Jérémie 31:4 - Mbeti ti Nzapa - Tënë so amu fini

⁴ Maseka-wali Israel, mbi yeke kiri ti leke mo na nduzu, a yeke kiri ti leke mo na nduzu. Mo yeke kiri ti mu akete ngo ti mo na tere ti mo tongana aye ti pendere si mo yeke gue ti dodo na popo ti azo so ayeke sara ngia.

Jérémie 31:4 ပူးပေါင်းရင်းမြစ်များ

2 Agbia 19:21

Baa, tënë so KOTA GBIA atene na tere ti lo ayeke so: Pendere maseka-wali, gbata ti *Sion abaa mo tongana mbumbuse zo, lo yeke he mo na ngia. Pendere maseka-wali, gbata ti Jérusalem ayeke yingi li ti lo si ayeke he mo na peko ti mo.

Abia (Psaumes) 149:3

Ayeke nzoni ala dodo ti sepela iri ti lo; ala pika ngo na kundi ti gonda lo.

Abia (Psaumes) 30:11

KOTA GBIA, ma mbi, baa mawa ti mbi! KOTA GBIA, mu maboko na mbi!”

Abia (Psaumes) 51:18

Mo ye *sandaga pepe. Tongana mo ye fade sandaga ti anyama so a gbi ni kue na wâ, ka mbi mu ni na mo awe; me so laa anzere na be ti mo pepe.

Abia (Psaumes) 69:35

Ala ayayu, sese, na akota ngu-ingo, na aye so kue ayeke na ya ni, ala sepela KOTA GBIA!

Ésaïe 14:1

Biani, fade *KOTA GBIA ayeke baa mawa ti Jacob; lo yeke kiri ti soro Israel. Lo yeke zia azo ti Israel ti duti na kodro ti ala wani. Awande ayeke bongbi oko na ala si ala kue ayeke ga azo ti Jacob.

Ésaïe 30:32

Pika oko oko so KOTA GBIA ayeke pika ala, a yeke pika ngo na kundi na gbe ni. Tongana lo yeke yingi maboko ti lo, lo yeke tiri bira na ala.

Ésaïe 37:22

Baa, tënë so KOTA GBIA atene na tere ti lo ayeke so: Pendere maseka-wali, gbata ti *Sion abaa mo tongana mbumbuse zo, lo yeke he mo na ngia. Pendere maseka-wali, gbata ti Jérusalem ayeke yingi li ti lo si ayeke he mo na peko ti mo.

Jérémie 1:10

Hinga, mo tene, laso mbi mu na mo kua ti sara ndali ti amara nga ndali ti akodro-gbia: mo yeke gboto aye si mo yeke de aye na sese; mo yeke buba aye si mo yeke kungbi aye na sese; mo yeke leke aye na nduzu si mo yeke lu aye.”

Jérémie 14:17

“Tënë so fade mo yeke tene na ala laa: Mbi ye titene ngu ti le ti mbi asua bi na lâ, akai pepe, ngbanga ti so mbeni kpale ati na ndö ti azo ti mbi so mbi ye ala tongana molenge ti mbi ti wali; ka ti ala ayeke mu oko pepe.

Jérémie 18:13

Tongaso, tënë so *KOTA GBIA atene ayeke so: “Ala hunda ndo na popo ti amara nde: zo wa laa ama mara ti tënë tongaso na mê ti lo laoko, zo wa? Maseka-wali Israel asara kota ye ti buba.

Jérémie 24:6

Fade mbi yeke baa ala na nzoni le si mbi yeke kiri na ala na ya ti kodro so. Mbi yeke kiri ti kungbi ala na sese pepe, me mbi yeke leke ala na nduzu; mbi yeke kiri ti gboto ala pepe tongana ti so a yeke gboto pere na gunda ni kue, me mbi yeke lu ala tongana ti so a yeke lu keke.

Jérémie 31:13

Tongaso, fade amaseka-wali ayeke dodo na ngia, amaseka-koli na ambakoro ayeke sara legeoko tongaso. Mbi yeke sara si mawa ti ala aga ngia, mbi yeke de be ti ala. Na peko ti vundu ti ala, mbi yeke sara si ala duti na ngia.

Jérémie 31:21

Mo lu atêne na tere ti lege so mo yeke hon daa; mo kpo aye na nduzu na tere ti lege so mo yeke hon daa. Sara hange na lege so mo mu nga na lege so mo tambula daa. Maseka-wali Israel, mo kiri! Kiri na ya ti agbata so ayeke ti mo!

Jérémie 31:38

“So tënë ti yanga ti KOTA GBIA laa: Mbeni lango ayeke ga so a yeke kiri ti leke gbata ti Jérusalem ndali ti KOTA GBIA, ti londo na kota da ti Hananeel so ayo na nduzu, ngbii asi na yanga ti gbagba so iri ni Ti-Ndangoro.

Jérémie 33:7

Mbi yeke sara titene azo ti Juda na azo ti Israel akiri na kozo ndo ti ala, mbi yeke kiri ti leke ala na nduzu tongana ti kozoni.

Jérémie 46:11

So mawa na mo, maseka-wali Ezipte! Gue na sese ti Galaad, mo gi mafuta ti zia na le ti ka ti mo. Mo so li ti mo ti gi ayoro gbani gbani pepe: ka ti mo ni ayeke mu pepe.

Abia ti demango tere 1:15

Kota Gbia atumba ala kue awe, angangu turugu so ayeke na tere ti mbi so; Kota Gbia airi gba ti aturugu ti tiri bira, lo iri ala ti ga ti nika aturugu ti mbi, ala so ade maseka so. Ae azo! Kota Gbia ado mbi na sese awe; mbi, maseka-wali ti mara ti Juda. Lo pete mbi tongana ale ti *vinye so ayeke na ya ti du ti sarango na vin.

Abia ti demango tere 2:13

Azo ti gbata ti Jérusalem, mbi yeke haka ala na azo wa so-oo? Tënë ti nyen si mbi yeke tene na ala ti de be ti ala na ni so-oo! Mawa na ala mingi, azo ti gbata ti Sion! Dutingo ti ala alingbi na ti azo wa so-oo? Akpale ti ala akono ahon ndoni; akono tongana kota ngu-ingo. Zo wa si ayeke ga ande ti kai akpale ni na tere ti ala so-oo?

Amos 5:2

Lo ti awe, Israel, maseka-wali so, lo yeke kiri ti londo pepe. Lo lango na sese na kodro ti lo wani, zo ti yo lo na nduzu ayeke daa pepe.

Amos 9:11

“Gbata ti David ayeke tongana mbeni da so atuku na sese awe. Na lango ni so, fade mbi yeke kiri ti yo ni na nduzu, mbi yeke kanga adu ti da ni, mbi yeke kiri ti leke da ni kue; mbi yeke sara si akiri aluti na nduzu tongana ti kozo.

Nzoni Tënë so Luc asu na mbeti 15:23

Ala mu bagara ti mafuta afâ lo, e te, e sara matanga,

Awatokua 15:16

‘Na pekoni, fade mbi yeke kiri ti leke da ti David so ati. Aye ti da so atuku, fade mbi yeke leke ni, mbi yeke kiri ti mu da ni na nduzu.

Awafango-ngbanga 11:34

Na ndembe so Yefte ayeke kiri na da ti lo so ayeke na Mispa, molenge ti lo ti wali laa asigigi ti yamba lo, lo yeke pika kete ngo si lo yeke dodo. Oko molenge ti Yefte laa; na peko ti lo, mbeni molenge ayeke daa pepe, ataa ti koli wala ti wali.