Jérémie 30:14 - Mbeti ti Nzapa - Tënë so amu fini

¹⁴ Andeko ti mo kue, be ti ala agirisa na mo awe, ngbanga ti ala ayeke na mo mbeni pepe. Biani, mbi pika mo, mo baa mo tene, mbi yeke fade wato ti mo. Mbi pika mo ngangu, ngbanga ti so sioni ti mo ahon ndoni, siokpari ti mo awu mingi.

Jérémie 30:14 ပူးပေါင်းရင်းမြစ်များ

Mbeti ti Job 16:9

Na ya ti ngonzo ti lo, Nzapa ayeke tumba peko ti mbi si lo suru ya ti mbi, lo yeke te pembe na tere ti mbi; lo ga wato ti mbi, le ti lo ayeke kpo mbi tongana le ti kokora.

Mbeti ti Job 19:11

Ngonzo ti lo ti wâ alondo na tere ti mbi, lo baa mbi tongana wato ti lo.

Mbeti ti Job 30:21

Mo kiri mo ga bamara na tere ti mbi; mo mu ngangu ti mo kue ti sara pasi na mbi.

Abia (Psaumes) 107:17

Ambeni aga azo ti buba ndali ti sarango ye ti kirikiri ti ala, ala ga azo ti mawa ndali ti sioni ti ala.

Ésaïe 57:13

Tongana mo dekongo, ayeke nzoni gba ti ayanda ti mo ni asoo mo ma! Fade pupu ayeke mu ala kue ti hon na ala, pupu ti yanga ayeke hon na ala! Me azo so ayeke kpe na mbi ti bata tere ti ala, fade a yeke mu kodro ni ti ga ti ala, hoto ti mbi so ayeke nde si ayeke nzoni kue ayeke ga ye ti ala.

Jérémie 14:17

“Tënë so fade mo yeke tene na ala laa: Mbi ye titene ngu ti le ti mbi asua bi na lâ, akai pepe, ngbanga ti so mbeni kpale ati na ndö ti azo ti mbi so mbi ye ala tongana molenge ti mbi ti wali; ka ti ala ayeke mu oko pepe.

Jérémie 2:36

“Mo yeke sanze akode mingi, andaa mo laa mo yeke bi tere ti mo na sese! Me fade Ezipte ayeke zia kamene na le ti mo tongana ti so Asirii azia nga kamene na le ti mo so.

Jérémie 22:20

“Jérusalem, gue na li ti hoto ti Liban si mo dekongo ngangu. Na sese ti Bashan, sara si azo ama go ti mo. Na ndö ti hoto ti Abarim, dekongo ngangu! Biani, ti andeko ti mo ahunzi awe.

Jérémie 22:22

Azo ti li ti kodro ti mo kue, fade pupu ayeke ya ti mu ala ti hon na ala; a yeke gbu andeko ti mo ti gue na ala na kodro wande. Ndali ti sioni ye so kue mo sara, nengo ti mo ayeke ti na sese si kamene ahon ndö ti mo.

Jérémie 30:15

Ngbanga ti nyen si mo yeke toto ndali ti kpale so asi na mo? Ndali ti ka ti mo so aso mingi so? Mbi sara si aye ni so asi na mo, ngbanga ti so sioni ti mo ahon ndoni, siokpari ti mo awu mingi.

Jérémie 32:29

Azo ti Babilone angba ti tiri bira ti mu gbata ni; fade ala yeke li na ya ni, ala yeke bi wâ daa; ala yeke gbi ada so azo ayeke zö dukani na li ni na *Baal titene ala gi na yanga ti mbi. Azo ni ayeke tuku samba ti mu na *sandaga na anzapa nde na ya ti ada ni.

Jérémie 32:30

“Biani, so tënë ti yanga ti KOTA GBIA laa: Ti londo na ngoi so ala ga mara ngbii asi laso, azo ti Israel na azo ti Juda asara gi ye so ayeke sioni na le ti mbi. Ye so kue azo ti Israel asara azia gi ngonzo na be ti mbi.

Jérémie 32:34

Ala zia afungo yanda ti ala na ya ti kota da so a zia nde ndali ti mbi; ala sara si da ni aga *sioni.

Jérémie 32:35

Na popo-hoto ti Hinom, ala leke ndo na li ti ahoto ndali ti Baal. Kâ, ala yeke gbi amolenge ti ala ti koli na ti wali na wâ ti mu na sandaga na nzapa Molek. Mbi mu yanga na ala laoko pepe ti sara ye tongaso! Mara ti ye tongaso aga na li ti mbi laoko pepe. Na sarango mara ti sioni ye tongaso, so zo alingbi ti baa na le ti lo fani use pepe so, ala pusu azo ti Juda ti sara sioni.

Jérémie 38:22

awali so kue angba na yangbo ti gbia ti Juda, fade a yeke mu ala ti gue na ala na aturugu ti kota kamba ti gbia ti Babilone; awali ni ayeke he bia so na iri ti mo, atene: ‘Ataa azo so aye mo mingi, ala handa mo alingbi ala awe! Mo linda na ya ti potopoto awe, ala do mo azia!’

Jérémie 4:30

Ti mo Jérusalem, azo abuba mo awe! Mo yeke yu bengba bongo ti ngangu ngere, mo yeke yu aye ti pendere ti lôro si mo yeke kpaka aye ti baba na ndö ti le ti mo ti sara na nyen? Mo yeke sara aye ti pendere so gi senge senge; akoli so ayeke kpe lani na peko ti mo so, ala ke mo awe, ala ye gi kuâ ti mo.

Jérémie 44:22

KOTA GBIA akanga be ti lo gbaa na asioni sarango ye ti ala nga na asioni sarango ye ti ala so zo alingbi ti baa na le ti lo fani use pepe so. Ndani laa kodro ti ala aga ndo ti gba ti atêne, aga ngonda si zo ayeke daa mbeni pepe, aga tapande ndali ti azo so ayeke deba amba ti ala; ye ni laa a yeke baa ni laso so.

Jérémie 5:5

Tongaso fade mbi yeke gue na mbage ti akota zo si mbi tene tënë na ala. Ala laa ahinga ye so KOTA GBIA aye; ala laa ahinga atënë ti ndia ti Nzapa ti ala.” Me ala kue ayeke gi legeoko: ala ke ti duti na gbe ti komandema ti KOTA GBIA, ala fâ ya ti ye so abongbi ala na Nzapa awe.

Jérémie 5:6

Ndani laa fade abamara ti gbako ayeke gbu ala, ambo ti benyama ayeke suru ya ti ala. Aze ayeke ku ala na tere ti agbata ti ala. Azo so kue alondo na ya ti agbata ni ti sigigi, aze ni ayeke gbu ala si ayeke suru ya ti ala, ngbanga ti so ala sara ngangu li ahon ndoni; ala sara aye gbani gbani so ake Nzapa.

Jérémie 50:42

Ala gbu akokora na alikongo na maboko ti ala, ala yeke sioni mingi si ala yeke baa mawa ti zo pepe. Toto ti ala ayeke tongana toto ti kota ngu-ingo. Ala ko na ndö ti ambarata si ala leke tere ti ala tongana akoli ti tiri bira na mo, maseka-wali Babilone!

Jérémie 6:23

Aturugu ti mara ni so agbu akokora na alikongo. Ala yeke sioni mingi, ala yeke baa mawa ti zo pepe; go ti ala ayeke toto tongana kota ngu-ingo. Ala ko na ndö ti ambarata; ala leke tere ti ala awe ti tiri bira na *Sion, pendere maseka-wali.”

Abia ti demango tere 1:19

Mbi iri azo so aye mbi lani so, andaa ala ke mbi awe. Awayango-sandaga na *akangba ti mbi akui kue; ala kui kue na ya ti gbata ti Jérusalem, na ndembe so ala yeke gi kobe ti wara na ngangu.

Abia ti demango tere 1:2

Na bi, gi toto na toto ngbii ndo ahan. Ngu ti le ayeke sua na tere ti ngbangba ti lo. Na popo ti azo so aye lo lani mingi so, mbeni zo ti de be ti lo ayeke daa pepe. Amba ti lo kue akiri aka lo awe: ala ga awato ti lo.

Abia ti demango tere 2:1

Azo-oo, azo! *KOTA GBIA asara ngonzo si lo tokua vukongo ndo na ndö ti gbata ti *Sion. Ye so ayeke sara gonda ti azo ti Israel so, KOTA GBIA abi ni si alondo na yayu kâ ati na sese. Sion ayeke mbata ti gere ti KOTA GBIA; na lango so ngonzo ti lo alondo na tere ti Sion, be ti lo agirisa na mbata ti gere ti lo ni.

Ezekiel 23:22

Ndani laa, tënë so mbi Kota Gbia NZAPA, mbi tene na mo ayeke so: Andeko ti mo so lani be ti mo akiri ake ala so, mbi yeke pusu ala na tere ti mo. Mbi yeke bongbi ala mbage na mbage ti ga na tere ti mo.

Ezekiel 23:9

Ndani laa, mbi zia lo na maboko ti andeko ti lo, azo ti Asirii so lo sara nzara ti ala mingi so.

Daniel 9:11

Azo ti Israel kue ake ndia ti mo awe; ala gue yongoro na mo si atënë so mo tene, ala ke ti ma ni. Tongaso asioni tënë na atënë ti dengo ba so a su ni na ya ti mbeti ti ndia ti Moïse, zo ti kua ti mo, atënë ni ati na ndö ti e, ngbanga ti so e sara siokpari so ake mo.

Daniel 9:13

Asioni kpale so kue asi na e alingbi na tënë so a su na ya ti mbeti ti *Ndia ti Moïse. Me e de be ti mo, KOTA GBIA Nzapa ti e pepe; e zia lege ti siokpari ti e pepe si e baa taa-tënë ti mo tongana senge ye.

Daniel 9:5

E sara siokpari, e sara kirikiri; e sara sioni, e sara ngangu li na mo si e zia lege ti andia ti mo na akpengba tënë ti mo.

Osée 2:5

Tongaso pepe, mbi yeke zi bongo na tere ti lo ti zia lo ndumbu tongana ti lango so mama ti lo adu na lo. Fade mbi yeke sara titene lo ga tongana benyama, ndo so ngu ayeke daa pepe; mbi yeke sara titene nzara ti ngu afâ lo.

Osée 5:14

Biani, fade mbi Kota Gbia, mbi yeke duti tongana bamara ndali ti Efraim, tongana kete bamara ndali ti Juda. Mbi laa, mbi yeke suru ya ti ala, na pekoni, mbi yeke mu ala ti gue na ala tongana taba so a fâ lo, zo oko ti gboto ala na maboko ti mbi ayeke daa pepe.”

Abdias 1:7

Azo so kue mo na ala aga *ambuki so, ala tumba mo na ya ti kodro ti mo. Azo so mo na ala aye tere mingi so, ala handa mo si ala hon ndö ti mo. Azo so ayeke te lani kobe ti mo so, ala zia kuku na lege ti mo ti gbu na mo. Azo ni ayeke tene: “Lo hinga ndo pepe!”