Jérémie 29:32 - Mbeti ti Nzapa - Tënë so amu fini

³² Nilaa, tënë so mbi KOTA GBIA, mbi tene ayeke so: mbi yeke ga na tere ti Shemaya, lo na *ahale ti lo; mbeni zo ti sewa ti lo ayeke kiri ti ngba na popo ti ala, azo ti Juda pepe. Nzoni ye so mbi yeke sara na azo ti mbi, zo oko na popo ti asewa ti lo ayeke baa ni pepe, ngbanga ti so lo pusu azo ti mbi ti tomboka na tere ti mbi; so tënë ti yanga ti KOTA GBIA laa.’ ”

Jérémie 29:32 ပူးပေါင်းရင်းမြစ်များ

1 Agbia 13:18

Wayanga-Nzapa ni atene na lo: “Mbi nga, mbi yeke wayanga-Nzapa tongana mo. Andaa mbeni *ange atene na mbi peko ti tënë ti yanga ti KOTA GBIA, atene: ‘Mu lo, mo ga na lo na da ti mo, lo te kobe, lo nyon ngu.’ ” Andaa mvene laa lo tene.

2 Agbia 5:27

Biani, fade buruma ti Naaman ayeke ga ti ngba na tere ti mo nga na tere ti *ahale ti mo kpu na kpu!” So Gehazi azia Élisée ti gue, buruma amu tere ti lo si poro ti tere ti lo avuru vurungo tongana tukia.

2 Agbia 7:2

Mbeni turugu ti kota kamba ti gbia ti Israel, lo so lo yeke lakue nduru na tere ti gbia akiri tënë na Élisée, atene: “Ataa KOTA GBIA azi fenetere ti yayu, atënë so mo tene so, fade ayeke ga taa-tënë?” Élisée akiri tënë: “Fade mo yeke baa ye ni na le ti mo, me mo yeke te ande kobe ni pepe.”

Sigingo 20:5

Alingbi mo kuku na gbe ti ayanda so pepe, mo voro ala pepe, ngbanga ti so mbi KOTA GBIA Nzapa ti mo, mbi yeke Nzapa so ayeke sara mbanda ti azo ti lo. Azo so asara sioni ti ke mbi, mbi yeke kiri na sioni ti azo ni na ndö ti *ahale ti ala, ngbii asi na molongo ota ni wala molongo osio ni.

Ésaïe 14:20

Me fade a yeke lu kuâ ti mo na popo ti ala pepe, ngbanga ti so mo buba kodro ti mo, mo fâ azo ti mo. Fade a yeke kiri ti di iri ti sioni mara ti mo oko pepe.

Ésaïe 14:22

So tënë ti yanga ti KOTA GBIA so ayeke na ndö ti dunia kue laa: “Fade mbi yeke londo na tere ti azo ti Babilone, mbi yeke zi iri ti Babilone, na tanga ti azo ti gbata ni so angba na fini, amolenge ti ala nga na *ahale ti ala. So tënë ti yanga ti KOTA GBIA laa.

Jérémie 17:6

Lo yeke tongana mbeni kete keke na ndö ti kuru sese: pasa ti lo ayeke daa oko pepe titene nzoni ye aga na lo. Lo yeke ngba na ndo so gi atêne laa ayeke daa, na ndö ti sese so ingo asi singo daa, ndo so zo asara kodro daa pepe.

Jérémie 20:6

Ti mo Pashehur, mo na azo ti da ti mo kue, fade a yeke gbu ala ti gue na ala na Babilone. Mo yeke kui kâ si a yeke lu mo kâ, mo na amba ti mo so kue mo mu tënë ti mvene ti tene peko ti yanga ti Nzapa na ala so.’ ”

Jérémie 22:30

Tënë so lo tene ayeke so: “Ala su iri ti koli so na mbeti ti fa so lo yeke na molenge pepe, gigi ti lo abuba awe! Biani, mbeni *hale ti lo oko ayeke wara lege pepe ti duti na ndö ti mbata ti gbia David, ti sara komandema na sese ti Juda.”

Jérémie 28:16

Nilaa, tënë so KOTA GBIA atene ayeke so: ‘Mbi yeke zi mo na ndö ti sese; mo yeke kui gi na ngu so, ngbanga ti so mo pusu azo ti ke KOTA GBIA.’ ”

Jérémie 29:24

Fade mo yeke tene na Shemaya, zo ti Nehelam, mo tene:

Jérémie 30:1

Tënë ti *KOTA GBIA asi na Jérémie, atene:

Jérémie 35:19

Ndani laa, tënë so KOTA GBIA so ayeke na ndö ti dunia kue, Nzapa ti Israel atene ayeke so: Na ya ti sewa ti Yonadab, molenge ti Rekab, fade mbeni zo ayeke duti daa lakue ti luti na dawa ti mbi.”

Jérémie 36:31

Mbi yeke ga na tere ti lo, *ahale ti lo nga na akota zo ti yangbo ti lo ndali ti sioni ti ala. Akpale so kue mbi tene tënë ni si ala ke ti ma mbi so, mbi yeke sara si aga na ndö ti ala, na ndö ti azo so alango na Jérusalem nga na ndö ti azo ti Juda.’ ”

Ezekiel 20:38

Azo so atomboka na tere ti mbi na azo so ake ti ma yanga ti mbi, fade mbi yeke zi ala na popo ti ala, azo ti Israel. Mbi yeke sara si ala sigigi na ya ti akodro so ala duti daa tongana awande, me ala yeke li na sese ti Israel pepe. Tongaso, fade azo ni ayeke hinga atene, mbi laa mbi yeke KOTA GBIA.

Amos 7:17

Ndani laa, tënë so KOTA GBIA atene ayeke so: ‘Fade wali ti mo ayeke sara ye ti ndumba na ya ti gbata ni; a yeke fâ amolenge ti mo ti koli na ti wali. A yeke haka sese ti mo ti kangbi ni na popo ti azo. Ti mo, mo yeke kui na kodro ti amara nde, a yeke gbu azo ti Israel kue kue kue ti gue na ala yongoro na tere ti kodro ti ala.’ ”

Amos 9:10

Asioni zo so ayeke na popo ti azo ti mbi, fade ala kue ayeke kui kuâ ti bira, ala so lani ayeke tene: ‘Fade kota kpale ayeke ndu e pepe, kpale ni ayeke si na e pepe!’ ”

Ndia ti fani use ni 13:5

Ala mu gi peko ti KOTA GBIA Nzapa ti ala oko, alingbi ala kpe gi mbeto ti lo oko. Ala sara ye alingbi gi na atënë ti ndia ti lo, ala ma gi lo oko, ala sara kua gi na lo oko, ala ngba gi na tere ti lo oko.