Jérémie 32:31 - Mbeti ti Nzapa - Tënë so amu fini

³¹ Ti londo na ngoi so a leke gbata ti Jérusalem ngbii asi laso, gbata ni asara si ngonzo ti mbi na ngonzo ti mbi ti wâ alondo. Ndani laa, mbi ye ti zi gbata ni na le ti mbi.

Jérémie 32:31 ပူးပေါင်းရင်းမြစ်များ

2 Agbia 21:16

Na ndö ni kue, Manase afâ gba ti azo so asara sioni oko pepe si mene ti azo ni amu ya ti gbata ti Jérusalem kue. Siokpari ti fango azo ni aga na ndö ti siokpari so lo sara ti pusu azo ti Juda ti sara ye so ayeke sioni na le ti KOTA GBIA.

2 Agbia 23:15

Yosias akungbi ni na sese gbalaka so ayeke na gbata ti Betel nga na ndo so ayeke na ndö ti hoto so Yeroboam asara ti pusu azo ti Israel ti sara siokpari. Lo gbi ndo ni nga na keke so a leke si aluti na nduzu ndali ti nzapa-wali *Ashera, lo gbi ni si aga fuku.

2 Agbia 23:27

Ndani laa KOTA GBIA atene: “Fade mbi yeke tumba azo ti Juda yongoro na le ti mbi tongana ti so mbi tumba ando azo ti Israel so. Mbi yeke ke Jérusalem, gbata so mbi soro ni; mbi yeke ke kota da so mbi mu ando zendo titene iri ti mbi aduti daa.”

Jérémie 23:39

fade mbi yeke yo ala na ndö ti go ti mbi tongana nengo kungba si mbi yeke bi ala yongoro, ala na gbata so mbi mu ando na ala nga na akotara ti ala.

Jérémie 27:10

Me ye so azo ni ayeke tene na ala na peko ti yanga ti mbi so ayeke mvene. Tongana ala ma azo ni, fade a yeke gue na ala yongoro na sese ti ala. Biani, fade mbi yeke kangbi ala kirikiri si ala yeke kui.

Abia ti demango tere 1:8

Azo ti Jérusalem asara siokpari ahon ndoni. Nilaa, gbata ni aga tongana mbeni sarate ye; azo so kue ayeke gonda gbata ni ando so, fadeso ala yeke baa ni tongana mbeni buba ye, ngbanga ti so ala baa tere ti lo so ayeke senge. Lo wani, lo dema, lo kiri na peko, lo hon.

Daniel 9:16

Kota Gbia, mo sara ando aye ti mbirimbiri mingi. Tongaso, ayeke nzoni sioni ngonzo ti mo ahon yongoro na tere ti Jérusalem, gbata ti mo na hoto ti mo so ayeke nde si ayeke nzoni kue so. Ndali ti siokpari ti e na ti akotara ti e, amara so kue angoro e ayeke zonga Jérusalem na azo ti mo.

Matthieu 23:37

“Jérusalem! Jérusalem! Mo so mo yeke fâ awayanga-Nzapa; azo so Nzapa atokua ala na mo, mo bo ala na têne ti fâ ala. Lege mingi, mbi ye fade ti bongbi azo ti mo na gbe ti mbi tongana ti so mama ti kondo ayeke bongbi amolenge ti lo na gbe ti maboko ti lo, me mo yeda pepe!