Jérémie 32:35 - Mbeti ti Nzapa - Tënë so amu fini

³⁵ Na popo-hoto ti Hinom, ala leke ndo na li ti ahoto ndali ti Baal. Kâ, ala yeke gbi amolenge ti ala ti koli na ti wali na wâ ti mu na sandaga na nzapa Molek. Mbi mu yanga na ala laoko pepe ti sara ye tongaso! Mara ti ye tongaso aga na li ti mbi laoko pepe. Na sarango mara ti sioni ye tongaso, so zo alingbi ti baa na le ti lo fani use pepe so, ala pusu azo ti Juda ti sara sioni.

Jérémie 32:35 ပူးပေါင်းရင်းမြစ်များ

1 Agbia 11:33

Mbi yeke sara ye ni tongaso, ngbanga ti so azo ti Israel ado mbi azia si ala voro Astarte, nzapa-wali ti azo ti mara ti Sidon; ala voro Kemosh, nzapa ti azo ti mara ti Moab nga na Milkom, nzapa ti azo ti mara ti Amon. Azo ti Israel amu lege so mbi fa na ala so pepe, ala sara ye so ayeke nzoni na le ti mbi pepe; ala sara ye na lege ti andia ti mbi pepe nga na lege ti asarango ye so mbi fa na ala so pepe. Ala sara ye tongana ti David, babâ ti Salomon pepe.

1 Agbia 11:7

Na ngoi ni so, Salomon aleke mbeni ndo na li ti hoto si lo zia ni nde ndali ti Kemosh, fungo nzapa ti azo ti mara ti Moab; hoto ni abaa le na gbata ti Jérusalem. Lo leke nga ndo ni ndali ti Molek, fungo nzapa ti azo ti mara ti Amon.

1 Agbia 14:16

KOTA GBIA ayeke do azo ti Israel ti zia, ngbanga ti so Yeroboam asara siokpari si lo pusu nga azo ti Israel ti sara siokpari.”

1 Agbia 15:26

Nadab asara ye so ayeke sioni na le ti *KOTA GBIA; lo mu gi peko ti sioni sarango ye ti babâ ti lo Yeroboam so lani apusu azo ti Israel ti sara siokpari so.

1 Agbia 15:30

Ye so kue asi, ngbanga ti so Yeroboam asara siokpari, lo pusu nga azo ti Israel ti sara oko siokpari so lo sara; ye so asara si ngonzo ti KOTA GBIA, Nzapa ti Israel alondo mingi.

1 Agbia 16:19

Aye so kue asi, ngbanga ti so Zimri asara siokpari; lo sara ye so ayeke sioni na le ti *KOTA GBIA; lo mu gi peko ti sioni sarango ye ti Yeroboam so apusu lani azo ti Israel ti sara siokpari so.

1 Agbia 21:22

Mbi yeke sara na azo ti sewa ti mo gi mara ti ye so mbi sara na azo ti sewa ti Yeroboam, molenge ti Nebat nga na azo ti sewa ti Basha, molenge ti Ahia. Biani, mo sara si ngonzo alondo na be ti mbi; mo sara nga si azo ti Israel asara siokpari.’

2 Agbia 21:11

“Manase, gbia ti Juda asara asioni ye so kue zo alingbi ti baa na le ti lo fani use pepe; lo sara asioni ye ni ahon azo ti mara ti Amori so ayeke kozoni na lo; lo pusu nga azo ti Juda ti sara siokpari na lege ti ayanda ti lo.

2 Agbia 21:4

Lo sara agbalaka ndali ti anzapa nde na ya ti kota da ti KOTA GBIA na Jérusalem, da so KOTA GBIA atene tënë ndali ni, atene: “Fade mbi yeke sara titene iri ti mbi aduti kâ.”

2 Agbia 23:10

Yosias asara si Tofet so ayeke na popo-hoto ti Hinom aga *sioni, tongaso si azo akiri agbi amolenge ti ala ti koli na ti wali na wâ pepe ti mu na *sandaga na nzapa Molek.

2 Agbia 23:15

Yosias akungbi ni na sese gbalaka so ayeke na gbata ti Betel nga na ndo so ayeke na ndö ti hoto so Yeroboam asara ti pusu azo ti Israel ti sara siokpari. Lo gbi ndo ni nga na keke so a leke si aluti na nduzu ndali ti nzapa-wali *Ashera, lo gbi ni si aga fuku.

2 Agbia 3:3

Me lo ngba ti sara siokpari so Yeroboam, molenge ti Nebat asara lani si lo pusu azo ti Israel ti sara ni; lo zia lege ni pepe.

2 Mbai 33:6

Lo gbi amolenge ti lo ti koli na wâ ti mu na *sandaga na ndo so ayeke na popo-hoto ti Hinom; lo gi nda ti aye, lo sara mazi, lo sara yoro; lo zia azo titene ala hunda yingo ti akuâ si ala fa nda ti aye so ayeke na hondengo ni. Lo kiri lo sara sioni so ague guengo na nduzu ti ke KOTA GBIA, ye so azia ngonzo na be ti lo.

2 Mbai 33:9

Me Manase apusu azo ti Juda na ti Jérusalem titene ala kiri asara sioni ahon amara so KOTA GBIA afâ ando ala kue kue kue na dawa ti azo ti Israel so.

2 Mbai 36:14

Amakonzi kue ti awayango-sandaga na amakonzi ti azo ti kodro akiri asara sioni mingi ahon ndoni. Ala mu gi peko ti asioni sarango ye ti amara nde, asioni ye so zo alingbi ti baa na le ti lo fani use pepe. Ala sara si kota da ti KOTA GBIA aga *sioni, da so KOTA GBIA azia nde ndali ti lo si ayeke na Jérusalem so.

Sigingo 32:21

Na pekoni, Moïse ahunda Aaron, atene: “Azo so asara nyen na mo si mo yoro ala na ya ti kota siokpari tongaso?”

Ésaïe 57:5

Nzara ti tere ti ala ayeke gbi ala tongana wâ nduru na tere ti akota keke, na gbe ti afini keke so kue kugbe ni ayeke gbani gbani. Ala yeke fâ amolenge ti mu na *sandaga na tere ti ngu nga na popo ti atêne so asuru.

Jérémie 19:2

Na pekoni, mo sigigi na yanga ti gbagba ti gbata so iri ni ti Fango-ta. Yanga ti gbagba ni ayeke baa ndo na mbage ti popo-hoto ti Hinom. Kâ, fade mo yeke to mbela na tënë so mbi yeke tene na mo.

Jérémie 30:14

Andeko ti mo kue, be ti ala agirisa na mo awe, ngbanga ti ala ayeke na mo mbeni pepe. Biani, mbi pika mo, mo baa mo tene, mbi yeke fade wato ti mo. Mbi pika mo ngangu, ngbanga ti so sioni ti mo ahon ndoni, siokpari ti mo awu mingi.

Jérémie 44:4

Mbi mu ngoi ti mbi kue ti tokua na ala na peko ti tere, na peko ti tere, azo ti kua ti mbi so ayeke awayanga-Nzapa ti tene na ala: ‘Be ti mbi ake asioni sarango ye so zo alingbi ti baa na le ti lo fani use pepe so; ala sara ni pepe!

Jérémie 7:30

“Biani, azo ti Juda asara ye so ayeke sioni na le ti mbi. Ala zia afungo nzapa ti ala na ya ti kota da so a di iri ti mbi na ndö ni; ala sara si da ni aga *sioni; so tënë ti yanga ti KOTA GBIA laa.

Jérémie 7:31

Na popo-hoto ti Hinom, ala leke ndo na li ti hoto so ala di iri ni Tofet. Kâ, ala yeke gbi na wâ amolenge ti ala ti koli na ti wali ti mu na *sandaga. Andaa, so ayeke mbeni ye so mbi mu yanga laoko pepe titene ala sara ni; mbeni tënë tongaso aga na li ti mbi laoko pepe.

Ezekiel 23:37

Ala yeke awali so alango na akoli nde, maboko ti ala atuku mene. So ala voro ayanda so, so langongo na akoli nde laa. Amolenge-koli so ala du na mbi, ala fâ ala ti mu na *sandaga na ayanda ni titene amolenge ni aga kobe ti ayanda ni.

Awayango-sandaga 18:21

“Alingbi mo mu mbeni molenge ti mo oko pepe titene a gbi lo na wâ na *sandaga na nzapa Molek. So fade ayeke sara si iri ti mbi, Nzapa ti mo abuba: mbi laa mbi yeke KOTA GBIA.

Awatokua 7:43

Oko pepe! Ala yo da ti bongo ti Molok, nzapa ti ala, ala yo nga limo ti tongoro ti Refan, nzapa ti ala, anzapa so ala wani aleke ti voro ala. Ndani laa fade mbi yeke sara titene a gbu ala ague na ala yongoro na mbage ti kodro ti Babilone kâ.’

Ndia ti fani use ni 12:31

Ala azo ti Israel, tongana ala yeke voro KOTA GBIA Nzapa ti ala, alingbi ala sara ye tongana ti amara ni so pepe. Biani, amara ni so ayeke sara asioni ye nde nde na nzapa ti ala, asioni ye so zo alingbi ti baa na le ti lo fani use pepe, aye so be ti KOTA GBIA ake ni: azo ni amu amolenge ti ala ti koli na ti wali ti gbi ala na wâ ti mu na *sandaga na anzapa ti ala nga!

Ndia ti fani use ni 18:10

Ala azo ti Israel, alingbi a wara na popo ti ala pepe mbeni zo oko so ayeke gbi molenge ti lo ti koli wala molenge ti lo ti wali ti mu na *sandaga. Alingbi a wara na popo ti ala pepe azo ti sarango mazi, azo ti bango nda ti aye, azo ti bingo zeke, azo ti yoro,

Ndia ti fani use ni 24:4

Tongana ye tongaso asi, kozo koli so atumba lani wali ni so, lo lingbi ti kiri ti mu wali ni pepe, ngbanga ti so lo ga *sioni awe. Mara ti sarango ye tongaso ayeke sioni mingi na le ti *KOTA GBIA. Alingbi ala sara si siokpari aga pepe na ndö ti kodro so KOTA GBIA Nzapa ti ala amu na ala titene aga ti ala.