Jérémie 30:16 - Mbeti ti Nzapa - Tënë so amu fini

¹⁶ Me azo so kue ate mo, fade a yeke te ala; azo so kue be ti ala ake mo, fade a yeke gbu ala ti gue na ala na kodro wande; azo so anzi aye ti mo, fade a yeke nzi aye ti ala; azo so kue agbu aye ti mo, fade a yeke gbu aye ti ala.

Jérémie 30:16 ပူးပေါင်းရင်းမြစ်များ

Abia (Psaumes) 129:5

Azo so kue ake *Sion so, ayeke nzoni kamene agbu le ti ala si ala kiri na peko.

Sigingo 23:22

Me tongana ala ma yanga ti lo si ala sara ye so kue mbi mu yanga na ala ti sarango ni, fade mbi yeke ga wato ti awato ti ala; mbi yeke ke azo so ayeke ke ala.

Amato 22:23

Biani, fade KOTA GBIA ayeke gbu koko ti ala; azo so azi aye ti awayere na ti azo ti mawa ni so, fade KOTA GBIA ayeke zi fini ti ala.

Ésaïe 14:2

Amara nde ayeke ga ti mu azo ti Israel ti kiri na ala na kodro ti ala. Na sese so ayeke ti KOTA GBIA, azo ti Israel ayeke mu amara ni ti ga angbaa ti ala, akoli na awali. Azo so lani agbu azo ti Israel na kanga so, fade azo ti Israel ayeke gbu ala ti ga azo ti kanga; ala yeke sara komandema na ndö ti azo so asara lani ngangu na ala.

Ésaïe 33:1

Mawa na mo, mo so mo yeke buba ye si ade a buba mo pepe so! Mawa na mo, mo so mo yeke ka azo si ade ti ka mo pepe so! Tongana mo buba aye kue awe, fade a yeke buba nga mo. Tongana mo ka azo kue awe, fade a yeke ka nga mo.

Ésaïe 54:15

Tongana mbeni zo aga ti tiri na mo, mbi laa mbi yeke tokua lo pepe. Zo so ayeke tiri na mo, lo yeke ti na dawa ti mo.

Ésaïe 54:17

Aye ti bira so kue a leke ti tiri na ni na mo, alingbi ti sara ye oko na mo pepe. Zo so kue ayeke bi tënë na li ti mo na le ti ngbanga, mo yeke sara si ngbanga ati na li ti lo. Baa ye so mbi bata ndali ti azo ti kua ti mbi, KOTA GBIA laa. Baa lege so mbi yeke fâ ngbanga ti ala laa; so tënë ti yanga ti mbi KOTA GBIA laa.”

Jérémie 10:25

Mo tuku ngonzo ti mo ti wâ na ndö ti amara so ahinga mo pepe, na ndö ti azo so ayeke voro mo pepe. Biani, azo ni afâ azo ti mo, ahunzi ala, ala sara si kodro ti azo ti mo aga ngonda.

Jérémie 12:14

Tënë so KOTA GBIA atene ayeke so: “Asioni zo so ayeke lango nduru na azo ti mbi, ala ndu ye so aga ye ti mbi, ala ndu sese so mbi mu ando na Israel, azo ti mbi. Fade mbi yeke gboto azo ni na ndö ti sese ti ala tongana ti so a yeke gboto pere; mbi yeke gboto nga azo ti Juda na popo ti ala.

Jérémie 2:3

Israel, mo yeke ando ye so a bata nde gi ndali ti KOTA GBIA. Mo yeke tongana akozo le ti kobe so ayeke ti lo; tongana ambeni zo ate ni, ala yeke wara tënë: sioni ye ayeke wara ala.’ So tënë ti yanga ti KOTA GBIA laa.”

Jérémie 25:12

“Me tongana ngu balembarambara so ahunzi awe, mbi wani, mbi yeke ga na tere ti gbia ti Babilone nga na tere ti azo ti kodro ti lo ndali ti sioni so ala sara; so tënë ti yanga ti KOTA GBIA laa. Mbi yeke ga na tere ti kodro ti azo ti Babilone; mbi yeke sara si kodro ni aga ye ti dongo be kpu na kpu.

Jérémie 30:15

Ngbanga ti nyen si mo yeke toto ndali ti kpale so asi na mo? Ndali ti ka ti mo so aso mingi so? Mbi sara si aye ni so asi na mo, ngbanga ti so sioni ti mo ahon ndoni, siokpari ti mo awu mingi.

Jérémie 50:28

Ala ma si! Azo so akpe, ala so angba na fini na kodro ti Babilone, ala laa ayeke ga na asango na *Sion, atene: “KOTA GBIA Nzapa ti e akiri na azo ti Babilone peko ti sioni ti ala awe; lo kiri na ala peko ti sioni so ala sara na kota da ti lo.”

Jérémie 8:16

Wato asi na sese ti Dan awe; so ambarata ti lo ayeke dekongo kâ, azo ayeke ma toto ni mango ge. Ndali ti toto ti ambarata ni, sese kue ayingi. Ala yeke ga, ala yeke buba kodro ni na aye ti ya ni kue; ala yeke buba gbata ni na azo ti ya ni kue.”

Abia ti demango tere 1:21

KOTA GBIA, so mbi ngba ti dema, azo ama mbi; me mbeni zo ti de be ti mbi ayeke daa pepe. Ye ti mawa so asi na mbi azia ngia na be ti awato ti mbi. Andaa mo laa mo sara ye ni. Lango so mo tene tënë ni ando so, KOTA GBIA, mo sara si lango ni so alingbi si. Ayeke nzoni awato ti mbi aga nga tongana mbi!

Abia ti demango tere 1:22

Asioni ye so ala sara so, ayeke nzoni asi na le ti mo, mo baa! Ye so mo sara na mbi ndali ti sioni ti mbi so, ayeke nzoni mo sara nga na ala tongaso. Baa, mbi yeke dema, mbi yeke dema; aye so kue asara mbi kobela.

Ezekiel 29:6

Tongaso, fade azo ti Ezipte kue ayeke hinga atene, mbi laa mbi yeke KOTA GBIA. “Ezipte, mo yeke tongana sosongo so zo agbu ti luti daa, andaa sosongo ni awoko wokongo.

Ezekiel 35:5

Mo ke azo ti Israel kpu na kpu. Na ngoi so ala yeke na ya ti mawa, na ngoi so a yeke kai asiokpari ti ala, mo londo na bira na tere ti ala.

Mishe 4:11

Fadeso, amara gbani gbani abongbi ti tiri bira na mo, ala tene: “Ayeke nzoni Jérusalem aga buba si e baa na le ti e buba ti lo ni.”

Mishe 7:10

Fade wato ti mbi ayeke baa ye ni na le ti lo si kamene ayeke gbu le ti lo; wato ti mbi so ayeke hunda lani mbi, atene: “KOTA GBIA, Nzapa ti mo ni ayeke na ndo wa?” Fade mbi yeke baa lo na le na ndembe so a yeke do lo na gere, tongana ti so a yeke do potopoto na lege.

Nahum 1:8

na ndembe so ye ti ngangu ahon ndö ti ala tongana ngu so ayeke sua ngangu. Me lo yeke buba kodro ti awato ti lo si lo yeke tumba ala na ndo so avuko pitipiti.

Habakuk 2:16

Ti mo, mo baa fade mo tene, azo ayeke gonda mo mingi, me gba ti kamene laa ayeke hon ndö ti mo. Ngoi titene mo nyon ti mo samba ni laa; ngoi titene mo fa *pito ti mo na le ti azo laa! Fade KOTA GBIA ayeke sara titene mo nyon kopo ti ngonzo so ayeke na maboko ti lo ti koli. Fade gonda ti mo ayeke ga ye ti kamene!

Sofonii 2:8

“Mbi ma zongango ndo ti azo ti Moab, mbi ma sioni zongango ndo ti azo ti Amon so ala zonga na azo ti mbi. Ala mu sese ti azo ti mbi ti kono na sese ti ala.

Zakarii 1:14

*Ange so ayeke tene tënë na mbi so ahunda na mbi ti tene tënë ti *KOTA GBIA so ayeke na ndö ti dunia kue so na azo, atene: “Mbi yeke sara mbanda ti Jérusalem na ti hoto ti *Sion mingi.

Zakarii 1:15

Me be ti mbi aso mingi na amara so abaa tere ti ala tongana amara so alingbi awe so. Na ndembe so lani mbi sara ngonzo gi kete na tere ti azo ti Israel, ti ala, ala sara si mawa ti Israel akiri ahon ndoni.

Zakarii 12:2

“Fade mbi yeke sara titene Jérusalem aga tongana kopo so asi singo na ngonzo ti mbi ndali ti azo so kue alango nduru na gbata ni; ala yeke nyon ni si ayeke sara ala tongana samba. Azo ti Juda nga ayeke nyon ngonzo ni si ayeke sara ala na ndembe so azo ayeke ga ti mu gbata ni na bira.

Zakarii 14:2

Fade KOTA GBIA ayeke bongbi amara kue ti tiri bira na Jérusalem; azo ayeke mu gbata ni, ala yeke nzi aye ti ya ti ada, ala yeke gbu awali na ngangu ti lango na ala; ala yeke gbu ndambo ti azo ti gbata ni ti gue na ala na kodro wande, me tanga ti azo ayeke ngba na ya ti gbata ni.

Zakarii 2:12

KOTA GBIA so ayeke na ndö ti dunia kue - lo so lo tokua mbi na amara so anzi aye ti ala kue, azo ti Sion, tënë so lo tene ayeke so: “Zo so andu ala, andaa lo ndu mboma ti le ti mbi awe.

Zakarii 2:8

Kozo ange ni atene na mbeni so, atene: “Kpe loro, mo tene na maseka-koli so kâ so, mo tene: Fade gbata ti Jérusalem ayeke ngba senge tongaso, a yeke sara gbagba na tere ni pepe, ngbanga ti so azo na anyama so ayeke lango na ya ni ayeke wu ahon ndoni.

Ndia ti fani use ni 30:7

KOTA GBIA Nzapa ti ala ayeke tokua akpale so kue na ndö ti awato ti ala, na ndö ti azo so be ti ala ake ala, azo ti Israel si azo ni ayeke sara ngangu na ala so.

Aye so Nzapa afa 13:10

Zo so a diko lo ndali ti kanga, fade lo yeke gue na kanga; zo so a diko lo titene a fâ lo na yongoro zeme, lo yeke kui kuâ ti yongoro zeme. So ayeke ngoi titene azo ti Nzapa akanga be ti ala si ala ngba na lege ti mabe laa.”

1 Samuel 17:53

Na pekoni, azo ti Israel azia lege ti tumbango peko ti azo ti Filistii, ala kiri na ya ti bâbâ ti azo ti Filistii ni, ala ro akungba ti ala.