Jérémie 32:29 - Mbeti ti Nzapa - Tënë so amu fini

²⁹ Azo ti Babilone angba ti tiri bira ti mu gbata ni; fade ala yeke li na ya ni, ala yeke bi wâ daa; ala yeke gbi ada so azo ayeke zö dukani na li ni na *Baal titene ala gi na yanga ti mbi. Azo ni ayeke tuku samba ti mu na *sandaga na anzapa nde na ya ti ada ni.

Jérémie 32:29 ပူးပေါင်းရင်းမြစ်များ

2 Agbia 25:9

Lo gbi kota da ti Nzapa, yangbo ti gbia nga na ada ti Jérusalem kue; lo bi wâ na ya ti ada ti akota zo kue.

2 Mbai 36:19

Azo ti Babilone agbi kota da ti Nzapa, ala kungbi na sese gbagba ti bira so ayeke na Jérusalem, ala bi wâ na ayangbo ti gbia kue si ala buba aye ti ngangu ngere na ya ti gbata ni kue.

Néhémie 8:16

Tongaso azo ti Israel ague, afâ amaboko ti keke ti sara na akpangba. Ambeni asara ti ala kpangba ni na li ti ada ti ala, ambeni na ya ti gbagba ti ala wani, ambeni na ya ti gbagba ti kota da ti Nzapa, ambeni na kota ndo so ayeke na yanga ti gbagba so iri ni Ti-ngu si ambeni na kota ndo so ayeke na yanga ti gbagba so iri ni Ti-Efraim.

Ésaïe 22:1

Nengo tënë na ndö ti popo-hoto, ndo so mbeni ye asigigi daa na ya ti mbeni ye tongana bango-li. Jérusalem, nyen laa asara si azo ti mo kue ama na li ti da so?

Jérémie 11:17

KOTA GBIA so ayeke na ndö ti dunia kue laa alu keke ni. Ti fadeso, lo yeke iri kpale na ndö ti lo ndali ti sioni so azo ti Israel na azo ti Juda asara. Biani, ala zia ngonzo na be ti KOTA GBIA na lege so ala ya asandaga na *Baal.

Jérémie 17:27

Me tongana ala ma mbi pepe, tongana ala ke ti bata lango ti wungo tere nde ndali ti mbi, tongana ala yo akungba na lango ni so si ali na ni na yanga ti gbagba ti Jérusalem, fade mbi yeke bi wâ na tere ti ayanga ti gbagba ni. Wâ ni ayeke gbi apendere da ti gbata ni si ayeke mingo pepe.’ ”

Jérémie 19:13

Mbi yeke sara si ada ti azo ti Jérusalem na ada ti agbia ti Juda aga *sioni tongana ndo so ayeke na Tofet. Biani, na li ti ada so kue, azo azö dukani ndali ti gba ti atongoro, ala tuku samba ti mu na sandaga na anzapa nde.”

Jérémie 21:10

So tënë ti yanga ti KOTA GBIA laa: Mbi wani, mbi yeke kiri na ndö ti gbata so ti sara sioni na ni, me nzoni pepe. Fade a yeke zia gbata ni na maboko ti gbia ti Babilone, lo yeke bi wâ daa.”

Jérémie 30:14

Andeko ti mo kue, be ti ala agirisa na mo awe, ngbanga ti ala ayeke na mo mbeni pepe. Biani, mbi pika mo, mo baa mo tene, mbi yeke fade wato ti mo. Mbi pika mo ngangu, ngbanga ti so sioni ti mo ahon ndoni, siokpari ti mo awu mingi.

Jérémie 32:3

Sedesias, gbia ti Juda amu fade yanga titene a kanga Jérémie kâ. Biani, lo suku na Jérémie ngbanga ti tënë ti peko ti yanga ti KOTA GBIA so Jérémie atene: “Baa, tënë so KOTA GBIA atene ayeke so: Mbi yeke zia Jérusalem na maboko ti gbia ti Babilone si lo yeke mu ni.

Jérémie 34:2

“Tënë so KOTA GBIA, Nzapa ti Israel atene ayeke so: Gue mo baa Sedesias, gbia ti Juda; mo tene na lo, mo tene: Tënë so KOTA GBIA atene ayeke so: Mbi yeke zia gbata so na maboko ti gbia ti Babilone, fade lo yeke bi wâ daa.

Jérémie 39:8

Na Jérusalem, azo ti Babilone abi wâ na yangbo ti gbia nga na ada ti asenge zo ti kodro ni. Ala kungbi nga na sese gbagba ti gbata ni.

Jérémie 44:25

Tënë so KOTA GBIA so ayeke na ndö ti dunia kue, Nzapa ti Israel atene ayeke so: Ala, na awali ti ala, tënë so asigigi na yanga ti ala, ni laa ala sara so: ala zö dukani na gbia-wali ti yayu si ala tuku samba ti mu na sandaga na lo. Ala mu zendo awe, ala ngba daa, ala sara ye ti peko ni ma!

Jérémie 52:12

Na lango baleoko ti nze oku ni, so ti tene na ngu baleoko na gumbaya ni so Nabukodonosor, gbia ti Babilone ayeke le-gbia, Nebuzaradan aga na Jérusalem. Nebuzaradan ayeke makonzi ti aturugu ti batango gbia si lo yeke mbeni kota zo na yangbo ti gbia ti Babilone.

Jérémie 52:13

Lo gbi kota da ti Nzapa, yangbo ti gbia nga na ada ti Jérusalem kue; lo bi wâ na ya ti ada ti akota zo kue.

Jérémie 7:17

Aye so ala sara na ya ti agbata ti Juda nga na ndö ti alege ti Jérusalem so, mo baa ni pepe?

Jérémie 7:18

Amolenge ayeke ro akeke ti wâ, ababâ ayeke tingo wâ, awali ayeke pete ya ti farini na ngu ti sara na agatoo titene ala mu na gbia-wali ti yayu. Ala yeke tuku samba na sese ti mu na *sandaga na anzapa nde titene ala zia ngonzo na be ti mbi.

Abia ti demango tere 4:11

*KOTA GBIA asara ye ti ngonzo ti lo ni kue ahunzi awe. Lo sara si ngonzo ti lo ti wâ abuba ndo kue; lo bi wâ na gbata ti Sion si agbi agere ni kue.

Ezekiel 23:47

Bongbi ti azo ni ayeke bo ala na têne si ayeke fâ ala na yongoro zeme; a yeke fâ amolenge ti ala ti koli na ti wali; a yeke gbi ada ti ala.

Matthieu 22:7

Ngonzo agbu gbia ni si lo tokua aturugu ti lo, ala gue, afâ azo ti fango zo so si ala gbi gbata ti ala kue.

Awatokua 10:9

Lango oko na pekoni, ala yeke na lege ti gue si ala ga nduru ti si na Zope. Nduru na bekombite, Pierre ague na li ti da ti sambela.

Ahebro 3:16

Azo so ama ando go ti Nzapa si ala sara ngangu li so ayeke azo wa? Ala yeke azo so kue Moïse amu ala na kodro ti Ezipte si asigigi na ala.