Jérémie 33:8 - Mbeti ti Nzapa - Tënë so amu fini

⁸ Mbi yeke *sukula ala ndali ti sioni so kue ala sara ti ke mbi; mbi yeke zi sioni na li ti ala, sioni so ala sara ti tomboka na tere ti mbi.

Jérémie 33:8 ပူးပေါင်းရင်းမြစ်များ

Abia (Psaumes) 130:4

Me mo laa mo yeke zi tënë na li ti azo, tongaso si azo akpe mbeto ti mo.

Abia (Psaumes) 130:8

Lo laa lo yeke soo azo ti Israel ti zi asioni ti ala kue.

Abia (Psaumes) 51:2

David adema tere ti lo na peko ti so wayanga-Nzapa Natan aga asuku na lo ndali ti so lo gi Batsheba, wali ti mba ti lo.

Abia (Psaumes) 65:3

Mo so mo yeke ma sambela, fade azo kue ayeke ga nduru na mo.

Ésaïe 4:2

Na lango ni so, fade *KOTA GBIA ayeke sara titene mbeni kete keke asigigi pendere si aga ye ti gonda. Ye so kodro ni ayeke le ayeke ga ye ti nengo ndali ti azo ti Israel so angba na fini nga na ye ti mungo gonda na ala.

Ésaïe 44:22

Asioni ti mo, mbi mbo ni tongana mbinda ti le ti nduzu; asiokpari ti mo, mbi zi ni tongana mbinda so ayeke hon hongo. Kiri na mbi, ngbanga ti so mbi soo mo awe.”

Ésaïe 56:7

fade mbi yeke sara si ala ga na ndö ti hoto ti mbi so ayeke nde si ayeke nzoni kue. Mbi yeke sara si be ti ala asi singo na ngia na ya ti da so a yeke sambela mbi daa. Asandaga so a yeke gbi ni kue na wâ nga na asandaga nde nde so ala yeke ya na mbi na ndö ti gbalaka, mbi yeke yamba ni. Biani, fade azo ayeke iri da ti mbi, ‘Da ti sambela ti amara kue.’ ”

Jérémie 31:34

Zo oko na popo ti ala ayeke kiri ti fa ye na mba ti lo wala na ita ti lo pepe, atene: ‘Ala hinga KOTA GBIA!’ Biani, ti londo na kete zo asi na kota zo, fade ala kue ayeke hinga mbi; so tënë ti yanga ti KOTA GBIA laa. Mbi yeke zi sioni ti ala, mbi yeke kiri ti dabe ti mbi na siokpari ti ala pepe.”

Jérémie 50:20

Na lango ni so, na ngoi ni kâ, azo ayeke gi ti wara sioni ye na li ti Israel, me sioni ye ni ayeke duti daa mbeni pepe; azo ayeke gi siokpari na li ti Juda, me ala yeke wara ni pepe. Biani, fade mbi yeke zi siokpari na li ti azo so mbi yeke zia ala titene ala ngba na fini; so tënë ti yanga ti KOTA GBIA laa.

Abia ti demango tere 4:22

Azo ti gbata ti Sion, akpale so asi na ala na peko ti asioni ti ala aga nduru ti hunzi awe. Titene a gbu ala na ngangu a gue na ala na kodro wande, Nzapa ayeke kiri ti sara ye so pepe. Ti ala azo ti sese ti Edom, asioni ye so ala sara so, KOTA GBIA ayeke zia peko ni na ala senge pepe; fade lo yeke fa asiokpari ti ala na gigi.

Ezekiel 36:25

Mbi yeke tuku *nzoni ngu na ndö ti ala si ala ga *nzoni. Mbi yeke *sukula asioni ti ala kue, mbi yeke zi ayanda ti ala.

Ezekiel 36:33

“Tënë so mbi Kota Gbia NZAPA, mbi tene ayeke so: Na lango so mbi yeke *sukula asioni ti ala kue, mbi yeke sara titene azo akiri asi singo na ya ti agbata; aye so lani abuba, a yeke kiri ti leke ni.

Awayango-sandaga 16:30

Biani, na lango ni so laa a yeke sara titene a zi siokpari na li ti ala si ala ga *nzoni. Tongaso, ala yeke ga *nzoni na le ti KOTA GBIA.

Zakarii 13:1

“Na lango ni so, fade mbeni li ti ngu ayeke sigigi ti sukula asiokpari na asioni ti *ahale ti David na ti azo ti Jérusalem.”

Aye so Nzapa afa 1:5

Ayeke nzoni Jésus Christ amu aye ni na ala, lo so lo yeke fa peko ti tënë mbirimbiri! Lo yeke kozo zo so lo zingo na kuâ, lo yeke nga Makonzi ti agbia ti sese. Jésus aye e si lo zi e na gbe ti ngbaa ti asiokpari ti e na lege ti mene ti lo.