Jérémie 34:17 - Mbeti ti Nzapa - Tënë so amu fini

¹⁷ “Baa, tënë so KOTA GBIA atene ayeke so: Ala oko oko kue alingbi fade ti to mbela titene a zi a-ita ti ala na amba ti ala na gbe ti ngbaa; me ala ma yanga ti mbi pepe. Ndani laa, mbi KOTA GBIA, mbi to mbela titene a zi lege na bira, na sioni kobela ti bubango kodro nga na nzara ti ga na tere ti ala; so tënë ti yanga ti KOTA GBIA laa. Fade akodro-gbia kue ti sese ayeke do na kota mbeto na bango ala.

Jérémie 34:17 ပူးပေါင်းရင်းမြစ်များ

Esther 7:10

Ala kanga go ti Haman na nduzu na tere ti keke so lo wani, lo leke ndali ti Mardochée. Na pekoni, ngonzo ti gbia ade.

Jérémie 15:2

Tongana azo ni ahunda mo, atene: ‘E yeke gue na ndo wa?’, fade mo yeke kiri tënë na ala: ‘Tënë so KOTA GBIA atene ayeke so: Zo so a diko lo ti kui, fade lo yeke kui! Zo so a diko lo ti kui na ya ti bira, lo yeke kui na ya ti bira! Zo so a diko lo ti kui kuâ ti nzara, lo yeke kui na nzara! Zo so a diko lo titene a gue na lo na kodro wande, a yeke gue na lo na kodro wande!’

Jérémie 15:4

Tongaso, fade akodro-gbia kue ti sese ayeke do na kota mbeto na bango azo ni. Andaa, so ayeke gi peko ti sioni so Manase, molenge ti Ezekias, gbia ti Juda asara lani na Jérusalem laa.”

Jérémie 21:7

Na pekoni, mbi yeke zia Sedesias, gbia ti Juda, lo na azo ti gbe ti lo, na maboko ti gbia ti Babilone. Mbi yeke zia nga na maboko ti gbia ni azo ti gbata ni, ala so angba na fini na peko ti sioni kobela ti bubango kodro, ala so angba na fini na peko ti bira na kota nzara. Biani, fade mbi yeke zia azo ni na maboko ti awato ti ala nga na maboko ti azo so aye gi kuâ ti ala. Gbia Nabukodonosor ayeke fâ azo ni kue, lo yeke zia zo oko pepe, lo yeke baa mawa ti zo oko pepe, lo yeke hinga zo oko pepe; so tënë ti yanga ti KOTA GBIA laa.’ ”

Jérémie 29:17

Tënë so KOTA GBIA so ayeke na ndö ti dunia kue atene ayeke so: ‘Mbi yeke tokua na ndö ti ala bira, nzara na sioni kobela ti bubango kodro. Mbi yeke sara titene ala kpa afige so afun awe, so ayeke sioni ahon ndoni si akpa titene zo ate ni pepe so.

Jérémie 29:18

Mbi yeke tumba peko ti ala na lege ti bira, nzara na sioni kobela ti bubango kodro. Mbi yeke sara tongaso si akodro-gbia ti sese kue ado na kota mbeto na bango ala. Na ya ti akodro so kue mbi yeke kangbi ala daa, ala yeke ga tapande ndali ti azo so ayeke deba amba ti ala; ala yeke ga ye ti dongo be nga na ye so azo ayeke huru yanga ti ala na bango ni.

Jérémie 32:24

“Fadeso azo ti Babilone abongbi sese si aga *koto, ala ga nduru na gbata ni titene ala mu ni awe; ala yeke tiri bira titene ala mu gbata ni. Na lege ti bira, kota nzara na sioni kobela ti bubango kodro, gbaa fade gbata ni ayeke ti na maboko ti ala. Tënë so lani mo tene, ni laa asi awe so; ti mo, mo yeke baa gi ni bango!

Jérémie 32:25

Ka so gbata ni aga nduru ti ti na maboko ti azo ti Babilone awe so, ngbanga ti nyen si mo Kota Gbia NZAPA, mo mu yanga na mbi, mo tene: ‘Vo yaka ni, mo futa ngere ni na dawa ti azo so aduti na tere ni?’ ”

Jérémie 32:36

“Ala tene tënë ti gbata so, ala tene: ‘Na lege ti bira, kota nzara na sioni kobela ti bubango kodro, gbata ni ati na maboko ti gbia ti Babilone awe.’ Fadeso, baa tënë so KOTA GBIA, Nzapa ti Israel atene ndali ti gbata ni laa:

Jérémie 34:8

Tënë ti *KOTA GBIA akiri asi na Jérémie na peko ti so gbia Sedesias asara *mbuki na azo ti Jérusalem kue ti to mbela titene a zi azo na gbe ti ngbaa.

Jérémie 38:2

“Tënë so *KOTA GBIA atene ayeke so: ‘Zo so ayeke ngba ande na ya ti gbata so, fade lo yeke kui na lege ti bira, kota nzara na sioni kobela ti bubango kodro. Me zo so ayeke sigigi na ya ti gbata ni ti zia tere ti lo na maboko ti azo ti Babilone, fade lo yeke soo fini ti lo; ye so ayeke ngba na lo ayeke gi fini ti lo.’ ”

Abia ti demango tere 1:8

Azo ti Jérusalem asara siokpari ahon ndoni. Nilaa, gbata ni aga tongana mbeni sarate ye; azo so kue ayeke gonda gbata ni ando so, fadeso ala yeke baa ni tongana mbeni buba ye, ngbanga ti so ala baa tere ti lo so ayeke senge. Lo wani, lo dema, lo kiri na peko, lo hon.

Daniel 6:24

Ngia asi be ti gbia si lo mu yanga titene a sigigi na Daniel na ya ti du ni. Gi so a sigigi na Daniel na ya ti du ni awe, azo abaa so ka oko ayeke na tere ti lo pepe, ngbanga ti so lo zia be ti lo na ndö ti Nzapa ti lo.

Matthieu 7:2

Biani, Nzapa ayeke fâ ande ngbanga na li ti ala gi tongana ti so ala yeke fâ ngbanga na li ti azo. Ye so ala mu ti haka na ye na azo, ni laa Nzapa ayeke mu ni ti haka na ye na ala.

Galasii 6:7

Ala handa tere ti ala pepe: zo ayeke he Nzapa pepe. Ye so zo alu, fade lo yeke ko lengo ni.

Ndia ti fani use ni 19:19

fade ala, azo ti Israel, ala yeke sara na zo ni gi ye so lo ye fade ti sara na ita ti lo so. Lege so ala yeke zi sioni ye na popo ti ala laa.

Ndia ti fani use ni 28:25

Fade KOTA GBIA ayeke sara si awato ti ala akinda ala na ya ti bira. Tongana ala, azo ti Israel, ala mu lege oko ti ga ti tiri bira na ala, fade ala yeke mu alege nde nde ti kpe kirikiri na dawa ti awato ni. Fade kota mbeto ayeke gbu akodro-gbia ti sese ni na bango aye so asi na ala, azo ti Israel.

Ndia ti fani use ni 28:64

Fade KOTA GBIA ayeke kangbi ala na popo ti amara kue, ti londo na mbeni nda ti sese ti si na mbeni nda ni. Kâ, ala yeke voro ambeni nzapa so ala wani ahinga ala pepe, akotara ti ala nga ahinga ala pepe; a sara anzapa ni so na keke wala na têne.

Jacques 2:13

Biani, zo so abaa mawa ti mba ti lo pepe, tongana Nzapa ayeke fâ ande ngbanga ti azo, lo yeke baa nga mawa ti zo ni pepe; me zo so abaa mawa ti mba ti lo, fade lo yeke sigigi na ya ti ngbanga.

Aye so Nzapa afa 16:6

Biani, ndali ti so azo ni atuku ando mene ti azo ti mo na ti awayanga-Nzapa, mo mu na ala mene ti nyon. Ye so alingbi na ala laa.”