Jérémie 30:21 - Mbeti ti Nzapa - Tënë so amu fini

²¹ Mbeni oko ti ala ayeke duti makonzi ti ala; zo so ayeke sara komandema na ndö ti ala ayeke baa gigi na popo ti ala; fade mbi yeke sara si lo ga nduru na mbi. Biani, zo wa laa alingbi ti sara ye ti koli si lo ga nduru na mbi, zo wa? So tënë ti yanga ti KOTA GBIA laa.

Jérémie 30:21 ပူးပေါင်းရင်းမြစ်များ

Tongo nda ti aye 18:27

Abraham akiri amu tënë si lo tene: “Kota Gbia, mbi so mbi yeke gi fuku ti sese si mbi yeke mburu ti wâ so, mbi ye ti kanga be ti mbi ti kiri ti tene tënë na mo.

Tongo nda ti aye 18:30

Abraham akiri atene: “Mbi gbu gere ti Kota Gbia; mo sara ngonzo ndali ti tënë so mbi yeke tene so pepe. E hinga pepe, azo ti mbirimbiri na ya ti gbata ni ayeke baleota!” KOTA GBIA atene: “Tongana mbi wara azo ni baleota, mbi yeke buba gbata ni pepe.”

Tongo nda ti aye 18:32

Abraham akiri atene: “Tongana mbi tene tanga ti tënë ti mbi so, ayeke nzoni Kota Gbia asara ngonzo pepe. E hinga pepe, azo ti mbirimbiri na ya ti gbata ni ayeke baleoko!” KOTA GBIA atene: “Ndali ti azo baleoko so, mbi yeke buba gbata ni pepe.”

Tongo nda ti aye 49:10

Mbata ti gbia ayeke ngba lakue na ya ti sewa ti Juda. *Ahale ti lo ayeke ngba lakue na komandema, ngbii taa wa ti komandema ni asi. Lo laa azo ti mara kue ayeke ma yanga ti lo.

2 Samuel 7:13

Lo laa lo yeke sara da ndali ti mbi; mbi yeke sara titene lengo-gbia ti lo akpengba kpu na kpu.

Esdras 2:2

Ala na Zorobabel, Yeshua, Nehemia, Seraya, Relaya, Mordokai, Bileshan, Mispar, Bigvai, Rehum na Baana laa akiri. Wungo ti akoli ti Israel na lege ti kete mara ti ala ayeke tongaso:

Néhémie 7:2

Mbi mu yanga titene a zia ita ti mbi Hanani, lo na Hanania, komanda ti aturugu ti gbagba ti bira ti duti na li ti Jérusalem. Hanania ayeke zo so ayeke sara ye alingbi na tënë ti yanga ti lo, lo yeke kpe mbeto ti Nzapa ahon ambeni zo mingi.

Abia (Psaumes) 65:4

Nengo ti asioni ti mbi ahon ndö ti mbi awe; me mo laa mo yeke zi asiokpari ti e na li ti e.

Abia (Psaumes) 89:29

Mbi yeke ngba ti sara nzoni be na lo kpu na kpu, mbi yeke bata tënë ti mbuki ti mbi na lo lakue.

Sigingo 3:5

KOTA GBIA atene: “Ga nduru na kete keke ni pepe! Zi poro na gere ti mo, ngbanga ti so ndo so mo yeke luti daa so ayeke nde si ayeke nzoni kue.

Ésaïe 63:1

Zo wa laa alondo na Edom, na li-kodro ti Bosra si lo yeke ga, abengba ye ayeke na tere ti bongo ti lo so? Lo yu kota bongo, lo suku kate ti lo si lo yeke tambula, lo hinga lo tene, ni yeke na ngangu. *KOTA GBIA atene: “Mbi laa! Mbi yeke ga ti fâ ngbanga mbirimbiri, mbi yeke na ngangu ti soo ala.”

Jérémie 30:9

me ala yeke sara na mbi, KOTA GBIA Nzapa ti ala. Ala yeke sara nga na mbeni hale ti David, gbia so mbi yeke zia lo na ndö ti ala.”

Jérémie 33:15

Na lango ni so, gi na ngoi ni so, mbi yeke sara titene taa *hale ti David abaa gigi. Lo yeke sigigi tongana kete keke so asigigi na ya ti sese, lo yeke fâ ngbanga mbirimbiri si lo yeke sara ye ti mbirimbiri na ya ti kodro ni.

Jérémie 49:19

KOTA GBIA atene: “Mbi yeke duti tongana bamara so asigigi na ya ti pere ti yanga ti ngu ti Jourdain ti gue na ndo so anyama ayeke wara fini pere daa. Gi hio tongaso, mbi yeke sara si azo ni kue alondo ahon. Na pekoni, mbi yeke zia na ndö ti Edom makonzi so mbi yeke soro lo. Biani, zo wa laa alingbi na mbi, zo wa? Zo wa laa alingbi ti gue na mbi na gbe ti ngbanga, zo wa? Zo ti li ni wa laa alingbi ti gbu le ni na mbi, zo wa?”

Jérémie 50:44

KOTA GBIA atene: Mbi yeke duti tongana bamara so asigigi na ya ti pere ti yanga ti ngu ti Jourdain ti gue na ndo so anyama ayeke wara fini pere daa. Gi hio tongaso, mbi yeke sara si azo ni kue alondo ahon. Na pekoni, mbi yeke zia na ndö ti Babilone makonzi so mbi yeke soro lo. Biani, zo wa laa alingbi na mbi, zo wa? Zo wa laa alingbi ti gue na mbi na gbe ti ngbanga, zo wa? Zo ti li ni wa laa alingbi ti gbu le ni na mbi, zo wa?”

Ezekiel 37:24

Zo ti kua ti mbi David laa ayeke le-gbia na ndö ti ala si wabatango ala kue ayeke duti gi oko. Fade ala yeke sara ye alingbi na aye so mbi fa nga na lege ti atënë ti ndia ti mbi si ala yeke sara ye alingbi na ni.

Wungo ti azo 16:5

Na pekoni, lo tene na Kore na azo so amu peko ti lo so, atene: “Kekereke na ndaperere, fade KOTA GBIA ayeke fa zo so ayeke ti lo, zo so lo zia lo nde ndali ti lo, zo so lo yeda na lo ti ga nduru na lo. Zo so KOTA GBIA asoro lo, fade lo yeke zia lege na zo ni ti ga nduru lo.

Matthieu 2:2

Ala hunda ndo, atene: “Molenge so a du lo titene lo ga gbia ti azuife so ayeke na ndo wa? E baa tongoro ti lo so asigigi na mbage ti To, nilaa e ga ti voro lo.”

Matthieu 27:37

Na li ti keke ti kroa ti lo, ala zia mbeni mbeti so afa nda ti ngbanga so a fâ na li ti lo, atene: “So Jésus, gbia ti azuife.”

Matthieu 3:17

Mbeni go alondo na yayu si atene: “So ayeke Molenge ti mbi so mbi ye lo mingi, be ti mbi anzere na lo mingi.”

Nzoni Tënë so Luc asu na mbeti 24:26

Alingbi fade titene *Mesii abaa pasi kozoni si lo li na ya ti gonda ti lo pepe?”

Awatokua 5:31

Nzapa aya lo na nduzu na lege ti ngangu ti lo, lo zia lo Makonzi na Wasongo-zo, ti mu lege na azo ti Israel ti zia ngbene lege ti sarango ye ti ala si Nzapa azi siokpari na li ti ala.

Rome 8:34

Zo wa laa alingbi ti fâ ngbanga na li ti ala? Zo oko pepe, ngbanga ti so Jésus Christ akui awe si na pekoni, lo zingo na kuâ, lo yeke duti na tere ti Nzapa, na mbage ti maboko ti lo ti koli si lo yeke sambela ndali ti e.

Ndia ti fani use ni 17:15

Tongana ala mu mbeni gbia ti duti na li ti ala, fade ala yeke mu gi gbia so *KOTA GBIA Nzapa ti ala wani ayeke soro lo. Gbia ni ayeke duti mbeni wande pepe, me mbeni zo ti Israel so ayeke ita ti ala.

Ndia ti fani use ni 18:18

Fade mbi yeke tokua na ala mbeni wayanga-Nzapa tongana mo; wayanga-Nzapa ni ayeke duti mbeni ita ti ala. Mbi yeke zia tënë ti mbi na yanga ti lo si lo yeke tene na ala atënë so kue mbi yeke mu yanga na lo ti tene.

Ndia ti fani use ni 33:5

Na ndembe so amakonzi ti azo ti Israel, ala na amara ti Israel abongbi tere ti ala lani, KOTA GBIA ayeke gbia ti Yeshurun.”

Ahebro 1:3

Gonda ti Nzapa ayeke za na lege ti Molenge ni. Lo yeke taa tongana ti so Nzapa ayeke, lo yeke bata dunia so na ngangu ti tënë ti yanga ti lo. So lo sukula asiokpari ti azo awe, lo gue, lo duti na yayu, na tere ti Nzapa so ngangu ti lo ahon ndoni, na mbage ti maboko ti lo ti koli.

1 Jean 2:2

Jésus Christ amu tere ti lo na *sandaga ti zi asiokpari ti e; gi asiokpari ti e oko pepe, me ti azo ti dunia kue.

Aye so Nzapa afa 19:16

A su iri na ndö ti kota bongo ti lo nga na ndö ti gere ti lo; iri ni ayeke: “Gbia ti agbia, *Kota Gbia ti akota gbia.”