Jérémie 30:17 - Mbeti ti Nzapa - Tënë so amu fini

¹⁷ Ala di iri ti mo: ‘Lo so a ke lo awe’, wala ‘*Sion so azo aye tënë ti lo pepe’. Me so tënë ti yanga ti KOTA GBIA laa: Fade mbi yeke sara si ka ti mo amu; mbi yeke sara si aka ti mo ahunzi.”

Jérémie 30:17 ပူးပေါင်းရင်းမြစ်များ

Mbeti ti Job 5:18

Nzapa ayeke zia ka na tere ti zo, lo laa lo yeke kanga ka ni; lo yeke pika zo, lo laa lo yeke sara si tere ti zo aga nzoni.

Abia (Psaumes) 103:3

Lo laa lo zi asioni so kue ayeke na li ti mbi, lo laa lo kai akobela ti mbi kue.

Abia (Psaumes) 107:20

Lo tokua tënë ti lo ti kai kobela ti ala, lo zi ala na ya ti kuâ so ala yeke daa.

Abia (Psaumes) 12:5

na ala so ayeke tene: “Ndali ti kpengbango yanga ti e, fade e yeke hon ndö ti azo kue; ndali ti tënë ti yanga ti e, mbeto ti mbeni zo ayeke sara e pepe.”

Abia (Psaumes) 142:4

Na ndembe so be ti mbi awoko kue, mo laa mo hinga ndo so mbi yeke gue daa. Na ndö ti lege so mbi yeke hon daa, azo azia kuku ti gbu na mbi.

Abia (Psaumes) 23:3

Lo kiri ngangu na ya ti tere ti mbi, lo fa na mbi nzoni lege si mbi tambula daa, lo fa na mbi lege ni ndali ti nzoni iri ti lo.

Sigingo 15:26

Lo tene na ala, lo tene: “Tongana ala ma tënë ti mbi KOTA GBIA, Nzapa ti ala nzoni, tongana ala sara ye so ayeke mbirimbiri na le ti mbi, tongana ala dingi mê ti ala ti ma atënë ti yanga ti mbi, tongana ala sara ye alingbi na ambela ti mbi kue, fade mbi yeke zia mbeni kobela oko na tere ti ala pepe; kobela so lani mbi zia na tere ti azo ti Ezipte so. Biani, mbi KOTA GBIA laa mbi yeke kai kobela ti ala.”

Ésaïe 11:12

Fade lo yeke yo bendere na nduzu ndali ti azo ti amara nde, lo yeke bongbi azo ti Israel so a gbu ala a gue na ala na kodro wande, lo yeke bongbi na ndo oko azo ti Juda so akangbi na ndangoro osio ti sese kue.

Ésaïe 30:26

Na lango so KOTA GBIA ayeke kanga le ti ka ti azo ti lo si lo yeke sara titene ka ni amu, fade nze ayeke su tongana lâ, lumiere ti lâ ti lango oko ayeke lingbi na lumiere ti lâ ti lango mbarambara.

Ésaïe 33:24

Mbeni zo oko so alango na Jérusalem ayeke tene pepe: “Tere ti mbi aso.” A yeke zi siokpari na li ti azo ti gbata ni.

Ésaïe 54:6

Mo yeke tongana wali so koli ado lo azia, vundu ahon ndö ti mo. Me fadeso KOTA GBIA airi mo si Nzapa ti mo atene: Wali so koli ti lo amu lo na ndembe so koli ni ade maseka, koli ni alingbi ti tumba lo tongana nyen?

Ésaïe 56:8

Kota Gbia NZAPA so abongbi azo ti Israel so a gbu ala ando a gue na ala na kodro wande, tënë so lo tene ayeke so: “Mbi bongbi azo na tere ti ala awe, mbi yeke kiri ti bongbi ambeni zo na tere ti ala.”

Ésaïe 57:18

Mbi baa lege ti sarango ye ti lo awe, me mbi yeke kai kobela ti lo. Mbi yeke fa lege na lo, mbi yeke sara titene be ti lo ade. Ti azo so ayeke sara mua ti lo,

Ésaïe 57:19

fade mbi yeke zia bia ti sepela na yanga ti ala.” KOTA GBIA atene: “Siriri na zo so ayeke na yongoro ndo, siriri na zo so ayeke nduru! Biani, mbi yeke kai kobela ti azo ti mbi.”

Ésaïe 58:8

Tongaso, fade lumiere ti mo ayeke za tongana lâ ti ndaperere, ka ti mo ayeke mu hio. Mbirimbiri ti mo ayeke tambula na dawa ti mo, gonda ti KOTA GBIA ayeke tambula na peko ti mo.

Ésaïe 60:15

Azo ado mo lani azia, azo ake mo, zo oko ahon na ndo ti mo pepe. Me fadeso mbi yeke sara titene mo ga gbata so azo ayeke pika kate ti ala ndali ni kpu na kpu, gbata so azo ti angoi kue ayeke duti na ngia ndali ni.

Jérémie 10:20

Me a buba da ti mbi ti bongo awe, a gboto akamba ni kue awe. Amolenge ti mbi kue ado mbi azia awe. Zo oko ti kiri ti leke da ti mbi ti bongo na nduzu ayeke daa pepe; zo oko ti kiri ti leke mbeni ndo titene mbi duti na gbe ni ayeke daa pepe.”

Jérémie 17:14

*KOTA GBIA, sara si tere ti mbi aga nzoni si fade tere ti mbi aga nzoni; soo mbi si fade mbi soo kuâ, ngbanga ti so mo laa mbi yeke gonda mo.

Jérémie 3:22

Azo ti ngangu li, ala kiri maa! Kobela ti ngangu li ti ala so, fade mbi yeke kai ni!” “Baa e laa! E yeke kiri na mo, ngbanga ti so mo laa mo yeke KOTA GBIA, Nzapa ti e.

Jérémie 30:13

Zo oko ti gbu koko ti mo ayeke daa pepe, mbeni ngangu yoro ti kanga na ka ti mo ayeke daa pepe.

Jérémie 33:24

“Mo ma tënë so azo ayeke tene so pepe? Azo ni atene: ‘Israel na Juda, asewa use so KOTA GBIA asoro ala lani so, fadeso lo ke ala awe!’ Na tenengo mara ti tënë tongaso, azo ni abaa azo ti mbi tongana mara mbeni pepe; ala baa azo ni tongana ambumbuse zo.

Jérémie 33:6

“Me fade mbi yeke sara si gbata ni aga nzoni; mbi yeke kai kobela ti azo ni, mbi yeke mu na ala gba ti siriri si mbeni sioni ye ti si na ala ayeke daa pepe.

Jérémie 8:22

Na sese ti Galaad, mafuta ti kai na kobela ayeke daa mbeni pepe? Awanganga ayeke kâ mbeni pepe? Ngbanga ti nyen si ka ti azo ti mbi ade ti mu pepe so?

Abia ti demango tere 2:15

Azo so kue ayeke hon na lege, ala yeke pika maboko ti ala ti he ala, azo ti Jérusalem. Azo ni so ayeke huru yanga ti ala. Ala baa gbata ni si ala yeke yingi li ti ala, ala tene: “Jérusalem, pendere kodro so ando so laa? Kodro ti mungo ando ngia na be ti azo ti sese, ni laa aga fadeso tongaso so-oo?”

Ezekiel 34:16

Taba so agirisa, fade mbi yeke gi lo; lo so agirisa lege, mbi yeke kiri na lo na ndö ti lege; lo so awara ka, mbi yeke kanga ka ni; lo so ayeke na kobela, mbi yeke sara titene lo wara ngangu. Me taba so akono konongo, lo so ayeke na ngangu, mbi yeke fâ lo. Mbi yeke gi kobe ndali ti ataba ti mbi na legeni.”

Ezekiel 35:12

Tongaso, fade mo yeke hinga, mo tene, mbi yeke KOTA GBIA; mbi ma azongango ndo so kue mo zonga na ahoto ti Israel, mo tene: ‘Ahoto ni aga benyama awe! A mu ala na e titene e te!’

Ezekiel 36:20

Andaa, na popo ti amara so ala gue daa, ala buba iri ti mbi so ayeke nde si ayeke nzoni kue. Biani, azo atene tënë ti ala, atene: ‘So azo ti KOTA GBIA laa; kodro ti lo laa ala do azia!’

Osée 11:3

Andaa mbi laa mbi fa lege ti tambula na Efraim, mbi gbu maboko ti lo; me lo hinga pepe lo tene, mbi yeke bata lo.

Osée 6:1

Nilaa ala yeke tene: “Ala ga, e kiri na mbage ti *KOTA GBIA. Lo laa lo zia ka na tere ti e, lo laa lo yeke sara si ka ni amu; lo laa lo pika e si e wara ka, lo laa lo yeke kanga le ti ka ni.

1 Pierre 2:24

Christ wani ayo siokpari ti e na ya ti tere ti lo si lo kui na ni na ndö ti keke ti kroa, tongaso si e so e kangbi na siokpari na lege ti kuâ so e kui awe, e duti na fini ti sara ye ti mbirimbiri. Na lege ti aka so lo wara laa tere ti ala aga nzoni.

Aye so Nzapa afa 22:2

Ngu ni asua, ahon na be ti balabala ti ya ti gbata ni. Na atere ti ngu ni, mbage na mbage, keke so ayeke mu fini na zo ayeke daa. Keke ni ayeke le fani baleoko na use na ya ti ngu oko, so ti tene nze na nze. Akugbe ti keke ni ayeke yoro ti kaingo na kobela na tere ti amara.