Jérémie 32:24 - Mbeti ti Nzapa - Tënë so amu fini

²⁴ “Fadeso azo ti Babilone abongbi sese si aga *koto, ala ga nduru na gbata ni titene ala mu ni awe; ala yeke tiri bira titene ala mu gbata ni. Na lege ti bira, kota nzara na sioni kobela ti bubango kodro, gbaa fade gbata ni ayeke ti na maboko ti ala. Tënë so lani mo tene, ni laa asi awe so; ti mo, mo yeke baa gi ni bango!

Jérémie 32:24 ပူးပေါင်းရင်းမြစ်များ

2 Samuel 20:15

Yoab na aturugu ti lo angoro gbata ti Abel-Bet-Maaka na bira, ngbanga ti so Sheba ayeke kâ. Ala bongbi sese aga *koto na tere ti gbagba ti gbata ni. Na pekoni, ala to nda ti pika gere ti gbagba ni titene gbagba ni ati.

Ésaïe 37:33

Ndani laa, tënë so KOTA GBIA atene na ndö ti gbia ti Asirii ayeke so: “Fade lo yeke li na ya ti gbata so pepe, lo yeke bi ale ti kokora kâ pepe, lo yeke gbu *vala ti tiri na ni pepe, lo yeke bongbi sese aga *koto na tere ti gbata ni pepe.

Jérémie 16:4

Fade ngangu kobela ayeke fâ ala; zo ayeke toto kuâ ti ala pepe, zo ayeke lu nga kuâ ti ala pepe. Me ala yeke ga tongana puru na ndö ti sese. Fade bira na nzara ayeke fâ ala si kuâ ti ala ayeke ga kobe ti andeke ti nduzu na ti anyama ti sese.”

Jérémie 20:5

Amosoro ti gbata ni kue, aye ti peko ti kua ti azo ti gbata ni, aye ti ala ti ngangu ngere nga na amosoro kue ti agbia ti Juda, mbi yeke zia ni na maboko ti awato ti ala. Awato ni ayeke nzi aye ni si ala yeke ro ti gue na ni na Babilone.

Jérémie 24:10

Fade mbi yeke tokua na ndö ti ala bira, kota nzara na sioni kobela ti bubango kodro. Ye ni ayeke ninga ngbii, ala kue ahunzi na ya ti kodro so mbi mu ando na ala nga na akotara ti ala so.”

Jérémie 29:17

Tënë so KOTA GBIA so ayeke na ndö ti dunia kue atene ayeke so: ‘Mbi yeke tokua na ndö ti ala bira, nzara na sioni kobela ti bubango kodro. Mbi yeke sara titene ala kpa afige so afun awe, so ayeke sioni ahon ndoni si akpa titene zo ate ni pepe so.

Jérémie 29:18

Mbi yeke tumba peko ti ala na lege ti bira, nzara na sioni kobela ti bubango kodro. Mbi yeke sara tongaso si akodro-gbia ti sese kue ado na kota mbeto na bango ala. Na ya ti akodro so kue mbi yeke kangbi ala daa, ala yeke ga tapande ndali ti azo so ayeke deba amba ti ala; ala yeke ga ye ti dongo be nga na ye so azo ayeke huru yanga ti ala na bango ni.

Jérémie 32:25

Ka so gbata ni aga nduru ti ti na maboko ti azo ti Babilone awe so, ngbanga ti nyen si mo Kota Gbia NZAPA, mo mu yanga na mbi, mo tene: ‘Vo yaka ni, mo futa ngere ni na dawa ti azo so aduti na tere ni?’ ”

Jérémie 32:28

Ndani laa, tënë so mbi KOTA GBIA, mbi tene ayeke so: mbi yeke zia gbata so na maboko ti azo ti Babilone nga na Nabukodonosor, gbia ti Babilone; fade lo yeke mu ni.

Jérémie 32:3

Sedesias, gbia ti Juda amu fade yanga titene a kanga Jérémie kâ. Biani, lo suku na Jérémie ngbanga ti tënë ti peko ti yanga ti KOTA GBIA so Jérémie atene: “Baa, tënë so KOTA GBIA atene ayeke so: Mbi yeke zia Jérusalem na maboko ti gbia ti Babilone si lo yeke mu ni.

Jérémie 32:36

“Ala tene tënë ti gbata so, ala tene: ‘Na lege ti bira, kota nzara na sioni kobela ti bubango kodro, gbata ni ati na maboko ti gbia ti Babilone awe.’ Fadeso, baa tënë so KOTA GBIA, Nzapa ti Israel atene ndali ti gbata ni laa:

Jérémie 32:5

Na pekoni, fade a yeke gue na Sedesias na Babilone, lo yeke ngba kâ ngbii, mbi wani, mbi baa lege ti lo si; so tënë ti yanga ti KOTA GBIA laa. Tongana ala ngba ti sara bira na azo ti Babilone, ala azo ti Juda, ala yeke sara gbaa.”

Jérémie 33:4

Biani, tënë so KOTA GBIA, Nzapa ti Israel atene ndali ti ada ti gbata so nga ndali ti ada ti agbia ti Juda so azo akungbi na sese ti kanga lege na sese so awato abongbi si aga *koto, ndali ti bira ayeke so:

Jérémie 34:17

“Baa, tënë so KOTA GBIA atene ayeke so: Ala oko oko kue alingbi fade ti to mbela titene a zi a-ita ti ala na amba ti ala na gbe ti ngbaa; me ala ma yanga ti mbi pepe. Ndani laa, mbi KOTA GBIA, mbi to mbela titene a zi lege na bira, na sioni kobela ti bubango kodro nga na nzara ti ga na tere ti ala; so tënë ti yanga ti KOTA GBIA laa. Fade akodro-gbia kue ti sese ayeke do na kota mbeto na bango ala.

Jérémie 52:4

Na nze baleoko ni ti ngu gumbaya ni so Sedesias ayeke le-gbia, Nabukodonosor, gbia ti Babilone, lo na aturugu ti lo kue aga ti sara bira na Jérusalem. Lo sara bâbâ ti lo na tere ti gbata ni; azo ti lo abongbi sese aga *koto na tere ti gbagba ti gbata ni, angoro ni kue.

Jérémie 52:6

Na lango gumbaya ti nze osio ni, kota nzara ati na ya ti gbata ni; azo ti kodro ni ayeke na kobe ti tengo ni mbeni pepe.

Jérémie 6:6

Tënë so *KOTA GBIA so ayeke na ndö ti dunia kue atene ayeke so: “Ala de akeke na sese, ala bongbi sese aga *koto na tere ti Jérusalem.” Nda ti gbata ni asigigi awe: na ya ni kue, gi sarango ngangu na zo.

Ezekiel 14:21

Biani, tënë so Kota Gbia NZAPA atene ayeke so: “Mbi tokua asioni kpale ti mbi osio na ndö ti Jérusalem: bira, kota nzara, asioni nyama na sioni kobela ti bubango kodro. Mbi tokua ni ti fâ azo na anyama kue ti hunzi ala.

Ezekiel 21:22

Mbi nga, mbi yeke pika maboko ti mbi; mbi yeke sara ye ni ngbii ngonzo ti mbi ti wâ ade si. Mbi KOTA GBIA laa mbi tene tënë so.”

Ezekiel 21:27

Zeke so afa Jérusalem ayeke na ya ti maboko ti lo ti koli. Lo yeke mu yanga titene azo ague, afâ azo gbani gbani, ala dekongo ti bira, ala zia amasini ti bira na tere ti ayanga ti gbagba ni, ala bongbi sese aga *koto na tere ti gbagba ni, ala koro du na gbe ti gbagba ni.

Ezekiel 26:8

Lo yeke buba agbata so ayeke nduru na mo, na yanga ti kota ngu-ingo. Na pekoni, lo yeke koro du na gbe ti sese na tere ti mo kue, lo yeke bongbi sese aga *koto na tere ti mo si lo yeke mu gba ti *avala ti kanga lege na ale ti kokora ti mo.

Ezekiel 4:2

Na pekoni, mo leke ambeni ye so afa atene, awato angoro gbata ni ti mu na bira; mo koro du na gbe ti sese na tere ni kue, mo bongbi sese aga *koto na tere ni, mo zia abâbâ ti aturugu nga na amasini ti bira angoro ni kue.

Habakuk 1:10

Ala yeke baa agbia tongana ambumbuse zo, akota zo ti kodro aga tongana ye ti ngia na le ti ala. Agbata so angangu gbagba ayeke na tere ni, ala yeke he ni hengo na ngia, ala yeke bongbi gba ti sese na tere ti gbagba ni si ala yeke mu agbata ni.

Zakarii 1:6

Me atënë ti mbi na ambela ti mbi so mbi zia na yanga ti awayanga-Nzapa, azo ti kua ti mbi, ti tene na ala so, atënë ni andu akotara ti ala. Nilaa, akotara ti ala akiri na mbage ti mbi si ala yeda, atene: ‘KOTA GBIA so ayeke na ndö ti dunia kue aleke lani na be ti lo ti sara ye na e alingbi na lege ti dutingo ti e nga na asarango ye ti e. Ye so lo sara na e laa.’ ”

Matthieu 24:35

Fade yayu na sese ayeke hon, me atënë ti mbi ayeke hon oko pepe.”

Ndia ti fani use ni 4:26

Tongana ala sara mara ti asiokpari tongaso, mbi tene na ala laso biani, yayu na sese ayeke ma mbi, sese so ala yeke gue ti mu na mbage ti ngu ti Jourdain kâ titene aga ti ala so, ala yeke ngba na ya ni aninga pepe, a yeke fâ ala kue ti hunzi ala.