Jérémie 31:11 - Mbeti ti Nzapa - Tënë so amu fini

¹¹ Biani, KOTA GBIA azi azo ti Israel awe, lo zi ala na maboko ti mbeni zo so ayeke ngangu ahon ala.

Jérémie 31:11 ပူးပေါင်းရင်းမြစ်များ

Abia (Psaumes) 142:6

Mbi dekongo na mo KOTA GBIA, mbi tene: “Mo laa mo yeke ndo so mbi kpe daa ti honde tere ti mbi; mo laa mo yeke mosoro ti mbi na ndö ti sese so e yeke na fini daa so!”

Sigingo 15:16

Mbeto na kota mbeto agbu ala. KOTA GBIA, so ala baa ngangu ti maboko ti mo, mbeto ahon ndö ti ala si tënë ahunzi na yanga ti ala, ngbii azo ti mo ahon na mbage ti ngu ni; azo ti mo so mo vo ala so.

Ésaïe 44:23

Biani, *KOTA GBIA ayeke sara ye. Tongaso yayu, mo dekongo na ngia; gbe ti sese so alinda mingi, mo dodo na ngia! Ahoto, ala dekongo na ngia; ala agbako, ala na akeke ti ala, ala dekongo na ngia. Biani, KOTA GBIA azi Jacob awe, lo fa gonda ti lo na sese ti Israel.

Ésaïe 48:20

Ala londo na Babilone asigigi! Ala londo hio na popo ti azo ni, ala kpe! Ala dekongo na ngia, ala fa tënë so, ala to mbela na ni ngbii asi na nda ti sese kue, ala tene: “*KOTA GBIA azi Jacob, zo ti kua ti lo awe.”

Ésaïe 49:24

Ye so ngangu zo ti bira agbu na bira, zo alingbi ti zi ni na maboko ti lo? Ngbaa so zo ti sarango ngangu na azo agbu lo zo alingbi ti gboto ngbaa ni na maboko ti lo?

Ésaïe 49:25

Biani, tënë so KOTA GBIA atene ayeke so: “Ngbaa so ngangu zo ti bira agbu lo, mbi yeke gboto ngbaa ni na maboko ti lo. Ye so zo ti sarango ngangu na azo agbu na bira, mbi yeke gboto ni na maboko ti lo. Jérusalem, mbi wani laa mbi yeke tiri na azo so atiri na mo si mbi yeke soo amolenge ti mo.

Ésaïe 51:11

Azo so KOTA GBIA azi ala, fade ala yeke kiri; ala yeke dekongo na ngia si ala yeke linda na ni na *Sion. Ngia so angba lakue lakue ayeke za na ndö ti le ti ala, nzerengo tere so asi singo ayeke duti na ala, pasi na demango tere ayeke kpe ti hon.

Jérémie 15:21

Fade mbi yeke gboto mo na maboko ti azo ti sioni; mbi yeke zi mo na maboko ti azo so ayeke sara ngangu na zo.”

Jérémie 50:33

Tënë so KOTA GBIA so ayeke na ndö ti dunia kue atene ayeke so: “Azo ti Israel nga na azo ti Juda, azo asara sana na ala. Azo so lani agbu azo ti Israel na azo ti Juda si ague na ala na kodro wande, azo ni agbanzi ala, ala ke ti zia lege na ala ti gue.

Jérémie 50:34

Me wagbungo-koko ti ala ayeke ngangu; iri ti lo ayeke ‘KOTA GBIA so ayeke na ndö ti dunia kue’. Fade lo yeke gbu koko ti ala ngangu ti sara si sese ni awara siriri si azo ti Babilone ado na mbeto.”

Abia ti demango tere 3:58

KOTA GBIA, mo gbu koko ti mbi awe; mo soo fini ti mbi awe.

Osée 13:14

Mbi KOTA GBIA, azo tongaso, mbi lingbi ti gboto ala na ndo ti akuâ ti sigigi na ala? Mbi lingbi ti soo ala na kuâ? Kuâ, ye so mo yeke fâ azo na ni so ayeke na ndo wa? Ndo ti akuâ, ngangu so mo yeke hunzi azo na ni so ayeke na ndo wa? Fade mbi yeke baa mawa ti Efraim oko pepe.

Zakarii 9:16

Na lango ni so, fade KOTA GBIA Nzapa ti ala ayeke soo ala, tongana ti so wabatango-taba ayeke soo ataba ti lo. Azo ti lo ni ayeke tongana atêne ti gbe ti sese so azo amu ni si aleke na kpoto ti gbia, ala yeke za zango na ya ti kodro ti ala.

Matthieu 12:29

“Zo alingbi ti li na ya ti da ti zo ti ngangu ti gbu akungba ti lo ti hon na ni gi tongana lo kanga zo ti ngangu ni kozoni si. Tongana lo kanga zo ti ngangu so awe, lo lingbi ti nzi akungba ti da ni kue ti hon na ni.

Matthieu 20:28

Legeoko tongaso, *Molenge ti Zo aga titene azo asara kua na lo pepe, me lo ga titene lo sara kua na azo, ti ka tere ti lo na kuâ ti soo gba ti azo.”

Matthieu 22:29

Jésus akiri tënë na ala: “Ala girisa lege awe, ngbanga ti so ala hinga nda ti Mbeti ti Nzapa wala ngangu ti Nzapa pepe.

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.