Jérémie 31:3 - Mbeti ti Nzapa - Tënë so amu fini

³ Yongoro kâ, KOTA GBIA asi na mbi, lo tene: ‘Mbi ye mo na ndoye so angba lakue lakue, ndani laa mbi ngba ti sara nzoni be na mo.

Jérémie 31:3 ပူးပေါင်းရင်းမြစ်များ

1 Agbia 10:9

Singila na KOTA GBIA, Nzapa ti mo so asara nzoni be na mo si lo soro mo titene mo le-gbia na ndö ti Israel! KOTA GBIA aye azo ti Israel kpu na kpu, nilaa lo zia mo gbia titene mo fâ ngbanga mbirimbiri si mo sara ye na lege ti ndia”.

Abia (Psaumes) 103:17

Me nzoni be ti KOTA GBIA angba ngbene ye kpu na kpu, lakue lakue ndali ti azo so akpe mbeto ti lo. Lo ngba ti sara ye ti mbirimbiri na amolenge ti amolenge ti ala,

Abia (Psaumes) 25:6

KOTA GBIA, dabe ti mo na nzoni be ti mo, nga na ndoye ti mo so mo to nda ni giriri.

B. ti abia 1:4

Gbu maboko ti mbi, e kpe loro. Gbia ti mbi, gue na mbi na ya ti kubu ti mo, e sara si tere ti e anzere, e sara si e duti na ngia ndali ti mo. Ngia so mo sara na tere ti mbi so, e gonda ni ahon vin. Taa-tënë, amaseka-wali aye mo na legeni.

Ésaïe 43:4

Mbi sara tongaso, ngbanga ti so na le ti mbi, ngere ti mo ayeke ngangu, mo ne na le ti mbi si mbi ye mo. Tongaso, mbi mu azo na plase ti mo, mbi mu amara ti sanze na mo.

Ésaïe 45:17

Me KOTA GBIA asoo azo ti Israel, lo soo ala ndali ti lakue lakue. Fade kamene ayeke sara ala pepe, kamene ayeke gbu le ti ala pepe lakue lakue, kpu na kpu.

Ésaïe 49:14

*Sion atene: “*KOTA GBIA ado mbi azia awe! Be ti Kota Gbia ti mbi agirisa na mbi awe!”

Osée 11:1

*KOTA GBIA atene: “So Israel ade ando maseka, mbi ye lo, mbi iri molenge ti mbi ti koli titene lo sigigi na kodro ti Ezipte.

Osée 11:4

Mbi fa lege na lo na nzoni be, na lege ti kamba ti yengo tere. Mbi sara na lo tongana zo so ayo kete molenge ti lo aga na lo nduru na tere ti ngbangba ti lo; mbi yeke mu kobe ti tengo ni na Efraim.

Malashii 1:2

KOTA GBIA atene na azo ti lo: “Mbi ye ala.” Me ala tene: “Nyen laa afa atene mo ye e?” KOTA GBIA akiri tënë: “Ezau ayeke ita ti Jacob pepe? – So tënë ti yanga ti KOTA GBIA laa – Andaa mbi ye Jacob,

Rome 8:30

Azo so Nzapa aleke ye so kozoni na be ti lo ndali ti ala, lo iri nga ala, ala so lo iri ala, lo sara si ala ga nga mbirimbiri, ala so lo sara si ala ga mbirimbiri, lo gonda nga ala.

Rome 9:13

Nilaa Mbeti ti Nzapa atene: “Mbi ye Jacob, me mbi ke Ezau.”

Ndia ti fani use ni 10:15

Me na popo ti amara kue, gi akotara ti ala oko laa be ti KOTA GBIA agbu ala si lo ye ala. Fadeso, ala *ahale ti ala laa lo soro ala na popo ti amara kue, tongana ti so a yeke baa ni laso so.

Ndia ti fani use ni 33:26

Na pekoni, Moïse akiri atene: “Yeshurun, mbeni nzapa ti lingbi na Nzapa ti mo ayeke daa pepe! Na ya ti gonda ti lo, lo tambula na ndö ti ambinda, lo hon na le ti nduzu si lo yeke ga ti mu maboko na mo.

Ndia ti fani use ni 33:3

KOTA GBIA aye amara kue ti Israel. Lo yeke bata azo so kue ayeke ti lo, ala so aduti na sese na gbe ti lo si ala yeke ma ye so lo yeke fa na ala.

Ndia ti fani use ni 4:37

Ndali ti so lo ye akotara ti ala, nilaa lo soro ala, *ahale ti ala; lo wani, lo sara si ala sigigi na sese ti Ezipte na lege ti kota ngangu ti lo.

2 Timothée 1:9

Nzapa asoo e na kuâ, lo iri e ti ga azo so lo zia e nde ndali ti lo si e yeke nzoni kue. Mbeni ye ti nzoni so e sara titene lo soo e si lo iri e ndali ni ayeke daa pepe, me lo sara ni ndali ti so lo leke na be ti lo wani awe na lege ti nzoni be ti lo. Kozoni titene aye kue abaa gigi, Nzapa aleke na be ti lo ti sara nzoni be na e na lege ti Jésus Christ.

Jacques 1:18

Tongana ti so be ti lo wani aye, lo mu na e fini na lege ti tënë ti lo so ayeke taa-tënë, tongaso si e ga tongana akozo zo ti lo na popo ti aye so kue lo sara.

1 Pierre 1:3

E gonda Nzapa, Babâ ti *Kota Gbia ti e Jésus Christ! Lo baa mawa ti e mingi si lo sara titene a kiri a du e mbeni na lege ti zingongo so lo zingo Jésus Christ na kuâ. Tongaso, e zia be ti e ti ku ye so ayeke sara titene zo aduti na fini.

1 Jean 4:19

Ti e, e yeke na ndoye, ngbanga ti so Nzapa aye e kozoni.