Jérémie 33:9 - Mbeti ti Nzapa - Tënë so amu fini

⁹ Tongaso, fade ye ni ayeke sara si be ti mbi anzere, ayeke sara si azo agonda mbi si aga ye ti pendere ti mbi na le ti amara kue ti sese. Tongana amara ni ama tënë ti anzoni ye so kue mbi yeke sara ndali ti gbata ni, fade ala yeke do na mbeto si tere ti ala ayeke do ndali ti gba ti nzoni ye na siriri so mbi yeke mu na gbata ni.”

Jérémie 33:9 ပူးပေါင်းရင်းမြစ်များ

2 Mbai 20:29

So azo ti ambeni kodro-gbia nde ama a tene, KOTA GBIA akinda awato ti Israel, mbeto ti Nzapa asara ala mingi.

Néhémie 6:16

So awato ti e kue ama tënë ni, mbeto agbu amara so kue angoro e, kamene ahon ndö ti ala. Ala hinga atene, Nzapa ti e laa amu maboko na e si kua ti gbagba ni ahunzi so.

Esther 8:17

Na kodro-sese oko oko wala na ya ti gbata oko oko so ndia ni wala mbela ni asi daa, be ti azuife kue asi singo na ngia, ala yeke dodo na ngia si ala yeke sara amatanga gbani gbani. Azo mingi ti ambeni kodro so abaa aye ni tongaso, kota mbeto agbu ala sara tere ti ala tongana azuife.

Abia (Psaumes) 130:4

Me mo laa mo yeke zi tënë na li ti azo, tongaso si azo akpe mbeto ti mo.

Abia (Psaumes) 40:3

Lo gboto mbi, lo sigigi na mbi na ya ti sioni du, na ya ti potopoto so ali mingi. Lo zia mbi na nduzu, mbi luti na ndö ti kota têne, lo sara si mbi tambula mbirimbiri.

Ésaïe 43:21

Azo so mbi leke ala ndali ti mbi, ala yeke he bia ti sepela na mbi.”

Ésaïe 55:13

Keke ti sipre ayeke sigigi na plase ti keke ti ki, mirte ayeke sigigi na plase ti ki. Ye so ayeke si titene azo agonda KOTA GBIA. Ye so ayeke buba laoko pepe, ayeke ngba lakue lakue ti dabe ti ala na ye so mbi sara.

Ésaïe 60:5

Tongana mo baa ala, mo yeke wara ngia mingi, be ti mo ayeke do si ayeke si singo na ngia. Biani, fade a yeke mu anzoni ye ti kota ngu-ingo ti ga na ni na mo; amosoro ti amara nde ayeke ga ngbii ti si mo.

Ésaïe 62:1

*Sion, ndali ti so mbi ye mo, mbi yeke kanga yanga ti mbi pepe. Jérusalem, ndali ti so mbi ye mo, mbi yeke duti kpoo pepe, ngbii tënë ti zingo mo polele asigigi tongana sungo ti lâ ti ndaperere, tënë ti songo mo na kuâ aza tongana lamba.

Ésaïe 62:12

Fade a yeke iri ala: “Azo so ayeke nde si ayeke nzoni kue, azo so KOTA GBIA azi ala awe”. Ti mo Jérusalem, azo ayeke kiri ti iri mo pepe, atene: “Gbata so azo ado azia”, me ala yeke iri mo, atene: “Gbata so be ti Nzapa aye”.

Ésaïe 62:4

Azo ayeke kiri ti iri mo pepe, “Gbata so azo ado azia”, azo ayeke kiri ti di iri ti kodro ti mo pepe, “Sese so aga ngonda awe”. Me azo ayeke di iri ti mo, “Wali so mbi yeke wara ngia na lege ti lo”, azo ayeke di iri ti sese ti mo, “Wali ti koli”. Biani, fade KOTA GBIA ayeke wara ngia na lege ti mo si sese ti mo ayeke ga wali ti koli.

Ésaïe 62:7

Ala zia nga lo ti wu tere ti lo pepe, ngbii lo kiri lo leke Jérusalem si, ngbii lo sara titene Jérusalem aga ye ti gonda na ndö ti sese kue.”

Ésaïe 64:2

Tongana mo sara lani aye ti ziango mbeto na be ti zo so e ku pepe, tongana mo zu lani, ka ahoto ayingi na dawa ti mo.

Jérémie 13:11

Tongana ti so zo akanga kamba ti ndö ti bongo na ngbonda ti lo, mbi kanga lani azo ti Israel na azo ti Juda na tere ti mbi titene ala duti azo ti mbi, azo ti mungo iri ti mbi na nduzu, azo ti gondango mbi nga na aye ti pendere ti mbi. Me ala ye ti ma mbi pepe; so tënë ti yanga ti KOTA GBIA laa.”

Jérémie 16:19

*KOTA GBIA, mo yeke ngangu ti mbi, mo yeke tongana ngangu gbagba na tere ti mbi, mo yeke ndo so mbi kpe daa ti bata tere ti mbi na ngoi ti ye ti ngangu. Fade amara nde ayeke londo na nda ti sese kue ti ga na mbage ti mo. Ala yeke tene: “Ye so akotara ti e awara ti ga ye ti ala, ye ni ayeke gi ye ti mvene; mbeni senge buba ye so alingbi ti sara kua oko pepe.

Jérémie 24:6

Fade mbi yeke baa ala na nzoni le si mbi yeke kiri na ala na ya ti kodro so. Mbi yeke kiri ti kungbi ala na sese pepe, me mbi yeke leke ala na nduzu; mbi yeke kiri ti gboto ala pepe tongana ti so a yeke gboto pere na gunda ni kue, me mbi yeke lu ala tongana ti so a yeke lu keke.

Jérémie 26:6

Tongana ala ma pepe, fade mbi yeke buba kota da ti Nzapa so, tongana ti so mbi buba ti Silo. Mbi yeke sara si gbata ti Jérusalem aga tapande ti dengo ba ndali ti amara ti sese kue.’ ”

Jérémie 29:1

Tënë ti ya ti mbeti ni laa, mbeti so Jérémie asu na Jérusalem si atokua na *akangba, awayango-sandaga, awayanga-Nzapa na tanga ti azo so kue Nabukodonosor agbu ala na Jérusalem si ague na ala na Babilone.

Jérémie 3:17

Na ngoi ni so, fade azo ayeke di iri ti Jérusalem, atene: ‘Mbata ti KOTA GBIA’. Amara kue ayeke bongbi kâ na Jérusalem ndali ti iri ti KOTA GBIA; ala yeke zia lege ti sarango sioni ye so be ti ala afa na ala.

Jérémie 3:19

“Mbi tene na be ti mbi, mbi tene: Ae, mbi ye fade ti zia mo na kota ndo na popo ti amolenge ti mbi! Mbi ye fade ti mu na mo pendere kodro so ayeke pendere mingi ahon akodro ti dunia kue! Mbi ye fade ti mu kodro ni titene aga ye ti mo. Mbi tene nga na be ti mbi, mbi tene: Fade mo yeke di iri ti mbi ‘Babâ’, mo yeke kiri ti zia peko ti mo na mbi pepe.

Jérémie 31:14

Mbi yeke mu na awayango-sandaga gba ti kasa ti mafuta, mbi yeke sara si aye ti nzoni asi singo na azo ti mbi; so tënë ti yanga ti KOTA GBIA laa.

Jérémie 31:4

Maseka-wali Israel, mbi yeke kiri ti leke mo na nduzu, a yeke kiri ti leke mo na nduzu. Mo yeke kiri ti mu akete ngo ti mo na tere ti mo tongana aye ti pendere si mo yeke gue ti dodo na popo ti azo so ayeke sara ngia.

Jérémie 32:42

“Tënë so KOTA GBIA atene ayeke so: Legeoko tongana ti so mbi sara si kota kpale so aga na ndö ti azo ti Juda, mbi yeke sara nga si nzoni ye so kue mbi tene tënë ni aga na ndö ti ala.

Jérémie 33:14

“So tënë ti yanga ti *KOTA GBIA laa: Mbeni lango ayeke ga so mbi yeke sara ye alingbi na zendo so mbi mu na azo ti Israel nga na azo ti Juda.

Jérémie 4:2

Tongana mo deba yanga ti mo na lege ti taa-tënë nga na lege ti tënë so ayeke na legeni si ayeke mbirimbiri, mo tene: ‘KOTA GBIA ayeke na fini’, fade amara nde ayeke sara tufa na ndö ti ala wani na lege ti lo si ala yeke pika kate ti ala ndali ni.

Jérémie 44:8

Ala ye ti zia ngonzo na be ti mbi na lege ti asarango ye ti ala? Biani, ala mu asandaga na anzapa nde na kodro ti Ezipte so ala ga aduti daa so! Ala ye ti hunzi kue titene ala ga tapande ndali ti azo so ayeke deba amba ti ala na ye ti kamene ndali ti amara kue ti dunia?

Jérémie 49:25

So nyen! Azo akpe gbata ni kue awe, gbata so iri ni awu lani mingi so, gbata so azia ngia na be ti mbi so!

Ezekiel 26:20

Fade mbi yeke sara titene mo zu na ndo ti akuâ, na mbage ti azo so akui ando awe so, ti duti na gbe ti sese kâ. Mo yeke ga tongana angbene kodro so ati awe, mo yeke duti na popo ti azo so ayeke na ya ti du ti kuâ. Tongaso si mbeni zo ayeke kiri ti lango na ndo ti mo pepe; mbi yeke sara titene sese ti azo so angba na fini aduti pendere.

Ezekiel 36:35

Fade azo ayeke tene: ‘Sese so lani abuba so, akiri aga tongana yaka ti Eden. Agbata so lani aga ndo ti gba ti atêne, abuba, a kungbi ni na sese, a kiri asara ngangu gbagba na tere ni si azo alango daa.’

Ezekiel 39:13

Azo ti kodro kue laa ayeke lu akuâ ni; lungo akuâ ni ayeke ga ye ti pikango kate ti ala na lango so mbi yeke fa gonda ti mbi. So tënë ti yanga ti Kota Gbia NZAPA laa.

Osée 3:5

Na pekoni, azo ti Israel ayeke kiri ti gi KOTA GBIA, Nzapa ti ala nga na David, gbia ti ala. Gbanda, fade ala yeke do na mbeto si ala yeke kiri na mbage ti KOTA GBIA ti wara anzoni ye ti lo.

Zakarii 1:17

Ange ni akiri ahunda na mbi ti tene tënë so: Tënë so KOTA GBIA so ayeke na ndö ti dunia kue atene ayeke so: “Fade agbata ti mbi ayeke kiri ti wara anzoni ye ti ala. Mbi yeke kiri ti baa mawa ti Sion si mbi yeke kiri ti soro Jérusalem.”

Zakarii 12:2

“Fade mbi yeke sara titene Jérusalem aga tongana kopo so asi singo na ngonzo ti mbi ndali ti azo so kue alango nduru na gbata ni; ala yeke nyon ni si ayeke sara ala tongana samba. Azo ti Juda nga ayeke nyon ngonzo ni si ayeke sara ala na ndembe so azo ayeke ga ti mu gbata ni na bira.

Ndia ti fani use ni 30:5

Fade KOTA GBIA Nzapa ti ala ayeke kiri na ala na sese so akotara ti ala amu ando titene aga ti ala; ala, azo ti Israel, ala yeke kiri ti mu sese ni titene aga ti ala. KOTA GBIA ayeke sara si ala duti nzoni, ala wu mingi ahon akotara ti ala.