Jérémie 31:35 - Mbeti ti Nzapa - Tënë so amu fini

³⁵ Tënë so KOTA GBIA atene ayeke so: Zo wa laa azia lâ titene lo su na kota lâ? Zo wa laa amu yanga na nze na atongoro ti su na bi na lege ti ndia ti ala? Zo wa laa ayingi kota ngu-ingo titene *amapo atoto? Ayeke KOTA GBIA so ayeke na ndö ti dunia kue; so iri ti lo laa.

Jérémie 31:35 ပူးပေါင်းရင်းမြစ်များ

Mbeti ti Job 26:12

Na lege ti ngangu ti lo, lo suru ya ti kota ngu-ingo; na lege ti hingango ndo ti lo, lo kinda Rahab, sioni nyama ti ngu.

Mbeti ti Job 38:33

Mo hinga andia ti aye so ayeke na yayu? Mo laa mo yeke sara si andia ni asara kua ti ala nzoni na ndö ti sese?

Abia (Psaumes) 106:9

Lo suku na kota ngu-ingo ti Asosongo ni si ngu ni ahole; lo sara si akotara ti e ahon na ya ti ngu so ali mingi tongana ti so zo ayeke tambula na benyama.

Abia (Psaumes) 119:89

KOTA GBIA, tënë ti mo aluti ngangu na yayu kpu na kpu.

Abia (Psaumes) 119:91

Ndali ti atënë ti fango ngbanga ti mo, aye so mo sara angba ngbii asi laso. Biani, dunia kue ayeke sara kua na mo.

Abia (Psaumes) 148:6

Lo zia ala ti ngba kpu na kpu, lo lu andia ndali ti ala, ngangu ti andia ni ayeke ngba lakue lakue.

Abia (Psaumes) 72:17

Ayeke nzoni iri ti gbia ni angba lakue lakue, ague na nduzu na ngoi so kue lâ angba ti su. Ayeke nzoni azo asara tufa na ndö ti amba ti ala na iri ti lo si azo ti amara kue atene: “Ti lo nzoni!”

Abia (Psaumes) 72:5

Ayeke nzoni azo akpe mbeto ti mo, na ngoi so kue lâ na nze angba ti su ngbii asi na lango ti ndani.

Abia (Psaumes) 74:13

Mo laa mo kangbi ya ti kota ngu-ingo na lege ti ngangu ti mo, mo laa mo fâ li ti asioni nyama ti kota ngu-ingo.

Abia (Psaumes) 74:16

Kota lâ ayeke ti mo, bi nga ayeke ti mo, mo laa mo sara nze na lâ.

Abia (Psaumes) 78:13

lo kangbi ya ti kota ngu-ingo, lo sara si ala hon na ya ni; lo sara si ngu ni aluti tongana mbeni kota gbagba.

Abia (Psaumes) 89:2

*KOTA GBIA, fade mbi yeke he bia lakue ti fa nzoni be ti mo; mbi yeke fa na azo ti angoi kue so mo yeke bata tënë ti yanga ti mo.

Ésaïe 48:2

Be ti ala anzere titene a iri ala “Azo ti gbata so ayeke nde si ayeke nzoni kue”; ala yeke luti na ndö ti Nzapa ti Israel, lo so iri ti lo ayeke “KOTA GBIA so ayeke na ndö ti dunia kue”. Ala ma tënë so si:

Ésaïe 51:15

Mbi laa mbi yeke KOTA GBIA, Nzapa ti ala. Mbi yeke yingi le ti kota ngu-ingo; mbi yeke sara si *amapo ni atoto. Iri ti mbi ayeke KOTA GBIA so ayeke na ndö ti dunia kue.

Ésaïe 54:5

Biani, koli ti mo ayeke duti lo so lo sara mo; iri ti lo ayeke ‘KOTA GBIA so ayeke na ndö ti dunia kue’. Lo so lo zi mo ayeke Nzapa ti Israel so ayeke nde si ayeke nzoni kue, lo so azo adi iri ti lo ‘Nzapa ti sese kue’.

Ésaïe 63:12

Na mbage ti maboko ti Moïse ti koli, lo yoro maboko ti lo ti ngangu; lo sara si ya ti ngu akangbi na dawa ti ala, lo sara tongaso titene azo agonda iri ti lo lakue lakue.

Jérémie 10:16

Ti Nzapa, lo yeke tongana ala pepe, lo so lo yeke mosoro ti Jacob; lo laa lo sara si dunia abaa gigi, mara ti Israel ayeke ye ti lo; iri ti lo ayeke KOTA GBIA so ayeke na ndö ti dunia kue.

Jérémie 32:18

Mo yeke sara nzoni be na azo ngbii asi na *ahale ti ala ti molongo saki oko. Me tongana ababâ na amama asara siokpari, mo yeke sara si amolenge ti ala laa awara futa ni. Mo yeke kota Nzapa, mo yeke ngangu mingi; iri ti mo ayeke KOTA GBIA so ayeke na ndö ti dunia kue.

Jérémie 33:20

“So tënë ti yanga ti KOTA GBIA laa: Ala lingbi ti fâ ya ti mbuki so mbi na kota lâ nga na bi e sara? Ala lingbi ti kanga lege titene kota lâ na bi aga na ndembe ni? – Oko pepe!

Jérémie 33:25

Me tënë so mbi KOTA GBIA, mbi tene ayeke so: Mbi na kota lâ nga na bi, e sara mbuki awe; mbi lu ndia ndali ti yayu na sese awe.

Jérémie 33:26

Tongaso, mbi lingbi ti ke ahale ti Jacob na ti David, zo ti kua ti mbi? Mbi lingbi ti ke ti soro na popo ti ahale ti ala azo so ayeke le-gbia na ndö ti ahale ti Abraham, ti Isaac na ti Jacob? “Oko pepe! Fade mbi yeke sara titene ala kiri na kozo ndo ti ala, ngbanga ti so mbi baa mawa ti ala.”

Jérémie 46:18

Fini ti mbi! So tënë ti yanga ti Gbia, lo so iri ti lo ayeke ‘KOTA GBIA so ayeke na ndö ti dunia kue’: fade wato ayeke ga; lo yeke ga biani tongana ti so Tabor aluti nganganga na popo ti ahoto, tongana ti so Karmel ayeke na ndö ti kota ngu-ingo!

Jérémie 5:22

Ala kpe mbeto ti mbi pepe? So tënë ti yanga ti KOTA GBIA laa. Tere ti ala ado na dawa ti mbi pepe? Mbi laa mbi zia mbutu ti sara si kota ngu-ingo angba na ndo so ayeke daa. So ayeke katikati so angba kpu na kpu; kota ngu-ingo ni ayeke hon ni pepe. Ataa *amapo ti ngu ni alondo tongana nyen, ngu ni alingbi ti hon ndö ni pepe.

Jérémie 50:34

Me wagbungo-koko ti ala ayeke ngangu; iri ti lo ayeke ‘KOTA GBIA so ayeke na ndö ti dunia kue’. Fade lo yeke gbu koko ti ala ngangu ti sara si sese ni awara siriri si azo ti Babilone ado na mbeto.”

Jérémie 51:19

Ti Nzapa, lo yeke tongana ala pepe, lo so lo yeke mosoro ti Israel; lo laa lo sara si dunia abaa gigi, mara ti Israel ayeke ye ti lo; iri ti lo ayeke KOTA GBIA so ayeke na ndö ti dunia kue.

Osée 13:14

Mbi KOTA GBIA, azo tongaso, mbi lingbi ti gboto ala na ndo ti akuâ ti sigigi na ala? Mbi lingbi ti soo ala na kuâ? Kuâ, ye so mo yeke fâ azo na ni so ayeke na ndo wa? Ndo ti akuâ, ngangu so mo yeke hunzi azo na ni so ayeke na ndo wa? Fade mbi yeke baa mawa ti Efraim oko pepe.

Amos 9:8

Baa, le ti Kota Gbia NZAPA ayeke na ndö ti kodro-gbia so siokpari asi singo na ya ni. So tënë ti yanga ti KOTA GBIA laa: “Fade mbi yeke zi kodro-gbia ni na ndö ti sese so, me mbi yeke hunzi *ahale ti Jacob kue pepe.

Matthieu 5:45

Tongaso si ala lingbi ti ga amolenge ti Babâ ti ala so ayeke na yayu. Babâ ti ala ni ayeke sara si lâ ti lo asu na ndö ti anzoni zo nga na ndö ti asioni zo kue. Lo yeke tokua ngu-Nzapa na ndö ti azo ti mbirimbiri nga na ndö ti azo ti kirikiri.

Ndia ti fani use ni 4:19

Tongana ala yo le ti ala na nduzu ti baa lâ, nze, atongoro, na aye so kue ayeke mingi mingi na le ti nduzu, mbeni ye ahanda ala pepe ti kuku na gbe ti aye ni, ala voro ala nga pepe. KOTA GBIA Nzapa ti ala azia aye ni so na tanga ti amara ti ndö ti sese so.