Jérémie 30:20 - Mbeti ti Nzapa - Tënë so amu fini

²⁰ Ala yeke kiri ti ga tongana ti giriri; bongbi ti ala ayeke kiri ti luti mbirimbiri na dawa ti mbi. Mbi yeke ga na tere ti azo so kue ayeke sara ngangu na ala, ahale ti Jacob.

Jérémie 30:20 ပူးပေါင်းရင်းမြစ်များ

Abia (Psaumes) 102:18

Lo yeke ma sambela ti azo so ye atia ala, lo yeke ke ti ma sambela ti ala pepe.

Abia (Psaumes) 102:28

Me ti mo, mo yeke lakue tongana ti so mo yeke, alango ti mo ayeke hunzi pepe.

Ésaïe 49:26

Azo so asara ngangu na mo, mbi yeke sara titene ala te kasa ti tere ti ala wani, ala yeke nyon mene ti ala si ahon ndö ti ala tongana zo so anyon fini vin si ahon ndö ti lo. Tongaso, fade azo kue ayeke hinga atene, mbi yeke KOTA GBIA, wasongo mo, wazingo mo, mbi, ngangu Nzapa ti Jacob!”

Ésaïe 51:22

Kota Gbia ti mo, KOTA GBIA Nzapa ti mo, lo so lo yeke gbu koko ti azo ti lo, tënë so lo tene ayeke so: “Kopo so ayeke sara si li ti mo aga kirikiri, kopo so ngonzo ti mbi ayeke na ya ni, mbi yeke zi ni na maboko ti mo. Fadeso, mo yeke kiri ti nyon ni pepe.

Ésaïe 54:14

Sarango ye ti mbirimbiri ayeke sara si mo luti ngangu. Zo oko ti kiri ti sara ngangu na mo ayeke daa pepe, mbeto ayeke kiri ti sara mo pepe, zo oko ti kiri ti zia mbeto na be ti mo ayeke daa pepe. Mbeni ye ti zia kota mbeto na be ti mo ayeke si nduru na mo pepe.

Jérémie 2:3

Israel, mo yeke ando ye so a bata nde gi ndali ti KOTA GBIA. Mo yeke tongana akozo le ti kobe so ayeke ti lo; tongana ambeni zo ate ni, ala yeke wara tënë: sioni ye ayeke wara ala.’ So tënë ti yanga ti KOTA GBIA laa.”

Jérémie 30:16

Me azo so kue ate mo, fade a yeke te ala; azo so kue be ti ala ake mo, fade a yeke gbu ala ti gue na ala na kodro wande; azo so anzi aye ti mo, fade a yeke nzi aye ti ala; azo so kue agbu aye ti mo, fade a yeke gbu aye ti ala.

Jérémie 32:39

Fade mbi yeke mu na ala be oko si lege ti sarango ye ti ala ayeke ga oko titene ala kpe mbeto ti mbi lakue. Tongaso si fade ala yeke baa nzoni, ala na amolenge ti peko ti ala.

Abia ti demango tere 5:21

KOTA GBIA, ayeke nzoni mo kiri na e na tere ti mo, fade e kiri, e ga nduru na mo. Mo kiri mo mu na e fini tongana ti so ando e yeke na ni so!

Zakarii 10:6

Fade mbi yeke mu ngangu na azo ti Juda, mbi yeke soo azo ti Israel. Mbi yeke kiri na ala na kodro ti ala, ngbanga ti so mbi yeke baa mawa ti ala. Ala yeke duti tongana azo so, mo baa mo tene, mbi ke ala laoko pepe. Biani, mbi yeke KOTA GBIA, Nzapa ti ala, fade mbi yeke ma sambela ti ala.

Zakarii 10:8

Fade mbi yeke iri azo ti mbi si mbi yeke bongbi ala na ndo oko, ngbanga ti so mbi zi ala awe; ala yeke kiri ti wu mingi tongana ti kozo.

Zakarii 8:5

Fade amolenge-koli na amolenge-wali ayeke si singo na be ti gbata ni ti sara ngia.