Jérémie 31:7 - Mbeti ti Nzapa - Tënë so amu fini

⁷ Tënë so KOTA GBIA atene ayeke so: “Ala dekongo na ngia ndali ti Israel, ala pika maboko na li ti makonzi so ayeke na li ti amara! Ala huru yanga ti ala! Ala sepela lo, ala tene: ‘KOTA GBIA, mo soo azo ti mo, soo azo ti Israel so angba na fini!’

Jérémie 31:7 ပူးပေါင်းရင်းမြစ်များ

Abia (Psaumes) 106:47

KOTA GBIA Nzapa ti e, mo soo e maa! Zi e na popo ti amara nde, mo bongbi e na ndo oko, tongaso fade e yeke sepela iri ti mo so ayeke nde si ayeke nzoni kue. Fade e yeke pika kate ti e, ngbanga ti so e yeke sepela mo.

Abia (Psaumes) 126:2

Tongaso yanga ti e kue gi na ngia, bia ti songo benda na yanga ti e. Azo ti amara nde atene: “KOTA GBIA asara kota ye mingi ndali ti ala!”

Abia (Psaumes) 14:7

Tongana songo benda ti azo ti Israel alondo fade na hoto ti *Sion si aga, ka ayeke nzoni mingi! Na ngoi so KOTA GBIA ayeke zi azo ti lo ti kiri na ala, azo ti lo so a gbu ala a gue na ala na kodro wande so, fade *ahale ti Jacob ayeke dodo na ngia si azo ti Israel ayeke duti na ngia!

Abia (Psaumes) 28:9

Mo soo azo ti mo; mo sara tufa na ndö ti ye so aga ti mo awe. Duti tongana wabatango-taba, mo bata ala; mo sara na ala lakue lakue!

Abia (Psaumes) 67:1

Bia so ayeke ndali ti makonzi-bia. A he ni na kundi. Bia.

Abia (Psaumes) 69:35

Ala ayayu, sese, na akota ngu-ingo, na aye so kue ayeke na ya ni, ala sepela KOTA GBIA!

Ésaïe 1:9

Tongana KOTA GBIA so ayeke na ndö ti dunia kue abata fade ambeni zo oko oko na ya ti kodro ni pepe, ka e ga tongana Sodome, ka e kpa Gomore.

Ésaïe 11:11

Na lango ni so, *KOTA GBIA ayeke yoro maboko ti lo ti fani use ti zi tanga ti azo ti lo ti kiri na ala na kodro ti ala: azo ti lo so angba na fini na sese ti Asirii, ti Ezipte, ti Patros, ti Kush, ti Elam, ti Shinear nga na ti Hamat na ala so ayeke na ya ti azoa so ayeke na le ti kota ngu-ingo.

Ésaïe 37:31

Tanga ti azo ti kodro ti Juda so ayeke ngba na fini ayeke duti ande tongana keke so agunda ni ali sese si amaboko ni ale lengo.

Ésaïe 37:4

Gbia ti Asirii atokua makonzi ti aturugu ti lo ti zonga Nzapa so ayeke na fini. E hinga pepe, wala KOTA GBIA, Nzapa ti mo ama tënë ti zonga ni si lo pika lo ndali ti asioni tënë so lo tene so! Ti mo Ésaïe, sambela Nzapa ndali ti tanga ti azo so angba na fini so.’ ”

Ésaïe 44:23

Biani, *KOTA GBIA ayeke sara ye. Tongaso yayu, mo dekongo na ngia; gbe ti sese so alinda mingi, mo dodo na ngia! Ahoto, ala dekongo na ngia; ala agbako, ala na akeke ti ala, ala dekongo na ngia. Biani, KOTA GBIA azi Jacob awe, lo fa gonda ti lo na sese ti Israel.

Ésaïe 52:8

Azo so mo zia ala ti sara sanziri so, mo ma go ti ala! Ala kue yanga oko, ala yeke dekongo na ngia, ngbanga ti so ala baa na le ti ala wani *KOTA GBIA so ayeke kiri na *Sion.

Ésaïe 61:9

Na popo ti amara nde, azo ayeke hinga *ahale ti ala. Na ndo kue, azo ayeke hinga amolenge ti amolenge ti ala. Azo so kue ayeke baa ala, ayeke hinga ala na lege ti ye so: ala yeke amara so KOTA GBIA asara tufa na ndö ti ala.

Jérémie 20:13

Ala he bia ndali ti KOTA GBIA! Ala he bia ti sepela na lo! Lo laa lo yeke zi zo ti mawa na maboko ti azo ti sioni.

Jérémie 23:3

“Na pekoni, mbi wani, mbi yeke bongbi tanga ti ataba ti mbi na ya ti akodro so kue mbi kangbi ando ala daa. Fade mbi yeke kiri na ala na ndo ti tengo pere ti ala. Kâ, ala yeke kiri ti du mingi si ala ga gbani gbani.

Jérémie 3:23

Biani, azo ahanda e na li ti akete hoto kâ; gi awusuwusu laa azo ayeke sara na li ti ahoto kâ. Biani, gi na lege ti KOTA GBIA, Nzapa ti e si Israel ayeke soo kuâ.

Jérémie 31:12

Fade ala yeke ga, ala yeke dekongo na ngia na ndö ti hoto ti *Sion; yanga ti ala ayeke na ngia ti wara anzoni ye so KOTA GBIA ayeke mu na ala: ble, fini vin, mafuta, ataba, angasa na abagara. Fini ti ala ayeke duti tongana yaka so a tuku ngu daa; ala yeke kiri ti woko pepe.

Abia ti demango tere 1:1

Azo-oo, azo! Taa gbata so ando azo asi singo daa so, ni laa angba fadeso gi lo oko so-oo! Gbata so iri ni awu ando na popo ti agbata kue so, ni laa aga fadeso tongana mbeni wali-mua so-oo! Gbata so ayeke ando na ndö ti akete-kodro kue so, ni laa fadeso kua ti ngbaa ahon ndö ti lo so-oo!

Ezekiel 6:8

Me mbi yeke zia ambeni zo na popo ti ala angba na fini na peko ti bira. A yeke kangbi azo ni so na ya ti akodro wande.

Osée 1:7

Me ti azo ti Juda, fade mbi yeke ngba ti ye ala. Mbi wani, KOTA GBIA Nzapa ti ala, mbi yeke soo ala; mbi yeke soo ala na lege ti kokora pepe, wala na lege ti yongoro zeme pepe, wala na lege ti bira pepe, wala na lege ti ambarata pepe, wala na lege ti azo ti kpengo na mbarata pepe.”

Amos 5:15

Ala ke ye ti sioni, ala ye ye ti nzoni. Na le ti ngbanga, ala kiri afâ ngbanga na lege ti ndia; e hinga pepe, fade KOTA GBIA, Nzapa so ayeke na ndö ti dunia kue ayeke baa mawa ti tanga ti azo ti sewa ti Joseph.

Mishe 2:12

“*KOTA GBIA atene: ala *ahale ti Jacob, fade mbi yeke bongbi ala kue na ndo oko, mbi yeke bongbi nga tanga ti azo ti Israel so angba na fini so. Mbi yeke zia ala na ndo oko tongana ti so a yeke bongbi ataba na ya ti gbagba ti ala, tongana gba ti anyama so ayeke na ndo ti tengo pere ti ala. Fade go ti ala ayeke wu tongana go ti gba ti azo.

Mishe 7:18

Mbeni nzapa wa laa alingbi na mo? Mo laa mo yeke zi siokpari ti tanga ti azo ti mo so angba na fini, mo yeke zia be ti mo na kpengbango li ti azo ni pepe. Ndali ti yengo so mo ye na tanga ti azo ti mo so angba na fini, mo yeke sara ngonzo na tere ti ala ngbii aninga pepe, me ye so anzere na be ti mo ayeke titene mo sara nzoni be na azo.

Sofonii 2:9

Mbi yeke na fini! So tënë ti yanga ti *KOTA GBIA so ngangu ti lo ahon angangu kue, Nzapa ti Israel laa: Ndani laa, fade Moab ayeke ga tongana Sodome, azo ti Amon ayeke ga tongana Gomore. Kodro ti ala ayeke ga mbeni ndo so akeke ti ki amu ya ni kue, mbeni ndo so gi ingo laa ayeke daa, kodro ni ayeke buba biani biani. Tanga ti azo ti mbi so angba na fini, ala yeke ro aye ti kodro ni kue, ala yeke mu kodro ni ti ga ti ala.”

Rome 11:5

Na ngoi ti fadeso nga, tanga ti ambeni zo angba, ala so Nzapa asoro ala na lege ti nzoni be ti lo.

Rome 9:27

Ésaïe ato mbela na tënë na ndö ti azo ti Israel, lo tene: “Ataa wungo ti azo ti Israel ayeke tongana wungo ti mbutu ti yanga ti kota ngu-ingo, fade gi ambeni kete laa ayeke soo kuâ.

Ndia ti fani use ni 28:13

Titene KOTA GBIA asara ande si ala ga mara so ayeke na li ti amara kue si ala duti na ndangba ni pepe, titene ala duti lakue na ndö ti ambeni mara nde si ala duti laoko na gbeni pepe, ye so ala lingbi ti sara ayeke so: fade ala yeke ma atënë ti ndia ti KOTA GBIA Nzapa ti ala so mbi mu yanga daa na ala laso, ala yeke bata ni si ala yeke sara ye alingbi na ni;

Ndia ti fani use ni 32:43

Moïse atene: “Ala amara, ala dekongo na ngia na li ti azo ti KOTA GBIA! Biani, lo ga nduru ti kiri na peko ti mene ti azo ti kua ti lo awe; sioni so awato ti lo asara na azo ti lo, lo yeke kiri peko ti sioni ni na ala; me lo yeke *sukula sese ti azo ti lo.”