Jérémie 29:7 - Mbeti ti Nzapa - Tënë so amu fini

⁷ Ala gi lege ngangu ti sara si gbata so KOTA GBIA ague na ala daa so amai. Ala sambela KOTA GBIA ndali ti gbata ni, ngbanga ti so maingo ti ala wani alondo gi na maingo ti gbata ni.’

Jérémie 29:7 ပူးပေါင်းရင်းမြစ်များ

Esdras 6:10

Tongaso si fade awayango-sandaga ni ayeke ya na Nzapa ti yayu asandaga so fion ni anzere na lo, ala yeke sambela ndali ti fini ti gbia na ti amolenge ti lo.

Esdras 7:23

Aye so kue Nzapa ti yayu ayeke mu yanga daa ndali ti kota da ti lo, alingbi ala sara ni na taa legeni. Tongaso si ngonzo ti Nzapa alondo na tere ti kodro-gbia ti mbi, wala na tere ti mbi wani wala na tere ti amolenge ti mbi pepe.

Abia (Psaumes) 122:6

Azo, ala hunda siriri ndali ti Jérusalem! Ayeke nzoni azo so aye mo aduti nzoni!

Jérémie 38:4

Na pekoni, akota zo ti kodro ni atene na gbia Sedesias: “E ye gi kuâ ti Jérémie, ngbanga ti so atënë so lo yeke tene, asara si be ti aturugu nga na be ti azo ti kodro kue awoko. Koli so aye nzoni ti azo ti kodro so pepe, me lo ye gi sioni ti ala.”

Ezekiel 11:16

Tongaso, tene na amba ti mo so a gbu mo na ala si a gue na ala na kodro wande so, mo tene: Tënë so mbi Kota Gbia NZAPA, mbi tene ayeke so: ‘Ataa mbi tokua ala na akodro yongoro, ataa mbi kangbi ala na popo ti amara nde, kâ kue, mbi yeke na popo ti ala tongana ti so mbi yeke na ya ti da ti mbi so ayeke nde si ayeke nzoni kue.’

Daniel 4:19

Gbia, keke so ayeke mo, ngbanga ti so mo ga kota si mo ga ngangu; kota ti mo ni ague ngbii akpo le ti nduzu si ngangu ti mo ti sara komandema asi na nda ti sese kue.

Daniel 4:27

Lo mu tënë si lo tene: “So Babilone pepe? Kota gbata so mbi sara ni titene aga ndo ti lango ti gbia so! Mbi sara ni na lege ti ngangu ti mbi ti gbia. Mbi sara ni titene azo agonda iri ti mbi.”

Rome 13:1

Alingbi azo kue ama yanga ti akota zo ti li ti kodro, ngbanga ti so komandema kue alondo na Nzapa; akota zo ti li ti kodro, Nzapa laa azia ala na ndö ti mbata ti komandema.

Rome 13:5

Ndani laa, ayeke nzoni ala ma yanga ti akota zo ti li ti kodro; ala sara ni gi ti kpe ngonzo ti Nzapa pepe, me ngbanga ti so ala hinga na be ti ala atene, so ayeke na legeni.