Jérémie 32:22 - Mbeti ti Nzapa - Tënë so amu fini

²² Mo deba yanga ti mo ando na akotara ti e ti mu na ala *kodro so ngu ti me ti bagara na mafuta ti wotoro asi singo daa; ye so mo sara ni laa.

Jérémie 32:22 ပူးပေါင်းရင်းမြစ်များ

Tongo nda ti aye 13:15

Tongaso, kodro so mo yeke baa ni so, mbi yeke mu ande ni na mo nga na *ahale ti mo, titene aga ti ala biani biani.

Tongo nda ti aye 24:7

KOTA GBIA, Nzapa ti yayu, asara si mbi zia da ti babâ ti mbi, na kodro so a du mbi daa. Lo sara tënë na mbi si lo deba yanga ti lo na mbi, lo tene: ‘Mbi yeke mu kodro so na *ahale ti mo’. Lo wani laa lo yeke tokua ande *ange ti lo kozo ti mo. Kâ si mo yeke mu mbeni wali na molenge ti mbi.

Tongo nda ti aye 50:24

Joseph atene na a-ita ti lo: “Mbi ga nduru ti kui awe. Me fade Nzapa ayeke ga ti mu maboko na ala, ti mu ala ti sigigi na ala na ya ti kodro so ti gue na ala na sese so lo deba yanga ti lo ti mu na Abraham, Isaac na Jacob.”

Néhémie 9:15

Tongana nzara asara ala, mo mu na ala kobe so alondo na yayu titene ala te. Tongana nzara ti ngu asara ala, mo sara si ngu asigigi na ya ti têne si ala nyon. Mo tene na ala ti gue ti mu sese so mo yoro ando maboko ti mo na nduzu, mo deba yanga ti mo ti mu na ala titene aga ti ala.

Sigingo 13:5

Tongana KOTA GBIA asara si ala si na kodro ti azo ti Kanaan, azo ti mara ti Het, ti Amori, ti Hivi nga na ti azo ti Yebus, fade ala yeke sara matanga so na ya ti nze so. Kodro so KOTA GBIA adeba yanga ti lo na akotara ti ala ti mu ni na ala laa; ngu ti me ti bagara na mafuta ti wotoro asi singo daa.

Sigingo 3:17

Nilaa mbi tene: Mbi yeke zi ala na sese ti Ezipte, ndo so ala yeke baa pasi daa mingi so, ti sigigi na ala. Mbi yeke gue na ala na sese ti azo ti Kanaan, azo ti mara ti Het, ti Amori, ti Perizi, ti Hivi na ti Yebus, *sese so ngu ti me ti bagara na mafuta ti wotoro asi singo daa.’

Sigingo 3:8

Nilaa mbi zu ti zi ala na maboko ti azo ti Ezipte, ti mu ala na sese so ala yeke daa, ti gue na ala na mbeni nzoni sese so akono, so *ngu ti me ti bagara na mafuta ti wotoro asi singo daa. Sese ni ayeke sese ti azo ti Kanaan, ti azo ti mara ti Het, ti Amori, ti Perizi, ti Hivi na ti Yebus.

Jérémie 11:5

Tongaso, zendo so mbi mu ando na akotara ti ala, fade mbi yeke sara ye alingbi na ni. Mbi deba ando yanga ti mbi ti mu na ala *kodro so ngu ti me ti bagara na mafuta ti wotoro asi singo daa, kodro ni laa ala yeke daa laso so.” Mbi kiri tënë: “Amen, KOTA GBIA!”

Ezekiel 20:15

Na benyama, mbi yoro lani maboko ti mbi na nduzu, mbi deba yanga ti mbi, mbi tene: kodro so mbi mu na ala si ayeke pendere ahon akodro kue, kodro so ngu ti me ti bagara na mafuta ti wotoro asi singo daa so, mbi yeke gue na ala na ya ni pepe.

Ezekiel 20:6

Na lango ni so, mbi yoro maboko ti mbi na nduzu, mbi deba yanga ti mbi na ala, mbi tene: fade mbi yeke sara si ala sigigi na sese ti Ezipte ti gue na mbeni kodro so mbi *bembe ni ando ndali ti ala; kodro ni ayeke pendere ahon akodro kue, *kodro so ngu ti me ti bagara na mafuta ti wotoro asi singo daa.

Wungo ti azo 14:16

‘KOTA GBIA alingbi ti zia azo so pepe ti li na ya ti kodro so lo deba yanga ti lo lani ti mu na ala; ndani laa lo fâ ala kue na ya ti benyama.’

Wungo ti azo 14:30

Mbi deba yanga ti mbi lani ti mu na ala kodro ni titene ala duti daa. Mbi deba yanga ti mbi awe, fade ala yeke li na ya ti kodro ni pepe, gi Kaleb, molenge ti Yefune na Josué, molenge ti Nune.

Ndia ti fani use ni 1:35

“Ala asioni zo ti ngoi ti fadeso, nzoni sese so mbi deba yanga ti mbi ando ti mu na akotara ti ala, fade zo oko na popo ti ala ayeke baa ni pepe!

Ndia ti fani use ni 1:8

Ala baa: mbi mu na ala sese so awe. Ala gue, amu ni titene aga ti ala, ngbanga ti so ayeke sese so mbi, KOTA GBIA, mbi deba yanga ti mbi ti mu na akotara ti ala Abraham, Isaac na Jacob nga na *ahale ti ala na peko ti ala!”

Ndia ti fani use ni 6:10

Moïse atene: Na ndembe so *KOTA GBIA Nzapa ti ala ayeke sara titene ala li na sese so lo mu na ala alingbi na zendo so lo mu na akotara ti ala Abraham, Isaac na Jacob, kâ, fade ala yeke wara apendere kota gbata so ala wani aleke ni pepe,

Ndia ti fani use ni 6:18

Ala sara ye so ayeke mbirimbiri, ye so ayeke nzoni na le ti KOTA GBIA; tongaso si fade ala yeke baa nzoni si ala lingbi ti gue ti mu nzoni sese so KOTA GBIA adeba yanga ti lo lani ti mu na akotara ti ala.

Ndia ti fani use ni 6:23

Ti e, KOTA GBIA asara si e sigigi na sese ti Ezipte, lo gue na e na ya ti kodro so lo ye titene e mu ni, alingbi na zendo so lo mu lani na akotara ti e.

Ndia ti fani use ni 7:13

Lo yeke ye ala, lo yeke sara tufa na ndö ti ala, lo yeke sara si ala du amolenge mingi. Lo yeke sara tufa na ndö ti akobe ti yaka ti ala, ble ti ala, fini vin ti ala na mafuta ti ala. Lo yeke sara si abagara ti ala, ataba ti ala na angasa ti ala adu mingi na ya ti kodro so lo yeke mu na ala, alingbi na zendo so lo mu na akotara ti ala.

Ndia ti fani use ni 8:1

Moïse atene: Alingbi ala sara kue ti sara ye alingbi na atënë ti ndia so mbi fa na ala laso. Tongana ala sara ye alingbi na ni, fade ala yeke duti na fini si ala yeke wu mingi. Ala yeke wara lege ti mu sese so *KOTA GBIA adeba yanga ti lo ti mu na akotara ti ala.

Josué 1:6

Gbu ngangu, mo sara ye ti koli, ngbanga ti so mo laa mo yeke sara ande titene kodro so mbi deba yanga ti mbi ti mu na akotara ti ala, aga ye ti ala.

Josué 21:43

KOTA GBIA amu na azo ti Israel sese so kue lo deba yanga ti lo ti mungo na akotara ti ala. Ala mu ni aga ti ala si ala duti daa biani biani.