Jérémie 32:34 - Mbeti ti Nzapa - Tënë so amu fini

³⁴ Ala zia afungo yanda ti ala na ya ti kota da so a zia nde ndali ti mbi; ala sara si da ni aga *sioni.

Jérémie 32:34 ပူးပေါင်းရင်းမြစ်များ

2 Agbia 21:1

Manase ayeke na ngu baleoko na use si lo ga gbia; lo le-gbia ngu baleoku na oku na Jérusalem. Iri ti mama ti lo ayeke Hefsi-Ba.

2 Agbia 23:6

Lo zi na ya ti kota da ti *KOTA GBIA keke so a leke si aluti na nduzu ndali ti nzapa-wali *Ashera; lo sigigi na ni na ya ti gbata ti Jérusalem si a gbi ni na popo-hoto ti Sedron; a gbi ni kue si aga mburu ti wâ. Na pekoni a mu mburu ti wâ ni, a tuku na ndo so adu ti kuâ ti asenge zo ti kodro ayeke daa.

2 Mbai 33:15

Anzapa nde nga na yanda so lo zia lani na ya ti kota da ti KOTA GBIA so, lo zi ni; agbalaka so lo leke na ndö ti hoto ti kota da ti KOTA GBIA nga na Jérusalem, lo zi ni kue, lo tuku ni na gigi ti gbata ni.

2 Mbai 36:14

Amakonzi kue ti awayango-sandaga na amakonzi ti azo ti kodro akiri asara sioni mingi ahon ndoni. Ala mu gi peko ti asioni sarango ye ti amara nde, asioni ye so zo alingbi ti baa na le ti lo fani use pepe. Ala sara si kota da ti KOTA GBIA aga *sioni, da so KOTA GBIA azia nde ndali ti lo si ayeke na Jérusalem so.

Jérémie 19:4

Biani, azo ti Juda ado mbi, azia awe; ala buba ndo so kue awe, zo alingbi ti hinga ni mbeni pepe: na ndo ni so, ala zö dukani na ambeni nzapa nde. Ataa ala wani, ataa akotara ti ala, ataa agbia ti Juda ahinga anzapa ni so kozoni pepe. Ala sara si ndo ni asi singo na mene ti azo so tënë ayeke na li ti ala pepe.

Jérémie 23:11

Ataa awayanga-Nzapa na awayango-sandaga, ala kue aga sioni. Ataa na ya ti kota da ti mbi, mbi baa peko ti asioni sarango ye ti ala ni; so tënë ti yanga ti KOTA GBIA laa.

Jérémie 30:14

Andeko ti mo kue, be ti ala agirisa na mo awe, ngbanga ti ala ayeke na mo mbeni pepe. Biani, mbi pika mo, mo baa mo tene, mbi yeke fade wato ti mo. Mbi pika mo ngangu, ngbanga ti so sioni ti mo ahon ndoni, siokpari ti mo awu mingi.

Jérémie 34:15

Me ti ala, ala zia ngbene lege ti sarango ye ti ala laso awe, ala sara ye so anzere na le ti mbi, ngbanga ti so ala to mbela titene zo oko oko azi mba ti lo na gbe ti ngbaa. Ala sara nga mbuki na dawa ti mbi, na ya ti kota da so a zia nde ndali ti mbi.

Jérémie 44:4

Mbi mu ngoi ti mbi kue ti tokua na ala na peko ti tere, na peko ti tere, azo ti kua ti mbi so ayeke awayanga-Nzapa ti tene na ala: ‘Be ti mbi ake asioni sarango ye so zo alingbi ti baa na le ti lo fani use pepe so; ala sara ni pepe!

Jérémie 7:10

Na pekoni, ala yeke ga ti luti na le ti mbi na ya ti kota da so a di iri ti mbi daa si ala yeke tene: ‘Nzapa asoo e awe!’ si ala ngba ti sara asioni ye so kue ti gue na ni?

Jérémie 7:30

“Biani, azo ti Juda asara ye so ayeke sioni na le ti mbi. Ala zia afungo nzapa ti ala na ya ti kota da so a di iri ti mbi na ndö ni; ala sara si da ni aga *sioni; so tënë ti yanga ti KOTA GBIA laa.

Jérémie 7:31

Na popo-hoto ti Hinom, ala leke ndo na li ti hoto so ala di iri ni Tofet. Kâ, ala yeke gbi na wâ amolenge ti ala ti koli na ti wali ti mu na *sandaga. Andaa, so ayeke mbeni ye so mbi mu yanga laoko pepe titene ala sara ni; mbeni tënë tongaso aga na li ti mbi laoko pepe.