Jérémie 31:5 - Mbeti ti Nzapa - Tënë so amu fini

⁵ Mo yeke kiri ti lu *avinye na ndö ti ahoto ti Samarii; azo so alu ni, fade ala yeke baa nzoni daa.

Jérémie 31:5 ပူးပေါင်းရင်းမြစ်များ

Abia (Psaumes) 107:37

ala lu akobe na yaka, ala sara yaka ti vinye si ala wara alengo ni.

Jérémie 32:15

“Biani, tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Na ya ti kodro so, fade azo ayeke kiri ti vo ada, ayaka na ayaka ti *vinye.’ ”

Ezekiel 28:26

Kâ, ala yeke duti na siriri, ala yeke sara ada, ala yeke fâ ayaka ti *vinye; ala yeke duti na siriri na ndembe so mbi yeke fâ ngbanga na li ti azo so ayeke baa azo ti Israel ni tongana mbumbuse ye. Fade ala yeke hinga atene, mbi laa mbi yeke KOTA GBIA, Nzapa ti ala.”

Ezekiel 36:8

Ti ala, ahoto ti Israel, fade amaboko ti akeke ti ala ayeke sigigi, akeke ni ayeke le ndali ti azo ti Israel so ayeke azo ti mbi. Biani, ala ga nduru ti kiri na sese ti ala awe.

Amos 9:14

Fade mbi yeke sara si gigi ti azo ti Israel, azo ti mbi, akiri aga nzoni, ala yeke kiri ti leke agbata so abuba so, ala yeke lango na ya ti agbata ni, ala yeke fâ ayaka ti vinye, ala yeke nyon vin ni; ala yeke fâ ayaka si ala yeke te akobe ni.

Abdias 1:19

Azo ti Juda so ayeke lango na mbage ti Mbongo ayeke mu hoto ti Ezau. Ala so ayeke lango na *Kodro-ti-gbeni ayeke mu sese ti Filistii, sese ti Samarii, sese ti Efraim. Azo ti Benjamin ayeke mu ti ala sese ti Galaad.

Mishe 1:6

KOTA GBIA atene: “Ndali ti ye so ala sara so, fade mbi yeke sara titene gbata ti Samarii aga ndo so ye kue abuba daa, wala aga sese so azo ayeke lu gi *vinye daa. Mbi yeke sara titene atêne ti gbata ni alondo ti tuku na popo-hoto; mbi yeke sara titene agere ti gbata ni asigigi kue.

Mishe 4:4

Ala oko oko ayeke duti na siriri na gbe ti akeke ti *vinye ti ala nga na gbe ti akeke ti fige ti ala. Zo oko ti zia mbeto na be ti ala ayeke daa pepe.” Tënë so asigigi na yanga ti KOTA GBIA so ayeke na ndö ti dunia kue laa!

Zakarii 3:10

Na lango ni so, fade ala yeke tisa tere na popo ti ala ti ga ti duti na siriri na gbe ti akeke ti *vinye ti ala nga na gbe ti akeke ti fige ti ala; so tënë ti yanga ti KOTA GBIA so ayeke na ndö ti dunia kue laa.”

Ndia ti fani use ni 20:6

Zo wa laa afâ yaka ti *vinye si lo de ti fâ akozo le ni pepe? Ayeke nzoni lo kiri na yanga-da. Tongaso pepe, tongana lo kui na yanga ti bira, fade mbeni zo nde ayeke fâ akozo le ti vinye ti lo ni.

Ndia ti fani use ni 28:30

Zo so ahunda tënë ti mungo wali, mbeni koli nde laa ayeke lango na wali ni. Zo so asara da, lo yeke lango na ya ni pepe; zo so afâ yaka ti *vinye, ataa akozo le ti vinye ni, lo yeke ko ni pepe.

1 Samuel 21:5

Wayango-sandaga ni akiri tënë na David, atene: “Mapa so ayeke na maboko ti mbi so, ayeke senge mapa pepe. Me gi mapa so a zia ni nde ndali ti Nzapa. Tongana azo ti kua ti mo alango fade na wali pepe, ka mbi mu na mo senge.”