Jérémie 31:19 - Mbeti ti Nzapa - Tënë so amu fini19 Taa-tënë, e hon lani yongoro na tere ti mo, me fadeso e zia lege ni awe. E hinga sioni ti e awe, fadeso e zia maboko na go ti e, kamene ahon ndö ti e si e ga buba ndali ti ye so e sara na ndembe so e de maseka; ye ti peko ni laa e wara awe so.’ ” အခန်းကိုကြည့်ပါ။ |
Jérémie 31:19
30 ပူးပေါင်းရင်းမြစ်များ
Tongana ala hunda mo, atene: ‘Mo yeke dema ngbanga ti nyen?’ Fade mo kiri tënë na ala, mo tene: ‘Mbi ma mbeni sioni sango, ye ni ayeke si. Fade be ti azo kue ayeke fâ, maboko ti azo ayeke woko, ngangu ayeke tia azo, alikunu kue ayeke do kpakpakpa. Ngoi ni alingbi awe! Ye ni asi fadeso awe!’ So tënë ti yanga ti Kota Gbia NZAPA laa.”
Azo so ayeke ngba na fini ayeke dabe ti ala na mbi kâ na popo ti amara nde, ndo so a gbu ala si a gue na ala daa. Azo ni ayeke dabe ti ala na lege so mbi sara si be ti ala afâ, be ti ala so ala mu na anzapa nde si ala ke mbi so. Ala yeke dabe ti ala nga na lege so mbi sara si le ti ala abuba, le ti ala so ala yeke baa na anzapa nde so. Tongaso, nzara ti aye ni ayeke sigigi na be ti ala ndali ti asioni ye so ala sara nga ndali ti aye so ala sara si zo alingbi ti baa na le ti lo fani use pepe so.
Mbi yeke sara titene yingo ti sarango ye ti nzoni na yingo ti sambelango mbi aga na ndö ti *ahale ti David nga na ndö ti azo ti gbata ti Jérusalem. Fade ala yeke baa ndo na mbage ti mbi, lo so ala kpo lo so. Ala yeke toto kuâ ti lo tongana ti so a yeke toto kuâ ti oko molenge-koli. Ala yeke toto lo ngangu mingi tongana ti so a yeke toto kuâ ti kozo molenge.
ကြော်ငြာတွေ