Jérémie 31:32 - Mbeti ti Nzapa - Tënë so amu fini

³² Mbuki ni ayeke duti nde na ti so lani mbi na akotara ti ala e sara na ngoi so mbi gbu maboko ti ala ti sigigi na ala na Ezipte. Akotara ti ala abuba tënë ti ya ti mbuki ni, ataa so mbi laa mbi yeke lani wa ti ala; so tënë ti yanga ti KOTA GBIA laa.

Jérémie 31:32 ပူးပေါင်းရင်းမြစ်များ

1 Agbia 8:9

Mbeni ye nde ayeke na ya ti sanduku ni pepe, gi akpangbara têne use so Moïse awara lani na ndö ti hoto ti Horeb. Lo zia atêne ni na ya ti sanduku ni na ndembe so KOTA GBIA asara mbuki na azo ti Israel, na peko ti so lo sara si ala sigigi na sese ti Ezipte.

Abia (Psaumes) 73:23

Andaa mbi yeke lakue na mo. Mo gbu maboko ti mbi ti koli,

Abia (Psaumes) 78:37

Ala zia be ti ala kue na lo pepe, ala bata tënë ti mbuki ti lo pepe.

Sigingo 19:5

Fadeso, tongana ala ma tënë ti mbi si ala bata tënë ti *mbuki ti mbi, fade ala yeke ga azo ti mbi wani na popo ti amara kue. Biani, sese kue ayeke ti mbi.

Sigingo 32:8

Hio tongaso, ala zia lege so lani mbi fa na ala. Ala mu lôro, ala kporo ni si asara na yanda ti bagara. Ala kuku akpo li ti ala na sese na dawa ti bagara ni, ala mu sandaga na lo si ala tene: ‘Baa, nzapa ti e so asara si e sigigi na kodro ti Ezipte laa!’

B. ti abia 8:5

Wali wa laa alondo na benyama si ayeke ga, lo gbu kamba ti be ti lo na tere ti lo so? Mbi zingo mo na gbe ti keke ti pome, ndo so mama ti mo amu ngo ti mo daa, ndo so mama ti mo adu mo daa.

Ésaïe 24:5

Azo so alango na ndö ti sese asara si sese ni aga sioni, ngbanga ti so ala do andia na gbe ti gere ti ala, ala sanze atënë ti ndia, ala ke tënë ti *mbuki so abongbi ala na Nzapa lakue lakue.

Ésaïe 41:13

Biani, mbi *KOTA GBIA, mbi yeke Nzapa ti mo; mbi gbu maboko ti mo ti koli, mbi tene na mo, mbi tene: ‘Sara mbeto pepe, mbi laa mbi yeke mu maboko na mo.’ ”

Ésaïe 54:5

Biani, koli ti mo ayeke duti lo so lo sara mo; iri ti lo ayeke ‘KOTA GBIA so ayeke na ndö ti dunia kue’. Lo so lo zi mo ayeke Nzapa ti Israel so ayeke nde si ayeke nzoni kue, lo so azo adi iri ti lo ‘Nzapa ti sese kue’.

Jérémie 11:3

Fade mo yeke tene na ala: Tënë so KOTA GBIA, Nzapa ti Israel atene ayeke so: Deba aga na ndö ti zo so abata tënë ti ya ti mbuki so pepe!

Jérémie 11:4

Ando, mbi sara si akotara ti ala asigigi na sese ti Ezipte so ayeke tongana kota wâ so a yeke kporo wen na ya ni. Na ndembe ni so, mbi mu yanga na ala, mbi tene: Ala ma tënë ti mbi, ala sara ye so kue mbi mu yanga na ala ti sarango ni. Tongaso, fade ala yeke duti azo ti mbi si mbi, mbi yeke duti Nzapa ti ala.

Jérémie 2:2

“Gue mo to mbela na tënë so na mê ti azo ti Jérusalem, mo tene: Tënë so KOTA GBIA atene ayeke so: ‘Mbi dabe ti mbi na be ti mo so mo mu na mbi na ndembe so mo de maseka. Mo ye mbi ando tongana wali so amu koli fini fini. Mo yeke mu peko ti mbi na benyama, ndo so kâ zo alingbi ti lu ye daa pepe.

Jérémie 22:9

Tongaso, fade a yeke kiri tënë na ala: ‘Ayeke ndali ti so azo ti gbata ni abuba ya ti *mbuki so ala na KOTA GBIA Nzapa ti ala asara: ala kuku na gbe ti anzapa nde ti voro ala.’ ”

Jérémie 3:14

“Amolenge ti pupulenge, ala kiri maa! Biani, mbi yeke wa ti ala; so tënë ti yanga ti *KOTA GBIA laa. Fade mbi yeke mu na popo ti ala, zo oko na ya ti mbeni gbata, zo use na ya ti mbeni kete mara ti kiri na ala na *Sion.

Jérémie 31:1

So tënë ti yanga ti *KOTA GBIA laa: “Na ngoi ni so, mbi yeke duti Nzapa ti asewa ti Israel kue; ala yeke duti azo ti mbi.”

Jérémie 34:13

“Tënë so KOTA GBIA, Nzapa ti Israel atene ayeke so: Mbi nga, mbi na akotara ti ala, e sara mbuki na ndembe so mbi sara si ala sigigi na sese ti Ezipte, ndo so ala yeke lani angbaa daa. Mbi tene na akotara ti ala ni, mbi tene:

Jérémie 34:14

‘Na peko ti ngu mbarambara, alingbi ala oko oko kue azi na gbe ti ngbaa ita ti ala hebro so aka tere ti lo na ala. Zo ni ayeke duti ngbaa ti mo na ya ti ngu omene, na pekoni, fade mo yeke zi lo yamba.’ Me akotara ti ala ni ama mbi pepe, ala dingi mê ti ala ti ma tënë ti mbi pepe.

Ezekiel 16:8

Mbeni lâ, mbi kiri mbi hon nduru na tere ti mo si mbi baa mo; andaa mo ga wali awe. Mbi gbara bongo ti mbi na ndö ti mo ti kanga na tere ti mo so ayeke ndumbu so. Mbi deba yanga ti mbi si mbi sara *mbuki na mo. Nilaa mo ga ti mbi. So tënë ti yanga ti Kota Gbia NZAPA laa.

Ezekiel 20:37

Fade mbi yeke sara si ala hon na gbe ti keke ti wabatango-taba si mbi yeke li na ala na ya ti *mbuki so akanga mbi na ala.

Ezekiel 23:4

Iri ti yaya ni ayeke Ohola, iri ti ngambe ni Oholiba. Yaya ni so ayeke Samarii, ngambe ni ayeke Jérusalem. Ala use kue aga ti mbi si ala du amolenge-koli na amolenge-wali.

Osée 11:1

*KOTA GBIA atene: “So Israel ade ando maseka, mbi ye lo, mbi iri molenge ti mbi ti koli titene lo sigigi na kodro ti Ezipte.

Osée 2:2

Fade azo ti Juda na azo ti Israel ayeke bongbi ti ga oko, ala yeke mu mbeni makonzi oko ti zia lo na ndö ti ala si ala yeke wu ti mu ya ti kodro ni kue. Lango ni so ayeke duti kota lango ti Yizreel!

Osée 3:1

*KOTA GBIA atene na mbi: “Kiri mo gue, mo ye wali so mbeni koli aye lo si wali ni ayeke gi akoli ti amba ti lo. Mo ye lo tongana ti so mbi KOTA GBIA, mbi ye azo ti Israel, ataa so ala yeke gue na peko ti anzapa nde si ala ye agatoo so a sara ni na le ti vinye.”

Awayango-sandaga 26:15

tongana ala ke andia ti mbi, tongana ala ke lege ti asarango ye so mbi fa na ala si ala sara ye alingbi na atënë ti yanga ti mbi pepe, tongana ala buba ya ti mbuki ti mbi,

Marc 8:23

Jésus agbu maboko ti waziba ni si asigigi na lo na ya ti kodro ni. Na pekoni, lo tuku ngu ti yanga ti lo, lo zia na le ti zo ni; lo zia maboko na ndö ti lo si lo hunda lo, atene: “Mo baa mbeni ye?”

Jean 3:29

Zo so ayeke na wali ayeke koli ti wali ni; me zo so lo na koli ti wali ni aye tere, lo yeke luti nduru na tere ti koli ni si lo yeke na ngia ti ma go ti koli ti wali ni. Nda ti ngia so mbi yeke na ni laa; laso ngia ni alingbi kue.

Awatokua 23:19

Kota komanda ni agbu maboko ti molenge ni, lo gue na lo yongoro kete si lo hunda lo, lo tene: “Tënë ti nyen laa mo ye ti tene na mbi?”

2 Korente 11:2

Mbi ye ala mingi, nilaa mbi yeke sara mbanda ti ala; yengo so mbi ye na ala so alondo na Nzapa. Biani, ala yeke tongana maseka-wali so ade ti hinga koli pepe; mbi mu zendo ti mu ala gi na koli oko, koli ni ayeke Christ.

Ndia ti fani use ni 1:31

nga na ya ti benyama. Ala wani, ala baa na le ti ala: na lege so ala tambula daa ngbii asi na ndo so, lo yo ala tongana ti so babâ ayeke yo molenge ti lo.”

Ndia ti fani use ni 29:1

Moïse abongbi azo ti Israel kue si lo tene na ala: Ala wani abaa na le ti ala aye so kue *KOTA GBIA asara na gbia Faraon, na azo ti gbe ti lo nga na kodro ti lo kue.

Ndia ti fani use ni 29:21

Moïse atene: Azo so a du ala na peko ti ala, so ti tene amolenge ti ala nga na awande so alondo na mbeni kodro yongoro si aga, tongana ala baa aka nde nde nga na akobela nde nde so *KOTA GBIA ayeke tokua ni na tere ti ala, azo ti Israel, fade azo ni ayeke tene:

Ndia ti fani use ni 29:24

Fade a yeke kiri tënë: “Ye ni asi, ngbanga ti so azo ni abuba lege ti *mbuki so KOTA GBIA, Nzapa ti akotara ti ala asara na ala na ndembe so KOTA GBIA asara si ala sigigi na sese ti Ezipte.

Ndia ti fani use ni 31:16

KOTA GBIA atene na Moïse: “Mo ga nduru ti gue na peko ti ababâ ti mo so akui so awe. Na peko ti mo, fade azo so ayeke to nda ti kpe na peko ti anzapa ti awande ti voro ala, anzapa ti kodro so ala, azo ti Israel, ala yeke li daa. Fade azo so ayeke ke mbi si ala yeke buba ya ti *mbuki so mbi na ala e sara ni.

Ndia ti fani use ni 31:20

Biani, mbi yeke sara titene azo so ali na *sese so ngu ti me ti bagara na mafuta ti wotoro asi singo daa; sese so mbi deba yanga ti mbi ando ti mu na akotara ti ala. Fade ala yeke te kobe alingbi na ala si ala yeke kono mingi; na pekoni, ala yeke kiri na mbage ti anzapa nde, ala yeke voro ala. Ala yeke baa mbi tongana senge ye na le ti ala, ala yeke buba ya ti mbuki ti mbi na ala.

Ndia ti fani use ni 5:2

*KOTA GBIA Nzapa ti e asara *mbuki na e na hoto ti Horeb.

Ndia ti fani use ni 5:3

Lo na akotara ti e laa, ala sara mbuki ni pepe; me lo sara ni na e so kue e ngba na fini laso.

Ahebro 8:9

Mbuki ni ayeke duti nde na ti so lani mbi na akotara ti ala e sara na ngoi so mbi gbu maboko ti ala ti sigigi na ala na Ezipte. Kota Gbia atene: Akotara ti ala angba na ya ti mbuki ni pepe, nilaa mbi nga, mbi do ala, mbi zia.