Jérémie 31:2 - Mbeti ti Nzapa - Tënë so amu fini

² Tënë so *KOTA GBIA atene ayeke so: “Na benyama, mbi sara nzoni be na azo so asigigi lani na ya ti kuâ. Israel ayeke gue ti duti kpoo.

Jérémie 31:2 ပူးပေါင်းရင်းမြစ်များ

Abia (Psaumes) 78:52

Lo sara si azo ti lo asigigi tongana ataba na ya ti gbagba so a yeke bata ala daa. Lo fa lege na ala na benyama tongana ti so wabatango-taba ayeke fa lege na ataba ti lo.

Abia (Psaumes) 95:11

Tongaso na ya ti ngonzo ti mbi, mbi deba yanga, mbi tene: ‘Kodro so mbi leke titene ala wu tere ti ala daa, fade ala yeke li na ya ni oko pepe.’ ”

Sigingo 1:16

“Tongana ala yeke mu molenge na tere ti awali ti ahebro, ala baa molenge so wali ni ayeke du lo so nzoni: tongana molenge ni ayeke koli, ala fâ lo, tongana ayeke wali, ala zia lo, lo ngba na fini.”

Sigingo 1:22

Tongaso Faraon amu yanga na azo ti lo kue, atene: “Amolenge-koli so kue ahebro adu ala, ala bi ala na ya ti *bale ti Nil! Me ala zia amolenge-wali angba na fini.”

Sigingo 12:37

Na pekoni, azo ti Israel alondo na Ramses ti gue na Sukot. Wungo ti akoli so angba ngangu ayeke nduru na saki ngbangbo omene; a diko awali, amolenge na ambakoro pepe.

Sigingo 2:23

Aninga mingi na pekoni, gbia ti Ezipte akui. Kua ti ngbaa ahon ngangu ti azo ti Israel, ala yeke dema si ala yeke toto; toto ti ala ni asi na Nzapa.

Sigingo 33:14

KOTA GBIA akiri tënë na Moïse, atene: “Mbi wani, mbi yeke gue na ala! Mo gi be ti mo pepe.”

Sigingo 5:21

Ala tene na Moïse nga na Aaron, atene: “Ayeke nzoni KOTA GBIA abaa ye so ala sara so si lo fâ ngbanga na li ti ala! Ndali ti ala laa Faraon na azo ti gbe ti lo aye ti baa e na le pepe. So ayeke tongana ye ti bira laa ala mu na ala ti fâ e na ni!”

Jérémie 2:2

“Gue mo to mbela na tënë so na mê ti azo ti Jérusalem, mo tene: Tënë so KOTA GBIA atene ayeke so: ‘Mbi dabe ti mbi na be ti mo so mo mu na mbi na ndembe so mo de maseka. Mo ye mbi ando tongana wali so amu koli fini fini. Mo yeke mu peko ti mbi na benyama, ndo so kâ zo alingbi ti lu ye daa pepe.

Ezekiel 20:35

Fade mbi yeke gue na ala na benyama ti amara ni. Kâ, le na le, mbi yeke fâ ngbanga na ndö ti ala.

Osée 11:4

Mbi fa lege na lo na nzoni be, na lege ti kamba ti yengo tere. Mbi sara na lo tongana zo so ayo kete molenge ti lo aga na lo nduru na tere ti ngbangba ti lo; mbi yeke mu kobe ti tengo ni na Efraim.

Wungo ti azo 10:33

Azo ti Israel alondo na hoto ti KOTA GBIA ti hon si ala tambula na ya ti lango ota. Na ya ti lango ota so kue, sanduku ti *mbuki ti KOTA GBIA ayeke hon na dawa ti ala ti gi ndo so ala lingbi ti wu tere ti ala daa.

Wungo ti azo 14:20

KOTA GBIA akiri tënë, atene: “Mbi yeke zi sioni ni na li ti ala tongana ti so mo hunda.

Matthieu 11:28

“Ala ga na mbi, ala so kue awoko na yongo anengo kungba, fade mbi yeke mu na ala lege ti wu tere ti ala.

Ndia ti fani use ni 1:30

KOTA GBIA Nzapa ti ala, lo so lo yeke tambula na dawa ti ala, fade lo wani, lo yeke tiri bira ndali ti ala, tongana ti so lo sara na le ti ala na sese ti Ezipte

Ndia ti fani use ni 1:33

Lani, lo laa lo yeke mu li ti tambula ni na ala ti gi ndo so ala lingbi ti sara bâbâ ti ala daa. Na bi, lo yeke na ya ti ngbongboro wâ ti za na lege so ala yeke tambula daa; na kota lâ, lo yeke na ya ti ngbongboro mbinda.

Ndia ti fani use ni 12:9

Biani, ade ala si pepe na sese so KOTA GBIA Nzapa ti ala amu na ala titene aga ti ala, sese so ala yeke wu tere ti ala daa.

Ndia ti fani use ni 2:7

– Biani, ala azo ti Israel, KOTA GBIA asara tufa na ndö ti ala na ya ti aye so kue ala sara. Lo baa ndo na ndö ti ala na ndembe so ala hon na ya ti kota benyama so. Na ya ti ngu baleosio kue, KOTA GBIA Nzapa ti ala ayeke na ala, ye oko atia ala pepe. –

Ndia ti fani use ni 8:16

Gi na ya ti oko benyama ni, KOTA GBIA amu na ala *mane, kobe so akotara ti ala ahinga ni pepe. Lo sara tongaso titene aye ti ngangu asi na ala si lo tara be ti ala; na ndani, lo sara nzoni na ala.

Josué 1:13

“Ala dabe ti ala na yanga so Moïse, zo ti kua ti KOTA GBIA, amu na ala ando, lo tene: ‘KOTA GBIA, Nzapa ti ala, amu na ala lege ti wungo tere; lo mu na ala sese so ayeke na To ti ngu ti Jourdain so awe.’