Jérémie 33:5 - Mbeti ti Nzapa - Tënë so amu fini

⁵ Ambeni zo ayeke baa pasi senge ti gue ti tiri bira na azo ti Babilone; ala yeke sara gi titene ya ti ada so ayeke si singo na kuâ ti azo so mbi yeke fâ ala na lege ti ngonzo ti mbi nga na ngonzo ti mbi ti wâ. Mbi yeke honde le ti mbi na azo ti gbata so ndali ti sioni so kue ala sara.

Jérémie 33:5 ပူးပေါင်းရင်းမြစ်များ

Ésaïe 64:7

Andaa mo KOTA GBIA laa, mo yeke babâ ti e. E yeke tongana sese ti sarango na ta si mo yeke tongana wasarango-ta; e kue, maboko ti mo laa asara e.

Ésaïe 8:17

Mbi yeke ku *KOTA GBIA, lo so lo bi le ti lo yongoro na *ahale ti Jacob; mbi zia be ti mbi ti ku lo.

Jérémie 18:17

Fade mbi yeke sara si azo ti mbi akangbi kirikiri na le ti awato ti ala tongana ti so pupu ti To ayeke mu ye ahon na ni kirikiri. Na lango so ye ayeke ga ngangu na ala, fade mbi yeke zia peko ti mbi na ala, mbi yeke baa ndo na mbage ti ala pepe.”

Jérémie 21:10

So tënë ti yanga ti KOTA GBIA laa: Mbi wani, mbi yeke kiri na ndö ti gbata so ti sara sioni na ni, me nzoni pepe. Fade a yeke zia gbata ni na maboko ti gbia ti Babilone, lo yeke bi wâ daa.”

Jérémie 32:5

Na pekoni, fade a yeke gue na Sedesias na Babilone, lo yeke ngba kâ ngbii, mbi wani, mbi baa lege ti lo si; so tënë ti yanga ti KOTA GBIA laa. Tongana ala ngba ti sara bira na azo ti Babilone, ala azo ti Juda, ala yeke sara gbaa.”

Jérémie 42:18

Jérémie akiri atene: “Tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Ngonzo ti mbi na ngonzo ti mbi ti wâ alondo lani na tere ti azo ti Jérusalem. Legeoko nga, fade mbi tuku ngonzo ni na ndö ti ala, azo ti Juda, tongana ala si na Ezipte. Tongaso, fade ala ga tapande ndali ti azo so ayeke deba amba ti ala, ala yeke ga ye ti dongo be, ye ti dengo ba na ye ti ziango kamene na le ti zo. Ala yeke kiri ti baa kodro so oko pepe.’ ”

Abia ti demango tere 2:7

Be ti KOTA GBIA akiri aye gbalaka ti asandaga ti lo mbeni pepe; lo ke kota da ti lo awe. Agbagba ti ada ti makonzi ti Sion so, KOTA GBIA azia ni na maboko ti awato awe. Mo ma go ti azo kirikiri na ya ti kota da ti KOTA GBIA, mo baa mo tene lango ti matanga laa.

Ezekiel 39:29

Mbi yeke kiri ti honde le ti mbi na ala pepe, ngbanga ti so mbi tokua yingo ti mbi na ndö ti azo ti Israel awe. So tënë ti yanga ti Kota Gbia NZAPA laa.”

Mishe 3:4

Ndani laa, na ngoi so ala yeke dekongo ti iri *KOTA GBIA, lo yeke kiri tënë na ala pepe. Fade lo yeke honde le ti lo na ala ndali ti asioni ye so ala sara.

Ndia ti fani use ni 31:17

Ndani laa, fade ngonzo ti mbi ayeke londo na tere ti ala tongana wâ na lango ni so. Mbi yeke zia ala, mbi yeke honde le ti mbi na ala. Tongaso, fade amara nde ayeke te ala kue, akpale mingi na aye ti ngangu mingi ayeke si na ala, azo ti Israel si ala yeke tene: ‘Akpale so kue asi na e, ngbanga ti so Nzapa ti e ayeke na popo ti e mbeni pepe!’

Ndia ti fani use ni 31:18

Me ti mbi, na lango ni so, mbi yeke ngba ti honde le ti mbi na ala ndali ti asioni ye so kue ala yeke sara ande na mungo peko ti anzapa nde.

Ndia ti fani use ni 32:20

Tongaso lo tene: ‘Zo alingbi ti zia be ti lo na ndö ti ala pepe! Ala yeke azo ti sioni mingi. Mbi yeke honde le ti mbi na ala, mbi yeke ku ti baa ye so ayeke si na ala gbanda.