Jérémie 31:12 - Mbeti ti Nzapa - Tënë so amu fini

¹² Fade ala yeke ga, ala yeke dekongo na ngia na ndö ti hoto ti *Sion; yanga ti ala ayeke na ngia ti wara anzoni ye so KOTA GBIA ayeke mu na ala: ble, fini vin, mafuta, ataba, angasa na abagara. Fini ti ala ayeke duti tongana yaka so a tuku ngu daa; ala yeke kiri ti woko pepe.

Jérémie 31:12 ပူးပေါင်းရင်းမြစ်များ

Abia (Psaumes) 130:4

Me mo laa mo yeke zi tënë na li ti azo, tongaso si azo akpe mbeto ti mo.

Ésaïe 1:30

Fade ala yeke ga tongana akeke so akugbe ni ahole awe; ala yeke ga tongana apendere ndo so ngu ahole daa awe.

Ésaïe 35:10

Azo so KOTA GBIA ayeke zi ande ala, ala yeke mu lege ni so ti kiri. Na singo ti ala na *Sion, ala yeke dekongo na ngia. Ngia so ayeke hunzi laoko pepe, ayeke su na ndö ti le ti ala. Ngia so ahon ndoni ayeke si be ti ala singo, pasi na demango tere ayeke hon.

Ésaïe 51:11

Azo so KOTA GBIA azi ala, fade ala yeke kiri; ala yeke dekongo na ngia si ala yeke linda na ni na *Sion. Ngia so angba lakue lakue ayeke za na ndö ti le ti ala, nzerengo tere so asi singo ayeke duti na ala, pasi na demango tere ayeke kpe ti hon.

Ésaïe 52:8

Azo so mo zia ala ti sara sanziri so, mo ma go ti ala! Ala kue yanga oko, ala yeke dekongo na ngia, ngbanga ti so ala baa na le ti ala wani *KOTA GBIA so ayeke kiri na *Sion.

Ésaïe 58:11

KOTA GBIA ayeke ngba lakue ti fa lege na mo. Ataa na benyama, lo yeke mu na mo kobe, mo te ya ti mo asi, lo yeke kiri ti mu ngangu na mo. Mo yeke ga tongana yaka so a tuku ngu daa, mo yeke ga tongana li ti ngu so ngu ni ayeke hole pepe.

Ésaïe 60:20

Lâ ti mo ayeke kiri ti kui pepe, nze ti mo ayeke kiri ti linda pepe. Biani, mbi KOTA GBIA, mbi yeke ga lumiere ti mo lakue lakue; lango ti mo ti sarango mua ayeke hunzi.

Ésaïe 65:19

Mbi nga, mbi yeke duti na ngia ndali ti Jérusalem, ngia ayeke si singo na be ti mbi ndali ti azo ti mbi. Zo ayeke kiri ti ma toto pepe wala dekongo pepe.

Jérémie 3:14

“Amolenge ti pupulenge, ala kiri maa! Biani, mbi yeke wa ti ala; so tënë ti yanga ti *KOTA GBIA laa. Fade mbi yeke mu na popo ti ala, zo oko na ya ti mbeni gbata, zo use na ya ti mbeni kete mara ti kiri na ala na *Sion.

Jérémie 31:24

“Tongaso, azo ti kete kodro na azo ti agbata ti Juda kue, ala na azo ti fango yaka na azo so ayeke fono na anyama ti ala ayeke sara kodro legeoko na ndo so.

Jérémie 31:25

Biani, azo so awoko na nzara ti ngu, fade mbi yeke mu na ala ngu ti nyon; azo so ngangu atia ala, mbi yeke mu na ala kota ngangu.

Jérémie 31:4

Maseka-wali Israel, mbi yeke kiri ti leke mo na nduzu, a yeke kiri ti leke mo na nduzu. Mo yeke kiri ti mu akete ngo ti mo na tere ti mo tongana aye ti pendere si mo yeke gue ti dodo na popo ti azo so ayeke sara ngia.

Jérémie 31:6

Biani, mbeni lango ayeke ga so asanziri ayeke dekongo na li ti ahoto ti Efraim, atene: Ala londo! E gue na *Sion, e gue na mbage ti KOTA GBIA Nzapa ti e!’ ”

Jérémie 31:7

Tënë so KOTA GBIA atene ayeke so: “Ala dekongo na ngia ndali ti Israel, ala pika maboko na li ti makonzi so ayeke na li ti amara! Ala huru yanga ti ala! Ala sepela lo, ala tene: ‘KOTA GBIA, mo soo azo ti mo, soo azo ti Israel so angba na fini!’

Jérémie 32:15

“Biani, tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Na ya ti kodro so, fade azo ayeke kiri ti vo ada, ayaka na ayaka ti *vinye.’ ”

Jérémie 33:12

Tënë so KOTA GBIA so ayeke na ndö ti dunia kue atene ayeke so: “Na ya ti kodro so abuba kue awe so, so azo na anyama ayeke daa pepe so, na ya ti agbata ni kue, ndo ayeke kiri ti duti daa ndali ti awabatango-taba, ndo titene ala zia ataba na angasa ti ala daa ti wu tere.

Jérémie 33:13

Na ya ti agbata ti Kodro-ti-nduzu na ti agbata ti *Kodro-ti-gbeni na ti Negev, na sese ti Benjamin, na ya ti akodro so angoro Jérusalem nga na ya ti agbata ti Juda, fade ataba na angasa ayeke kiri na gbe ti maboko ti wabatango ala so ayeke diko ala”; tënë so KOTA GBIA atene laa.

Ezekiel 17:23

Mbi yeke lu maboko ni na ndö ti mbeni yongoro hoto ti Israel. Fade amaboko ni ayeke sigigi daa, ayeke le si ayeke ga pendere keke ti sedre. Amara ti andeke nde nde ayeke sara da ti ala na ya ti amaboko ti keke ni, ala yeke duti na gbe ti de ni.

Ezekiel 20:40

Biani, na ndö ti hoto ti mbi so ayeke nde si ayeke nzoni kue, na ndö ti yongoro hoto ti Israel laa azo ti Israel so kue ayeke na ya ti kodro ni ayeke voro mbi. So tënë ti yanga ti mbi, Kota Gbia NZAPA laa. Kâ, mbi yeke yamba ala na nzoni be, mbi yeke yeda na aye so kue ala zia nde ndali ti mbi, amatabisi ti ala nga na asandaga ti anzoni ye so ala yeke ya na mbi.

Ezekiel 34:14

Mbi yeke gue na ala na nzoni ndo ti tengo pere; ala yeke wara nzoni pere ti tengo ni na ndö ti ahoto ti Israel. Kâ, ataba ti mbi alingbi ti lango kpoo na ndo so nzoni pere ayeke daa si ala te nzoni pere na ndö ti ahoto ti Israel.

Ezekiel 36:30

Mbi yeke sara titene akeke ti ala na akobe ti yaka ti ala ale gbani gbani. Tongaso si kamene ayeke kiri ti sara ala pepe ndali ti nzara na popo ti amara nde.

Osée 3:5

Na pekoni, azo ti Israel ayeke kiri ti gi KOTA GBIA, Nzapa ti ala nga na David, gbia ti ala. Gbanda, fade ala yeke do na mbeto si ala yeke kiri na mbage ti KOTA GBIA ti wara anzoni ye ti lo.

Aggée 2:19

Ale ti kobe angba na ya ti agogoro ti ala? Ataa keke ti vinye, keke ti fige, keke ti grenade nga na keke ti olive ale oko pepe. Ti londo laso ti gue na ni, mbi yeke sara tufa na ndö ti ala.”

Zakarii 8:12

Biani, fade mbi yeke sara si siriri amu ndö ti sese kue, akeke ti *vinye ayeke le, sese ayeke du ale ti kobe, yayu ayeke tokua ngu-Nzapa. Mbi yeke mu anzoni ye so na tanga ti azo ti Israel so angba titene aga ye ti ala.

Jean 16:22

Ye so ayeke si na ala fadeso ayeke tongaso: fade ala yeke na vundu, me na pekoni, mbi yeke kiri ti ga ti baa ala si be ti ala akiri asi na ngia. Mara ti ngia so, zo oko alingbi ti zi ni na be ti ala pepe.

Rome 2:4

So Nzapa ayeke sara nzoni be mingi na mo, lo yeke fâ ngbanga na li ti mo hio pepe si lo yeke kanga be ti lo ti ku mo so, so ayeke senge na le ti mo? Lo yeke sara nzoni be na mo titene mo zia ngbene lege ti sarango ye ti mo; mo hinga so pepe?

Aye so Nzapa afa 21:4

Lo yeke mbo ande ngu ti le ti ala kue. Fade kuâ, wala mua, wala toto wala pasi ayeke duti daa mbeni pepe, ngbanga ti so angbene ye kue ahon awe.”

Aye so Nzapa afa 7:17

ngbanga ti so Molenge ti Taba so ayeke na ndö ti mbata ti gbia ayeke bata ala tongana ataba ti lo. Lo yeke gue na ala na li ti ngu so ayeke mu fini na zo. Fade Nzapa ayeke mbo ngu ti le ti ala kue.