Jérémie 30:8 - Mbeti ti Nzapa - Tënë so amu fini

⁸ “So tënë ti yanga ti KOTA GBIA so ayeke na ndö ti dunia kue laa: Tongana lango ni alingbi awe, fade mbi yeke fâ ya ti *zuge so ayeke ne na go ti ala, mbi yeke zi azingiri ti ala. Tongaso ala yeke kiri ti duti ngbaa ti awande pepe,

Jérémie 30:8 ပူးပေါင်းရင်းမြစ်များ

Abia (Psaumes) 107:14

Lo zi ala na ndo so avuko pitipiti si lo fâ ya ti azingiri ti ala.

Ésaïe 10:27

Na lango ni so, kungba so ayeke na ndö ti go ti ala, azo ti mbi, ayeke zi; *zuge so ane na go ti ala ayeke fâ ndali ti konongo ti ala.

Ésaïe 14:1

Biani, fade *KOTA GBIA ayeke baa mawa ti Jacob; lo yeke kiri ti soro Israel. Lo yeke zia azo ti Israel ti duti na kodro ti ala wani. Awande ayeke bongbi oko na ala si ala kue ayeke ga azo ti Jacob.

Ésaïe 14:25

Fade mbi yeke buba ngangu ti azo ti Asirii taa na ya ti kodro ti mbi; mbi yeke do ala na gbe ti gere ti mbi na ndö ti ahoto ti mbi. Ala zia ando anengo kungba na ndö ti azo ti mbi tongana *zuge, fade mbi yeke zi ni. Ala zia ando nengo kungba na ndö ti go ti azo ti mbi, mbi yeke zi ni na ndö ti go ti ala.”

Ésaïe 14:3

Israel, na peko ti apasi so mo baa, na aye ti ngangu nde nde so asi na mo nga na ngangu kua ti ngbaa so lani a zia mo na gbe ni, mbeni lâ, *KOTA GBIA ayeke sara titene mo wu tere ti mo.

Ésaïe 9:4

Aporo ti gere kue ti awato so ala yeke do na sese, akota bongo ti de kue so mene amu tere ni, fade a yeke bi na le ti wâ titene wâ agbi ni kue.

Jérémie 2:20

*KOTA GBIA atene: “Mo mara ti Israel, ngu na ngu, kpu na kpu, mo ke ti duti na gbe ti komandema ti mbi; mo fâ ya ti ye so abongbi mbi na mo. Mo tene: ‘Mbi ye ti sara kua ti ngbaa mbeni pepe’. Me na ndö ti akete hoto kue, na gbe ti afini keke so kue kugbe ni ayeke gbani gbani, mo lango na sese ti sara ye ti ndumba.

Jérémie 25:14

Biani, fade azo ti Babilone nga ayeke duti na gbe ti komandema ti amara mingi na ti angangu gbia. Lege so mbi yeke futa na ala peko ti asarango ye ti ala nga na sioni so kue ala sara laa.”

Jérémie 27:2

“Tënë so KOTA GBIA atene ayeke so: Leke akota kamba, leke nga *zuge, mo zia ni na ndö ti go ti mo.

Jérémie 27:7

Fade amara kue ayeke sara kua na lo; ala yeke sara kua na molenge ti lo nga na ata ti lo ngbii asi na ngoi so kodro ti lo wani ayeke ti na gbe ti ambeni mara nga na agbia so ayeke ngangu ahon lo.

Jérémie 28:10

Tongaso wayanga-Nzapa Hanania azi zuge so ayeke na ndö ti go ti Jérémie si lo fâ ya ni.

Jérémie 28:13

“Gue mo tene na Hanania: Tënë so KOTA GBIA atene ayeke so: ‘Mo fâ ya ti zuge ti keke awe, me mo yeke sara mbeni nde so ayeke na wen.’ ”

Jérémie 28:4

Mbi yeke kiri nga na Yekonia ge, Yekonia, molenge ti Yoakim, gbia ti Juda, lo na azo so kue a gbu ala lani na sese ti Juda si a gue na ala na Babilone; so tënë ti yanga ti KOTA GBIA laa. Biani, komandema so gbia ti Babilone ayeke sara na ndö ti ala si ane tongana zuge so, mbi yeke fâ ya ni.’ ”

Ezekiel 30:18

Na lango so mbi yeke buba ngangu ti Ezipte si ngangu ti lo so lo yeke sara baba ni ayeke hunzi, fade ndo ayeke han na ndö ti gbata ti Tapanes pepe. Vukongo mbinda ayeke kanga ndö ti gbata ni si a yeke gbu azo ti sese ni ti gue na ala na kodro wande.

Ezekiel 34:27

Fade akeke ti yaka ayeke le alengo ni, sese ayeke du ale ti kobe; azo ti mbi ayeke duti na siriri na sese ti ala. Mbi yeke fâ ya ti *zuge so ane na ndö ti ala, mbi yeke zi ala na gbe ti azo so asara ala ngbaa. Tongaso, fade ala yeke hinga atene, mbi laa mbi yeke KOTA GBIA.

Nahum 1:13

Ti fadeso, mbi yeke zi keke so awato ti mo akanga na go ti mo ti sara mo na ngbaa so; mbi yeke fâ akamba so kue a kanga na mo.”