Jérémie 33:24 - Mbeti ti Nzapa - Tënë so amu fini

²⁴ “Mo ma tënë so azo ayeke tene so pepe? Azo ni atene: ‘Israel na Juda, asewa use so KOTA GBIA asoro ala lani so, fadeso lo ke ala awe!’ Na tenengo mara ti tënë tongaso, azo ni abaa azo ti mbi tongana mara mbeni pepe; ala baa azo ni tongana ambumbuse zo.

Jérémie 33:24 ပူးပေါင်းရင်းမြစ်များ

Abia (Psaumes) 71:11

Ala yeke tene: “Nzapa azia lo awe, ala tumba peko ti lo, ala gbu lo; mbeni zo ti zi lo ayeke daa pepe!”

Abia (Psaumes) 83:4

Ala leke tënë na hondengo ni na tere ti azo ti mo, ala ma tere ti sara sioni na azo so mo yeke bata ala.

Abia (Psaumes) 83:5

Azo ni atene: “Ala ga, e hunzi mara ti ala si azo akiri adi iri ti Israel pepe.”

Abia (Psaumes) 94:14

Biani, KOTA GBIA ayeke ke azo ti lo pepe, azo so aga azo ti lo, lo yeke zia ala pepe.

Ésaïe 11:13

Kota be ti Efraim na tere ti Juda ayeke hunzi, a yeke fâ awato ti Juda kue; Efraim ayeke kiri ti sara kota be na tere ti Juda pepe; Juda ayeke kiri ti duti awato ti Efraim pepe.

Ésaïe 7:17

Ti mo, na azo ti mo na azo ti sewa ti mo, fade KOTA GBIA ayeke sara titene ambeni lango ti kpale aga na ndö ti ala. Alango ni ayeke duti ande alango so zo ade abaa ni laoko pepe, ti londo na ngoi so Israel na Juda akangbi. Ye so aye ti sara tënë ti gbia ti Asirii.”

Jérémie 3:7

Mbi tene na be ti mbi, mbi tene: Na peko ti aye so kue lo sara, gbaa fade lo yeke kiri na mbi; me lo kiri pepe. Ita ti lo ti wali Juda-wali-gbanambana abaa na le ti lo ye so kue.

Jérémie 3:8

Lo baa so mbi zia Israel-wali-pupulenge awe ndali ti sarango ye ti ndumba ti lo si mbi mu na lo mbeti ti kangbingo tere. Me ita ti lo ti wali Juda-wali-gbanambana asara mbeto oko pepe. Lo nga, lo gue daa ti sara aye ti ndumba.

Jérémie 30:17

Ala di iri ti mo: ‘Lo so a ke lo awe’, wala ‘*Sion so azo aye tënë ti lo pepe’. Me so tënë ti yanga ti KOTA GBIA laa: Fade mbi yeke sara si ka ti mo amu; mbi yeke sara si aka ti mo ahunzi.”

Jérémie 31:36

So tënë ti yanga ti KOTA GBIA laa: “Mbeni lâ, tongana mbi lingbi ti yeda titene ngangu ti andia ti dunia so amingo, andaa mbi lingbi nga ti yeda titene azo ti Israel kue akiri abongbi mbeni pepe ti ga mara oko!

Jérémie 31:37

Tënë so KOTA GBIA atene ayeke so: Tongana zo alingbi ti gboto kamba, ti londo na sese asi na yayu ti hinga yongo ni, wala tongana zo ni alingbi ti hinga yongo ti sese na ngbonda ni kâ, tongaso fade mbi lingbi nga ti ke *ahale ti Israel kue ndali ti sioni so ala sara.”

Jérémie 33:23

Tënë ti KOTA GBIA akiri asi na Jérémie, atene:

Jérémie 33:26

Tongaso, mbi lingbi ti ke ahale ti Jacob na ti David, zo ti kua ti mbi? Mbi lingbi ti ke ti soro na popo ti ahale ti ala azo so ayeke le-gbia na ndö ti ahale ti Abraham, ti Isaac na ti Jacob? “Oko pepe! Fade mbi yeke sara titene ala kiri na kozo ndo ti ala, ngbanga ti so mbi baa mawa ti ala.”

Jérémie 51:5

Biani, kodro ti ala asi singo na sioni so ala sara ti ke Nzapa ti Israel, lo so lo yeke nde si lo yeke nzoni kue. – Me Nzapa, KOTA GBIA so ayeke na ndö ti dunia kue, ado Israel na Juda azia ala pepe titene ala ga tongana wali-mua. –

Abia ti demango tere 4:15

Tongana ala si na mbeni ndo, azo ayeke dekongo na ndö ti ala, atene: “Ala hon kâ, ala asarate zo so! Ala ndu tere ti e pepe! Ala hon kâ, ala hon kâ!” So ala yeke kpe gi kirikiri ti hon, azo ti akodro wande ayeke tene: “Ala lingbi ti duti na popo ti e mbeni pepe.”

Ezekiel 25:3

Fade mo yeke tene na ala ti ma tënë so mbi Kota Gbia NZAPA, mbi yeke tene na ala: Na lango so ndo so a zia ni nde ndali ti mbi aga sioni, na lango so a buba sese ti Israel si a gbu azo ti Juda a gue na ala na kodro wande, ala azo ti Amon, ala tene, ‘Huuu huuu!’

Ezekiel 26:2

“*Molenge ti zo, ndali ti so azo ti gbata ti Tir ahe Jérusalem, atene: ‘Huuu! Huuu, ti lo ahunzi awe, gbata so lani azo kue ayeke hon daa so! Fadeso, ngoi ti e alingbi awe titene e wara gba ti mosoro, ngbanga ti so lo ti biani awe!’

Ezekiel 36:2

Tënë so mbi Kota Gbia NZAPA, mbi tene ayeke so: Awato ti ala ahe ala, atene: ‘Huuu! Huuu! Angbene hoto so aga ye ti e awe!’

Ezekiel 36:20

Andaa, na popo ti amara so ala gue daa, ala buba iri ti mbi so ayeke nde si ayeke nzoni kue. Biani, azo atene tënë ti ala, atene: ‘So azo ti KOTA GBIA laa; kodro ti lo laa ala do azia!’

Ezekiel 37:11

Na pekoni, KOTA GBIA atene na mbi: “Molenge ti zo, abio so ayeke limo ti azo ti Israel kue laa. Azo ti Israel atene: ‘E yeke tongana akuru bio, mbeni ye titene e zia be ti e ti ku ayeke daa pepe; ti e ahunzi awe!’

Ezekiel 37:22

Mbi yeke sara titene ala ga gi mara oko na sese ni, na ndö ti ahoto ti Israel; ala kue, gbia ti ala ayeke duti gi oko; ala yeke kiri ti duti amara use pepe, ya ti kodro-gbia ni ayeke kiri ti kangbi use pepe.