Jérémie 3:24 - Mbeti ti Nzapa - Tënë so amu fini

²⁴ Ti londo na ngoi so e de molenge ngbii asi laso, Kamene ate aye ti peko ti kua ti akotara ti e kue: ataba ti ala na abagara ti ala, amolenge ti ala ti koli nga na ti wali.

Jérémie 3:24 ပူးပေါင်းရင်းမြစ်များ

Jérémie 11:13

Biani, ala azo ti Juda, ala yeke na anzapa gbani gbani alingbi na wungo ti agbata ti ala. Kâ na Jérusalem, ala yeke na agbalaka gbani gbani ndali ti Kamene alingbi na wungo ti abalabala ti ya ti gbata ni, agbalaka so ala yeke ya *sandaga na ndö ni na *Baal.’

Jérémie 22:21

Lani mbi gboto mê ti mo na ndembe so mo duti na siriri, me mo kiri tënë: ‘Zia mê ti mbi, mbi ke awe!’ So fini ye pepe: sarango ye ti mo ngbene ye na molenge laa; laoko mo ma tënë ti mbi pepe!

Jérémie 44:7

“Fadeso, tënë so KOTA GBIA, Nzapa so ayeke na ndö ti dunia kue, Nzapa ti Israel atene ayeke so: ‘Ala ngba ti sara sioni gbani gbani na ala wani tongaso ngbanga ti nyen? Ala ye ti hunzi azo ti mara ti Juda hunzingo: akoli, awali, amaseka na amolenge so angba ti nyon me? Ala ye titene mbeni zo oko ti ala akiri angba na fini pepe?

Jérémie 8:16

Wato asi na sese ti Dan awe; so ambarata ti lo ayeke dekongo kâ, azo ayeke ma toto ni mango ge. Ndali ti toto ti ambarata ni, sese kue ayingi. Ala yeke ga, ala yeke buba kodro ni na aye ti ya ni kue; ala yeke buba gbata ni na azo ti ya ni kue.”

Jérémie 9:18

Na mbage ti *Sion, a yeke ma go ti mbeni zo so ayeke dema tere: “Ae, azo ahunzi e kue awe! So ye ti kamene na e titene e zia kodro ti e ti hon! So ye ti kamene na e so azo akungbi ada ti e kue na sese awe so!”

Ezekiel 16:19

Akobe so kue mbi yeke mu lani na mo, nzoni farini, mafuta ti wotoro na mafuta, mo kiri mo ya ni na *sandaga na ala titene fion ni anzere na ala. Ye so mo sara laa; so tënë ti yanga ti Kota Gbia NZAPA laa.

Ezekiel 16:20

Jérusalem, amolenge-koli na amolenge-wali so mo du ala na mbi, mo ya ala na sandaga na ayanda ni titene ala ga kobe ti ala! Sarango ye ti ndumba ti mo alingbi lani na mo pepe?

Ezekiel 16:61

Na ndembe so mo yeke yamba a-ita ti mo ti wali, ayaya ni na angambe ni, fade mo yeke dabe ti mo na lege ti sarango ye ti mo si li ti mo ayeke ne na kamene. Mbi yeke zia a-ita ti mo ni na gbe ti komandema ti mo, me ala yeke sara mbuki na mo pepe.

Ezekiel 16:63

Tongaso, fade mo yeke dabe ti mo na ngoi so ahon; kamene ayeke sara mo si mo yeke kiri ti zi yanga pepe ndali ti gba ti kamene so agbu le ti mo na ndembe so mbi yeke zi na li ti mo sioni so kue mo sara. So tënë ti yanga ti Kota Gbia NZAPA laa.”

Osée 10:6

Fade a yeke mu nga kete bagara ni, a hon na lo na sese ti Asirii ti mu na kadoo na ne-ne gbia. Fade kamene ayeke gbu azo ti Efraim si kamene ayeke sara azo ti Israel ndali ti ye so ala leke na be ti ala ti sarango ni so.

Osée 2:8

“Ndani laa mbi KOTA GBIA, mbi yeke kanga lege ti lo na akamba ti ki, mbi yeke sara mbeni gbagba ti kanga na lege ni; fade lo yeke kiri ti wara lege ti lo ti hon daa pepe.

Osée 9:10

KOTA GBIA atene: “Ando, mbi wara Israel tongana nzerengo ale ti *vinye na benyama. Mbi wara akotara ti ala tongana akozo nzoni le ti keke so asigigi na li ti keke ti fige. Me so akotara ti ala asi na Bet-Peor awe, ala mu tere ti ala kue na *Baal, nzapa ti kamene. Nilaa ala ga sioni mingi tongana anzapa so ala ye tënë ti ala so.