ti Juda na ti Jérusalem, azo ti pikango ndao nga na azo ti sarango ye na kode alondo na Jérusalem awe.

Jérémie 34:10

Akota zo ti kodro na azo ti Jérusalem so kue ama tere na lege ti mbuki ni, ayeda ti zi angbaa ti ala, akoli ni na awali ni. Ala yeda nga si zo akiri amu mba ti lo na ngbaa pepe. Zo oko oko asara fade ye alingbi na tënë ti mbuki so, nilaa ala zi angbaa ti ala.

Jérémie 38:7

Andaa Ebed-Melek, mbeni zo ti Etiopii ayeke daa. Lo yeke mbeni kota zo so ayeke sara kua na yangbo ti gbia; lo ma a tene, a zia Jérémie na ya ti du ti ngu. Me gbia ayeke duti na yanga ti gbagba so iri ni Benjamin.

Jérémie 39:6

Na Ribla, gbia ti Babilone afâ go ti amolenge ti Sedesias taa na le ti lo; lo fâ nga go ti akota zo ti Juda kue.

Daniel 9:12

Atënë so mo tene ando na ndö ti e na amakonzi so ayeke na li ti e, mo sara si aga taa-tënë: kota sioni kpale so mo sara si ati na ndö ti e na Jérusalem, ade mara ni asi na mbeni ndo laoko pepe na dunia so.

Daniel 9:6

Azo ti kua ti mo so ayeke awayanga-Nzapa atene peko ti tënë ti yanga ti mo na agbia ti e, na amakonzi ti e, na akotara ti e nga na azo ti kodro kue; me e ke ti ma ala.

Daniel 9:8

KOTA GBIA, kamene ayeke na le ti e, e na agbia ti e, na amakonzi ti e na akotara ti e, ngbanga ti so e sara siokpari so ake mo.