Jérémie 32:25 - Mbeti ti Nzapa - Tënë so amu fini

²⁵ Ka so gbata ni aga nduru ti ti na maboko ti azo ti Babilone awe so, ngbanga ti nyen si mo Kota Gbia NZAPA, mo mu yanga na mbi, mo tene: ‘Vo yaka ni, mo futa ngere ni na dawa ti azo so aduti na tere ni?’ ”

Jérémie 32:25 ပူးပေါင်းရင်းမြစ်များ

Abia (Psaumes) 77:19

So bekpa ti mo asungba ngangu, awâ ti bekpa aza na ndö ti dunia kue, sese ado si ayingi.

Abia (Psaumes) 97:2

Vukongo ndo na mbinda angoro lo kue, gere ti mbata ti lo ti gbia aluti na ndö ti ye ti mbirimbiri nga na ndö ti fango ngbanga na legeni.

Jérémie 24:10

Fade mbi yeke tokua na ndö ti ala bira, kota nzara na sioni kobela ti bubango kodro. Ye ni ayeke ninga ngbii, ala kue ahunzi na ya ti kodro so mbi mu ando na ala nga na akotara ti ala so.”

Jérémie 32:15

“Biani, tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Na ya ti kodro so, fade azo ayeke kiri ti vo ada, ayaka na ayaka ti *vinye.’ ”

Jérémie 32:24

“Fadeso azo ti Babilone abongbi sese si aga *koto, ala ga nduru na gbata ni titene ala mu ni awe; ala yeke tiri bira titene ala mu gbata ni. Na lege ti bira, kota nzara na sioni kobela ti bubango kodro, gbaa fade gbata ni ayeke ti na maboko ti ala. Tënë so lani mo tene, ni laa asi awe so; ti mo, mo yeke baa gi ni bango!

Jérémie 32:26

Tongaso, tënë ti *KOTA GBIA asi na Jérémie, atene:

Jérémie 32:43

Ala tene tënë ti kodro so, atene: ‘A zia kodro so na maboko ti azo ti Babilone awe, kodro ni aga fadeso ngonda awe, azo na anyama ayeke na ya ni mbeni pepe’. Me na ya ti kodro so laa azo ayeke kiri ti vo ayaka.

Jérémie 32:8

“Tongana ti so KOTA GBIA atene lani na mbi, ita ti mbi Hanameel, molenge ti ita ti babâ ti mbi aga si awara mbi na ya ti gbagba ti aturugu ti batango gbia; lo tene na mbi: ‘Vo yaka ti mbi so ayeke na Anatot, na sese ti Benjamin. Biani, tënë ti vongo yaka ni titene aga ti mo abaa mo kozoni.’ “Tongaso mbi hinga, mbi tene, KOTA GBIA laa atene tënë na mbi so.

Jérémie 34:17

“Baa, tënë so KOTA GBIA atene ayeke so: Ala oko oko kue alingbi fade ti to mbela titene a zi a-ita ti ala na amba ti ala na gbe ti ngbaa; me ala ma yanga ti mbi pepe. Ndani laa, mbi KOTA GBIA, mbi to mbela titene a zi lege na bira, na sioni kobela ti bubango kodro nga na nzara ti ga na tere ti ala; so tënë ti yanga ti KOTA GBIA laa. Fade akodro-gbia kue ti sese ayeke do na kota mbeto na bango ala.

Jean 13:7

Jésus akiri tënë na lo, atene: “Mo lingbi ti hinga fadeso nda ti ye so mbi yeke sara so pepe, me mo yeke hinga nda ni na peko.”