Jérémie 31:28 - Mbeti ti Nzapa - Tënë so amu fini

²⁸ Lani, le ti mbi akpengba na ndö ti ala titene mbi gboto aye, mbi de aye na sese, mbi kungbi aye na sese, mbi buba aye si mbi sara sioni. Me fadeso, le ti mbi akpengba na ndö ti ala titene mbi leke aye na nduzu si mbi lu aye; so tënë ti yanga ti KOTA GBIA laa.

Jérémie 31:28 ပူးပေါင်းရင်းမြစ်များ

Mbeti ti Job 29:2

Ae! Alango so mbi yeke ando daa so, zo wa laa ayeke kiri na mbi kâ, zo wa? Ngoi so Nzapa ayeke bata ando mbi so, zo wa laa ayeke kiri ti mu ni na mbi, zo wa?

Abia (Psaumes) 102:16

Fade amara nde ayeke kpe mbeto ti KOTA GBIA, agbia ti sese kue ayeke kpe mbeto ti gonda ti mo.

Abia (Psaumes) 147:2

*KOTA GBIA ayeke leke Jérusalem, lo yeke bongbi azo ti Israel so a gbu ala a gue na ala na kodro wande.

Abia (Psaumes) 69:35

Ala ayayu, sese, na akota ngu-ingo, na aye so kue ayeke na ya ni, ala sepela KOTA GBIA!

Jérémie 1:10

Hinga, mo tene, laso mbi mu na mo kua ti sara ndali ti amara nga ndali ti akodro-gbia: mo yeke gboto aye si mo yeke de aye na sese; mo yeke buba aye si mo yeke kungbi aye na sese; mo yeke leke aye na nduzu si mo yeke lu aye.”

Jérémie 1:12

KOTA GBIA atene na mbi: “Mo baa ye ni nzoni! Fade le ti mbi ayeke kpengba na ndö ti tënë ti mbi, ti sara si aga taa-tënë.”

Jérémie 24:6

Fade mbi yeke baa ala na nzoni le si mbi yeke kiri na ala na ya ti kodro so. Mbi yeke kiri ti kungbi ala na sese pepe, me mbi yeke leke ala na nduzu; mbi yeke kiri ti gboto ala pepe tongana ti so a yeke gboto pere na gunda ni kue, me mbi yeke lu ala tongana ti so a yeke lu keke.

Jérémie 32:41

Fade ngia ti be ti mbi ayeke ti sara titene ala baa nzoni. Na be ti mbi kue nga na tere ti mbi kue, mbi yeke sara titene gere ti ala ali sese mbirimbiri na ya ti kodro.

Jérémie 32:42

“Tënë so KOTA GBIA atene ayeke so: Legeoko tongana ti so mbi sara si kota kpale so aga na ndö ti azo ti Juda, mbi yeke sara nga si nzoni ye so kue mbi tene tënë ni aga na ndö ti ala.

Jérémie 42:10

‘Tongana ala yeda ti ngba na ya ti kodro so, fade mbi yeke kiri ti leke ala na nduzu, mbi yeke kiri ti kungbi ala na sese pepe; mbi yeke kiri ti lu ala tongana ti so a yeke lu keke, mbi yeke kiri ti gboto ala pepe. Fade mbi yeke zia lege ti sioni ye so mbi sara na ala.

Jérémie 44:27

Fade le ti mbi ayeke kpengba na ndö ti ala ti sara sioni na ala, me ti sara nzoni pepe. Azo ti Juda so kue ayeke na kodro ti Ezipte, fade ala yeke kui na lege ti bira na kota nzara ngbii, ala hunzi kue.

Jérémie 45:4

Baa, tënë so mo yeke tene na Baruk laa: Tënë so KOTA GBIA atene ayeke so: ‘Ye so mbi leke na nduzu, mbi yeke kungbi ni na sese; ye so mbi lu, mbi yeke gboto ni. Fade mbi yeke sara tongaso na ya ti kodro ni kue.

Ezekiel 19:12

Me na lege ti ngonzo, a gboto keke ti vinye ni, abi na sese. Pupu ti To asara si ale ni ahole, atuku na sese. Akpengbango maboko ni ahole si wâ agbi ni kue.

Ezekiel 36:10

Mbi yeke sara titene azo awu mingi na ya ti kodro ti Israel kue; azo ayeke kiri ti lango na ya ti agbata, ando so lani abuba, a yeke kiri ti leke ni.

Daniel 9:14

Ndani laa mo leke ye kue titene sioni kpale so asi na e, ngbanga ti so KOTA GBIA Nzapa ti e ayeke mbirimbiri na ya ti asarango ye ti lo kue; me e ke ti ma yanga ti mo.

Daniel 9:25

Alingbi mo hinga ye so si mo ma ya ni: mbeni lâ, a mu yanga titene azo akiri na kodro ti ala na peko ti so a gbu ala, a gue na ala na kodro wande; a mu nga yanga titene azo akiri aleke gbata ti Jérusalem. Ti londo na ngoi ni so ngbii asi na ngoi so a tuku mafuta na li ti mbeni zo titene a zia lo makonzi, ngoi mbarambara ti ngu mbarambara ayeke hon. Na pekoni, na ya ti mbeni ngoi baleomene na use ti ngu mbarambara, a yeke kiri ti leke gbata ni na agbagba ti bira ti gbata ni; me ayeke duti angoi ti ngangu.

Amos 9:11

“Gbata ti David ayeke tongana mbeni da so atuku na sese awe. Na lango ni so, fade mbi yeke kiri ti yo ni na nduzu, mbi yeke kanga adu ti da ni, mbi yeke kiri ti leke da ni kue; mbi yeke sara si akiri aluti na nduzu tongana ti kozo.

Amos 9:14

Fade mbi yeke sara si gigi ti azo ti Israel, azo ti mbi, akiri aga nzoni, ala yeke kiri ti leke agbata so abuba so, ala yeke lango na ya ti agbata ni, ala yeke fâ ayaka ti vinye, ala yeke nyon vin ni; ala yeke fâ ayaka si ala yeke te akobe ni.

Zakarii 8:14

Tënë so KOTA GBIA so ayeke na ndö ti dunia kue atene ayeke so: “Ando, mbi leke na be ti mbi ti sara pasi na ala, ngbanga ti so akotara ti ala azia ngonzo na be ti mbi; mbi de ti zia peko ti tënë ni pepe.

Zakarii 8:15

Ti fadeso, mbi leke na be ti mbi ti sara nzoni na ala, azo ti Jérusalem nga na ala, azo ti kodro ti Juda kue. Ala sara mbeto pepe!

Awatokua 15:16

‘Na pekoni, fade mbi yeke kiri ti leke da ti David so ati. Aye ti da so atuku, fade mbi yeke leke ni, mbi yeke kiri ti mu da ni na nduzu.

Ndia ti fani use ni 30:9

KOTA GBIA Nzapa ti ala ayeke sara si aye so kue ala yeke sara aga nzoni. Lo yeke sara si ala du amolenge mingi; anyama ti ala ayeke du gbani gbani, akobe ti ayaka ti ala ayeke le gbani gbani. Biani, tongana ti so be ti KOTA GBIA anzere ti sara ando nzoni na akotara ti ala, fade be ti lo ayeke nzere ti sara nzoni na ala, azo ti Israel.