Jérémie 34:18 - Mbeti ti Nzapa - Tënë so amu fini

¹⁸ “Azo so abuba ya ti mbuki ti mbi na ala awe, mbuki so lani ala sara na dawa ti mbi, na lege ti kete bagara so ala suru ya ti lo use si ala hon na popo ti nyama ni so. Azo ni ake ti sara ye alingbi na atënë ti ya ti mbuki ni awe. Nilaa fade mbi yeke sara na ala gi mara ti ye so ala sara na kete bagara ni so.

Jérémie 34:18 ပူးပေါင်းရင်းမြစ်များ

Tongo nda ti aye 15:10

Abram amu anyama so kue, lo ga na ala. Lo suru ya ti anyama ni use use si lo zia ni mbage na mbage, abaa le ti tere. Ti andeke ni, lo suru ya ti ala pepe.

Tongo nda ti aye 15:8

Abram akiri tënë, atene: “Kota Gbia NZAPA, mbi yeke hinga ande mbi tene, kodro ni ayeke ga ti mbi tongana nyen?”

Abia (Psaumes) 50:1

Bia ti Asaf. Nzapa, *KOTA GBIA Nzapa atene tënë: Ti londo na mbage so lâ ayeke londo daa ngbii asi na mbage so lâ ayeke kui daa, lo iri dunia kue ti ga.

Osée 6:7

“Me ti ala, na ya ti gbata ti Adam, ala buba ya ti *mbuki ni awe. Kâ si ala ka mbi.

Osée 8:1

Ala azo, ala huru didi: sioni ye ayeke ga! Awato ayeke ti na ndö ti azo ti KOTA GBIA tongana *ngoalo, ngbanga ti so ala buba ya ti tënë ti mbuki ti mbi, ala sara ngangu li na ndia ti mbi.

Rome 2:8

Me azo so ake ti ma yanga ti lo, ala so ake taa-tënë si ye so ayeke sioni ayeke gboto ala, fade ngonzo ti Nzapa ayeke londo tongana wâ na tere ti ala.

Ndia ti fani use ni 17:2

Mbeni ye tongaso alingbi ti si: na ya ti mbeni gbata so fade KOTA GBIA Nzapa ti ala ayeke mu na ala, mbeni koli wala mbeni wali asara ye so anzere na le ti KOTA GBIA Nzapa ti ala pepe. Zo ni abuba ya ti *mbuki ti ala na KOTA GBIA,

Josué 23:16

Tongana ala bata tënë ti mbuki so KOTA GBIA, Nzapa ti ala amu yanga na ala ti sara so pepe, tongana ala kuku na gbe ti ambeni nzapa nde ti voro ala, fade ngonzo ti KOTA GBIA ayeke londo na tere ti ala tongana wâ si lo yeke sara titene ala hunzi gi hio na ndö ti nzoni sese so lo mu na ala.”

Josué 7:11

Azo ti Israel asara siokpari awe. Biani, ala buba lege ti mbuki ti mbi na ala awe. Biani, ye so mbi ke na ala ti mu, ala mu ni; ala nzi ni si ala honde ni na ya ti akungba ti ala.