Jérémie 31:18 - Mbeti ti Nzapa - Tënë so amu fini

¹⁸ Biani, mbi ma azo ti Efraim so ayeke dema tere ti ala, atene: ‘KOTA GBIA, mo pika e ngangu mingi tongana ti so zo ayeke pika bagara so ama ndo pepe. Me ayeke nzoni mo sara si e kiri na mbage ti mo titene e kiri biani na mbage ti mo, ngbanga ti so mo laa mo yeke Nzapa ti e.

Jérémie 31:18 ပူးပေါင်းရင်းမြစ်များ

Mbeti ti Job 5:17

Biani, ti lo nzoni, zo so Nzapa agboto mê ti lo! Tongaso, lo so ngangu ti lo ahon angangu kue, mo ke pika ti lo pepe.

Abia (Psaumes) 118:18

Biani, KOTA GBIA apika mbi, me lo zia mbi titene mbi kui pepe.

Abia (Psaumes) 119:67

Kozo titene mbi baa pasi, mbi yeke gue ando kirikiri; me fadeso mbi yeke sara ye na lege ti tënë ti yanga ti mo.

Abia (Psaumes) 119:75

KOTA GBIA, mbi hinga, mbi tene, atënë ti fango ngbanga ti mo ayeke mbirimbiri, pasi so mo sara na mbi ayeke na legeni.

Abia (Psaumes) 31:15

Me, mbi zia be ti mbi na ndö ti mo KOTA GBIA. Mbi tene: “Gi mo laa mo yeke Nzapa ti mbi.”

Abia (Psaumes) 32:9

Mbarata na lele ahinga ndo pepe; titene ala luti, a yeke zia wen na kamba na yanga ti ala. Mo sara ye tongana ala pepe si fade sioni ye asi na mo pepe.”

Abia (Psaumes) 80:19

Tongaso, fade e yeke hon na tere ti mo pepe, mo yeke sara si e kiri e duti na fini si e yeke voro mo.

Abia (Psaumes) 80:3

fa ni na le ti azo ti mara ti Efraim, ti Benjamin na ti Manase, fa ngangu ti mo, ga, mo soo e!

Abia (Psaumes) 80:7

Mo sara si azo so ayeke nduru na e ayeke tiri na popo ti ala ndali ti e, e ga ye so awato ti e ayeke he na ngia.

Abia (Psaumes) 85:4

Mo kai ngonzo ti mo awe, mo zia lege ti ngonzo ti mo ti wâ awe.

Abia (Psaumes) 94:12

KOTA GBIA, ti lo nzoni, zo so mo fa nzoni lege na lo, zo so mo fa ye na lo na lege ti *Ndia ti mo!

Amato 26:3

Zaza alingbi na mbarata, kamba alingbi titene a kanga na yanga ti lele si pika alingbi na ngbonda ti zo ti buba.

Amato 29:1

Zo so a gboto mê ti lo si lo ngba ti sara ngangu li, fade a yeke kinda lo gi hio tongaso, mbeni ye ti sara titene lo kiri lo ga nzoni ayeke daa pepe.

Amato 3:11

Molenge ti mbi, tongana KOTA GBIA agboto mê ti mo, mo ke pepe; tongana lo suku na mo, mo baa ni tongana mbumbuse ye pepe.

Ésaïe 1:5

So ala ngba ti sara ngangu li so, fade lo yeke kiri ti pika ala na ndo wa? Li ti ala kue gi ka, be ti ala kue gi kobela.

Ésaïe 51:20

Amolenge ti mo alango na sese na ndö ti alege kue. Ala yeke tongana atagba so ati na ya ti gbanda, ala ngba na ya ni, me ala lingbi ti sara ye oko pepe; ala yeke na gbe ti ngonzo ti KOTA GBIA, Nzapa ti mo abe le na ala.

Ésaïe 53:7

Azo asara ngangu na lo, lo sara tere ti lo kete, lo zi yanga oko pepe. Lo yeke tongana kete taba so a yeke gue na lo na ndo ti fango anyama; lo yeke tongana taba so ayeke buburu na dawa ti azo ti fango kua ti tere ti lo, lo zi yanga oko pepe.

Ésaïe 63:16

Biani, mo laa mo yeke babâ ti e. Be ti Abraham, kotara ti e agirisa na e awe; Jacob akiri ahinga e pepe; me mo KOTA GBIA, mo yeke Babâ ti e; mo so a yeke di iri ti mo “Wazingo e”, ngbene ye kpu na kpu.

Ésaïe 9:13

Tongaso, gi na ya ti lango oko, KOTA GBIA azi na Israel li na damba, maboko ti mburu na pere ti sosongo.

Jérémie 17:14

*KOTA GBIA, sara si tere ti mbi aga nzoni si fade tere ti mbi aga nzoni; soo mbi si fade mbi soo kuâ, ngbanga ti so mo laa mbi yeke gonda mo.

Jérémie 2:30

Mbi pika ala gbaa; li ti ala aga daa oko pepe. Ala wani afâ awayanga-Nzapa ti ala na yongoro zeme tongana ti so bamara ayeke suru ya ti nyama.

Jérémie 3:25

Ayeke nzoni e lango na sese ndali ti kamene ti e, sarango ye ti buba ti e akanga ndö ti e, ngbanga ti so e na akotara ti e, e sara ye so ayeke sioni ti ke KOTA GBIA, Nzapa ti e; e sara ni ti londo na ngoi so e de molenge ngbii asi laso. E ma yanga ti KOTA GBIA, Nzapa ti e pepe.”

Jérémie 31:6

Biani, mbeni lango ayeke ga so asanziri ayeke dekongo na li ti ahoto ti Efraim, atene: Ala londo! E gue na *Sion, e gue na mbage ti KOTA GBIA Nzapa ti e!’ ”

Jérémie 31:9

Azo ni ayeke kiri na toto na yanga ti ala. So mbi yeke ga na ala, ala yeke dema tere ti ala; mbi yeke gue na ala na ndo so gba ti ngu ayeke sua daa, mbi yeke sara titene ala hon na lege so ayeke mbirimbiri, ndo so ala lingbi pepe ti pika gere ti ala ti ti. Biani, mbi yeke tongana babâ ti Israel, Efraim ayeke kozo molenge ti mbi.”

Jérémie 5:3

KOTA GBIA, ye so anzere na mo ayeke titene zo asara lakue ye so ayeke na legeni; ni laa ape? Mo pika ala, me pika ni aso ala pepe. Mo ye ti nika ala biani biani, me ala ke ti ma ye so mo fa na ala. Li ti ala akpengba ahon têne, ala ke ti kiri na mbage ti mo.

Abia ti demango tere 5:21

KOTA GBIA, ayeke nzoni mo kiri na e na tere ti mo, fade e kiri, e ga nduru na mo. Mo kiri mo mu na e fini tongana ti so ando e yeke na ni so!

Ezekiel 20:43

Kâ, ala yeke dabe ti ala na sioni lege ti dutingo ti ala ti kozoni nga na asarango ye ti ala so asara si ala ga *sioni so. Fade be ti ala ayeke londo ndali ti asioni ye so kue ala sara.

Daniel 9:13

Asioni kpale so kue asi na e alingbi na tënë so a su na ya ti mbeti ti *Ndia ti Moïse. Me e de be ti mo, KOTA GBIA Nzapa ti e pepe; e zia lege ti siokpari ti e pepe si e baa taa-tënë ti mo tongana senge ye.

Osée 10:11

“Efraim ayeke tongana kete mama ti bagara so aleke lo nzoni si lo ye ti pika ale ti *ble. Tongana mbi baa konongo go ti lo, mbi ye fade ti kanga nengo keke na go ti Efraim; ka tongaso, Juda afâ ti lo yaka si Israel apika ti lo ya ti sese.

Osée 4:16

Biani, Israel asara ngangu li tongana mama ti bagara so ake ti tambula. Fadeso, KOTA GBIA alingbi ti sara na azo ti lo tongana ti akete taba so a zia ala na ndo ti tengo pere?

Osée 5:15

“Fade mbi *KOTA GBIA, mbi yeke gue, mbi yeke kiri na ndo ti mbi ngbii asi na ngoi so ala hinga sioni ti ala, ala gi le ti mbi si. Na ndembe so ye ti ngangu ayeke si na ala, fade ala yeke gi mbi.”

Jonas 3:10

Nzapa abaa aye so kue azo ti Ninive asara ti fa atene, ala zia sioni lege ti sarango ye ti ala awe. Tongaso sioni ye so Nzapa atene tënë ti sarango ni na ala so, lo zia ti sarango ni.

Sofonii 3:2

Gbata ni ama iringo ndo pepe, lo ma wango pepe, lo zia be ti lo na ndö ti *KOTA GBIA pepe, lo ga nduru na Nzapa ti lo pepe.

Malashii 3:16

Tongaso azo so ayeke kpe mbeto ti KOTA GBIA atene tënë na popo ti ala. KOTA GBIA adingi mê ti lo si lo ma tënë so ala yeke tene so. Nilaa na dawa ti lo, a su na ya ti mbeni mbeti iri ti azo so ayeke kpe mbeto ti lo si ala yeke voro lo.

Wungo ti azo 2:18

“Na mbage ti Do, ayeke duti aturugu ti azo ti mara ti Efraim. Ala yeke sara bâbâ ti ala na tere ti bendere ti mara ti ala. Makonzi ti aturugu ti ala ayeke Elishama, molenge ti Amihud.

Nzoni Tënë so Luc asu na mbeti 1:17

Lo yeke tambula na dawa ti Nzapa, yingo ti wayanga-Nzapa Élie, na ngangu ti lo, ayeke duti na ndö ti lo si lo yeke leke songo na popo ti ababâ na amolenge ti ala. Lo yeke kiri ti leke be ti azo ti ngangu li si tënë ti be ti ala aga tongana ti azo ti mbirimbiri. Lo yeke sara tongaso ti leke azo so aleke tere ti ala ti ku Kota Gbia.”

Nzoni Tënë so Luc asu na mbeti 15:20

Lo mu lege ti kiri na ndo ti babâ ti lo. “So lo de yongoro na lege, babâ ti lo abaa lo, mawa agbu be ti lo, lo kpe, lo gbu lo na kate ti lo si lo su ngbangba ti lo.

Awatokua 3:26

Ndali ti ala, azo ti Israel, Nzapa asoro zo ti kua ti lo si lo tokua lo kozoni ti sara tufa na ndö ti ala tongana ala oko oko azia ngbene lege ti sarango ye ti ala.”

Filipe 2:13

Biani, Nzapa laa ayeke zia nzara ti sarango ye na be ti ala si lo yeke mu na ala lege ti sarango ni alingbi na ye so lo leke na be ti lo.

Ahebro 12:5

Be ti ala agirisa na wango so Nzapa ayeke mu na ala tongana ti so babâ ayeke mu na amolenge ti lo; lo tene: “Molenge ti mbi, tongana *Kota Gbia apika mo ti zia mo na nzoni lege, mo baa ni tongana senge ye pepe. Tongana Kota Gbia asuku na mo, ayeke nzoni be ti mo awoko pepe,

Aye so Nzapa afa 3:19

Azo so kue mbi ye ala, mbi yeke pika ala si mbi yeke kiri ala na nzoni lege. Zia be ti mo kue na sarango kua, zia sioni lege ti sarango ye ti mo!