Jérémie 31:25 - Mbeti ti Nzapa - Tënë so amu fini

²⁵ Biani, azo so awoko na nzara ti ngu, fade mbi yeke mu na ala ngu ti nyon; azo so ngangu atia ala, mbi yeke mu na ala kota ngangu.

Jérémie 31:25 ပူးပေါင်းရင်းမြစ်များ

Abia (Psaumes) 107:9

Biani, lo mu ngu na azo so go ti ala ahole, lo mu gba ti kobe na azo so ayeke kui na nzara.

Abia (Psaumes) 23:3

Lo kiri ngangu na ya ti tere ti mbi, lo fa na mbi nzoni lege si mbi tambula daa, lo fa na mbi lege ni ndali ti nzoni iri ti lo.

Ésaïe 32:2

Ala oko oko ayeke duti tongana mbeni gbefa so zo ayeke bata tere ti lo daa ndali ti pupu, tongana ndo so zo ayeke kpe ti honde tere ti lo daa ndali ti ngu-Nzapa, tongana ngu so ayeke sua na ndö ti holengo sese, tongana gbe ti de ti kota têne na kodro so ngu ayeke daa pepe.

Ésaïe 40:29

Zo so awoko awe, lo yeke mu ngangu na zo ni; zo so ngangu ti lo ahunzi kue, lo yeke kiri ngangu na lo.

Ésaïe 41:17

Azo ti mawa na awayere ayeke gi ngu, me ala wara ni pepe. Nzara ti ngu ahole menga ti ala. Me mbi *KOTA GBIA, mbi yeke kiri tënë na ala; mbi Nzapa ti Israel, mbi yeke zia ala pepe.

Ésaïe 50:4

Kota Gbia NZAPA afa na mbi tënë so mbi lingbi ti tene, titene mbi hinga lege ti mu ngangu na zo so awoko. Lakue na ndaperere, lo yeke zingo mbi, lo yeke zi mê ti mbi titene mbi ma ndo tongana adisiple.

Jérémie 31:12

Fade ala yeke ga, ala yeke dekongo na ngia na ndö ti hoto ti *Sion; yanga ti ala ayeke na ngia ti wara anzoni ye so KOTA GBIA ayeke mu na ala: ble, fini vin, mafuta, ataba, angasa na abagara. Fini ti ala ayeke duti tongana yaka so a tuku ngu daa; ala yeke kiri ti woko pepe.

Jérémie 31:14

Mbi yeke mu na awayango-sandaga gba ti kasa ti mafuta, mbi yeke sara si aye ti nzoni asi singo na azo ti mbi; so tënë ti yanga ti KOTA GBIA laa.

Ezekiel 34:14

Mbi yeke gue na ala na nzoni ndo ti tengo pere; ala yeke wara nzoni pere ti tengo ni na ndö ti ahoto ti Israel. Kâ, ataba ti mbi alingbi ti lango kpoo na ndo so nzoni pere ayeke daa si ala te nzoni pere na ndö ti ahoto ti Israel.

Matthieu 11:28

“Ala ga na mbi, ala so kue awoko na yongo anengo kungba, fade mbi yeke mu na ala lege ti wu tere ti ala.

Matthieu 5:6

Ti ala nzoni, ala so nzara ti sarango ye ti mbirimbiri ayeke sara ala tongana ti so nzara ti kobe na ti ngu ayeke sara zo, ngbanga ti so Nzapa ayeke mu ande na ala ye so be ti ala aye!

Nzoni Tënë so Luc asu na mbeti 1:53

Lo mu anzoni ye mingi na azo so nzara asara ala si lo tumba azo ti mosoro, maboko ti ala senge.

Jean 4:14

me zo so ayeke nyon ande ngu so mbi yeke mu na lo, nzara ti ngu ayeke kiri ti sara lo pepe. Ngu so mbi yeke mu na lo ayeke ga li ti ngu so fini so angba lakue lakue ayeke sigigi daa.”

2 Korente 7:6

Me Nzapa so ayeke de be ti azo so be ti ala awoko kue, lo sara si gango ti Tite ade be ti e.