Jérémie 32:17 - Mbeti ti Nzapa - Tënë so amu fini

¹⁷ “Ae Kota Gbia NZAPA, mo laa mo sara yayu na sese na lege ti kota ngangu ti mo, na lege ti maboko ti mo so mo yoro. Mbeni ye so ayeke ngangu na mo ayeke daa pepe.

Jérémie 32:17 ပူးပေါင်းရင်းမြစ်များ

Tongo nda ti aye 18:14

Mbeni ye ti kpene so KOTA GBIA alingbi ti sara pepe ayeke daa? Na ngu ti peko, gi na mara ti ngoi so e yeke daa so, na ndembe so mbi yeke kiri ti ga ge, Sara adu molenge-koli awe.”

2 Agbia 19:15

Na pekoni, lo sambela KOTA GBIA, lo tene: “KOTA GBIA, Nzapa ti Israel, mo so mo yeke duti na ndö ti *asheruben, gi mo oko mo yeke Nzapa na ndö ti akodro-gbia ti sese kue, ngbanga ti so mo laa mo sara yayu na sese.

2 Agbia 3:18

Élisée akiri atene: Me ye ni so ayeke duti kete ye na le ti KOTA GBIA. Fade lo yeke zia azo ti Moab na maboko ti ala.

Néhémie 9:6

Mo laa mo yeke KOTA GBIA, gi mo oko! Mo sara yayu so akono ahon ndoni nga na atongoro kue. Mo sara sese na aye so kue ayeke na ndö ni. Mo sara akota ngu-ingo na aye so kue ayeke na ya ni. Mo yeke bata aye so kue na fini; aye so kue ayeke na yayu ayeke kuku na gbe ti mo.

Mbeti ti Job 42:2

Mbi hinga so mo lingbi ti sara ye kue; mbeni pialo ti kara mo ayeke daa pepe.

Abia (Psaumes) 102:25

Mbi tene: “Nzapa ti mbi, mo yeke na fini kpu na kpu! Mbi de ti si na ndambo ti lango ti fini ti mbi pepe; zi fini ti mbi ni hio tongaso pepe!”

Abia (Psaumes) 136:12

lo sara so na lege ti ngangu ti maboko ti lo, na lege ti maboko ti lo so lo yoro. – Biani, nzoni be ti lo angba kpu na kpu!

Sigingo 20:11

Biani, na ya ti lango omene, mbi KOTA GBIA, mbi sara yayu, sese, kota ngu-ingo na aye so kue ayeke na ya ni. Me na lango mbarambara ni, mbi wu tere ti mbi. Ndani laa mbi sara tufa na ndö ti lango ti wungo tere si mbi zia ni nde ndali ti mbi.

Ésaïe 42:5

Nzapa, *KOTA GBIA asara yayu, lo gbara le ti nduzu; lo gbara sese na aye so kue asigigi daa, lo mu fini na azo so ayeke na ndö ti sese, lo mu pupu ti wungo ni na azo ti ndö ti sese ni; tënë so lo tene ayeke so:

Ésaïe 44:24

Israel, *KOTA GBIA so azi mo, lo so lo leke mo gi so mo de na ya ti mama ti mo, tënë so lo tene ayeke so: “Mbi KOTA GBIA laa mbi sara ye kue; mbi oko laa mbi gbara le ti nduzu, mbi oko laa mbi gbara sese; zo wa laa ayeke lani na tere ti mbi, zo wa?

Ésaïe 45:12

Mbi laa mbi sara sese si mbi sara zo na ndö ni. Maboko ti mbi wani laa agbara le ti nduzu si mbi yeke sara komandema na ndö ti aye ti le ti nduzu kue kue kue.

Ésaïe 59:1

Ala baa atene, maboko ti *KOTA GBIA ayeke nduru ti soo ala? Mê ti lo akanga ti ma ala? Ên-en!

Jérémie 1:6

Mbi kiri tënë, mbi tene: “Ae, Kota Gbia NZAPA, mbi de maseka mingi; mbi hinga ti tene tënë pepe.”

Jérémie 14:13

Mbi kiri tënë: “Ae Kota Gbia NZAPA, awayanga-Nzapa atene na azo ni, atene: ‘Fade bira na nzara ayeke si na ala pepe. Me Nzapa ayeke mu na ala taa siriri na ndo so.’ ”

Jérémie 21:2

“E gbu gere ti mo, mo hunda KOTA GBIA na tënë ti e! Baa, gbia Nabukodonosor ti Babilone alondo na bira na tere ti e; e hinga pepe, fade KOTA GBIA ayeke sara mbeni oko ti aye ti kpene ti lo ndali ti e, tongaso si gbia Nabukodonosor azia peko ti e.”

Jérémie 27:5

Mbi laa mbi sara sese, azo na anyama so kue ayeke na ndö ti sese na lege ti kota ngangu ti mbi, na lege ti maboko ti mbi so mbi yoro. Mbi mu ala na zo so be ti mbi aye.

Jérémie 32:27

“Mbi KOTA GBIA, mbi yeke Nzapa ti ye so kue ayeke na fini. Mbeni ye so ayeke ngangu na mbi ayeke daa?

Jérémie 33:3

Mo iri mbi, fade mbi yeke yeda; mbi yeke fa na mo akota ye, aye so angba na hondengo ni so mo hinga pepe.

Jérémie 4:10

Tongaso mbi tene: ‘Ae Kota Gbia NZAPA! Biani, mo handa azo ti kodro so awe; mo handa nga azo ti Jérusalem, mo tene: Ala yeke duti na siriri! Andaa gi zeme laa ayeke na go ti e!’ ”

Jérémie 51:15

KOTA GBIA asara sese na lege ti ngangu ti lo, lo sara si dunia abaa gigi na lege ti ndara ti lo, lo gbara le ti nduzu na lege ti hingango ye ti lo.

Jérémie 51:19

Ti Nzapa, lo yeke tongana ala pepe, lo so lo yeke mosoro ti Israel; lo laa lo sara si dunia abaa gigi, mara ti Israel ayeke ye ti lo; iri ti lo ayeke KOTA GBIA so ayeke na ndö ti dunia kue.

Ezekiel 11:13

So mbi ngba ti tene peko ti tënë ti yanga ti Nzapa so, Pelatia, molenge ti Benaya angba akui. Mbi ti, mbi kpo li ti mbi na sese si mbi dekongo ngangu, mbi tene: “Ae, Kota Gbia NZAPA! Mo ye ti hunzi tanga ti azo ti Israel ni kue?”

Ezekiel 9:8

Na ndembe so ala yeke fâ azo ti gue na ni, mbi ngba gi mbi oko. Mbi ti, mbi kpo li ti mbi na sese si mbi dekongo, mbi tene: “Ae, Kota Gbia NZAPA! So mo yeke de ngonzo ti mo ti wâ tongaso na ndö ti Jérusalem so, mo ye ti fâ tanga ti azo ti Israel kue ti hunzi ala?”

Daniel 2:22

Lo laa lo yeke fa nda ti ye so ali si ahonde. Lo hinga ye so ayeke na vukongo ndo si lumiere akanga tere ti lo kue.

Daniel 6:20

Na ndaperere, so ndo angba kâ, gbia alondo si lo gue hio na du ti abamara ni.

Zakarii 12:1

Nengo tënë. So ayeke tënë so *KOTA GBIA atene na ndö ti azo ti Israel. So tënë ti yanga ti KOTA GBIA laa, lo so lo gbara le ti nduzu si lo lu gere ti sese, lo so lo zia pupu na ya ti zo, lo tene:

Zakarii 8:6

Tënë so KOTA GBIA so ayeke na ndö ti dunia kue atene ayeke so: Tongana tanga ti azo ti Israel so angba abaa so ye ni alingbi ti si laoko pepe, ti mbi, mbi lingbi ti baa ye ni tongaso? – so tënë ti yanga ti KOTA GBIA so ayeke na ndö ti dunia kue laa.

Wungo ti azo 11:23

KOTA GBIA akiri tënë na Moïse: “Ngangu ti mbi alingbi ti sara ye tongaso pepe? Mo ku, mo baa wala tënë so mbi tene na mo ayeke ga taa-tënë wala ayeke ga taa-tënë pepe!”

Matthieu 19:26

Jésus abaa ala si lo tene na ala: “Ye ni ahon ngangu ti zo, me Nzapa alingbi ti sara ye kue.”

Marc 10:27

Jésus abaa ala si lo tene na ala: “Ye ni ahon ngangu ti zo, me ahon ngangu ti Nzapa pepe, ngbanga ti so Nzapa alingbi ti sara ye kue.”

Nzoni Tënë so Luc asu na mbeti 1:37

So ti fa atene, ye ti hon ngangu ti Nzapa ayeke daa pepe.”

Nzoni Tënë so Luc asu na mbeti 18:27

Jésus akiri tënë na ala, atene: “Ye so azo alingbi ti sara ni pepe, Nzapa alingbi ti sara ni.”

Awatokua 14:15

“Azo! Ala yeke sara ye so ngbanga ti nyen? E yeke gi azo tongana ala! E ga ge ti fa Nzoni Tënë titene ala zia lege ti abuba ye so ala yeke voro so, ala mu be ti ala na Nzapa so ayeke na fini, lo so asara yayu, na sese na kota ngu-ingo na aye so kue ayeke na ya ni.

Awatokua 15:18

lo fa tënë ni ando na azo kozoni awe.’

Awatokua 17:24

Nzapa, lo so asara dunia na aye kue ti ndö ni, lo laa lo yeke *Kota Gbia ti yayu na sese. Lo yeke lango pepe na ya ti da so azo laa asara ni.

Aye so Nzapa afa 4:11

“Kota Gbia, Nzapa ti e, mo lingbi titene azo agonda mo, azo ane mo si asepela mo ndali ti ngangu ti mo. Biani, mo laa mo sara aye kue, mo yeda titene aye ni abaa gigi si ala baa gigi.”