Jérémie 29:13 - Mbeti ti Nzapa - Tënë so amu fini

¹³ Fade ala yeke gi mbi si ala yeke wara mbi. Tongana ala gi mbi na be ti ala kue,

Jérémie 29:13 ပူးပေါင်းရင်းမြစ်များ

1 Agbia 2:4

KOTA GBIA ayeke sara ye alingbi na zendo so ando lo mu na mbi, lo tene: ‘Tongana amolenge ti mo abata lege ti dutingo ti ala nzoni, tongana ala tambula mbirimbiri na dawa ti mbi, fade mbeni zo ti sewa ti mo ayeke duti lakue na ndö ti mbata ti gbia ti Israel.’ ”

2 Agbia 23:3

Gbia aluti na ndö ti mbeni ye so a leke na nduzu ndali ti agbia si lo kiri lo leke tënë ti ga mbuki na KOTA GBIA. Alingbi fade zo oko oko amu zendo ti tambula na peko ti KOTA GBIA, ti sara ye na be ti lo kue nga na tënë ti be ti lo kue alingbi na atënë ti ndia ti KOTA GBIA, ambela ti lo na aye so lo fa. Alingbi fade zo oko oko asara ye alingbi na atënë ti mbuki so a su na ya ti mbeti so. Nilaa azo kue ayeda na tënë ti mbuki ni.

1 Mbai 22:19

Tongaso, ala mu be ti ala na fini ti ala kue ti gi KOTA GBIA Nzapa ti ala. Ala londo, ala sara da so a zia ni nde ndali ti KOTA GBIA Nzapa; fade ala yeke mu sanduku ti *mbuki ti KOTA GBIA na aye so a zia nde ndali ti Nzapa ti zia na ya ti da so ala sara ndali ti lo.”

1 Mbai 28:9

– Ti mo, molenge ti mbi Salomon, ayeke nzoni mo hinga Nzapa ti babâ ti mo; mo sara na lo na be ti mo kue, tere ti mo ayapu na kua, ngbanga ti so KOTA GBIA laa ayeke baa ya ti be ti zo si lo hinga tënë ti be ti zo. Tongana mo gi lo, fade lo yeke zia lege na mo ti wara lo; me tongana mo zia lo, fade lo yeke ke mo kpu na kpu.

2 Mbai 22:9

Na pekoni, Yehu amu yanga titene a gi Ahazia. Azo ague, agbu lo na Samarii, ndo so lo honde tere ti lo daa. Ala ga na lo na Yehu si a fâ lo. Ala lu lo, ngbanga ti so azo atene: “Lo yeke molenge ti ya ti sewa ti Yosafat, gbia so agi lani KOTA GBIA na be ti lo kue so.” Na ya ti sewa ti Ahazia, mbeni zo so alingbi ti le-gbia ayeke daa pepe.

2 Mbai 31:21

Kua so lo sara ndali ti kota da ti Nzapa, kua so lo sara titene azo abata ndia ti Nzapa na atënë ti ndia ti lo, lo sara ni na be ti lo kue, lo gi Nzapa ti lo si ye ti lo kue aga nzoni.

Abia (Psaumes) 119:10

Mbi gi mo na be ti mbi kue; sara si mbi hon nde na atënë ti ndia ti mo pepe.

Abia (Psaumes) 119:145

KOTA GBIA, mbi iri mo na be ti mbi kue, mo yeda, fade mbi yeke sara ye alingbi na ambela ti mo.

Abia (Psaumes) 119:2

Ti ala nzoni, azo so asara aye so lo hunda na ala si ala mu be ti ala kue ti gi lo!

Abia (Psaumes) 119:58

Na be ti mbi kue, mbi hunda mo ti sara nzoni na mbi; baa mawa ti mbi alingbi na yanga so mo mu.

Abia (Psaumes) 119:69

Azo ti baba abuba iri ti mbi na atënë ti mvene ti ala; me ti mbi, na be ti mbi kue, mbi yeke sara ye alingbi na andia ti mo.

Abia (Psaumes) 145:18

KOTA GBIA ayeke nduru na azo so kue ayeke iri lo ti mu maboko na ala, ala so kue ayeke iri lo na be ti ala kue.

Abia (Psaumes) 32:6

Nilaa zo so kue ayeke zo ti mo, alingbi lo sambela mo na lango so lo hinga sioni ti lo. Ataa akpale aga tongana ngu so asuku amu ndo kue, fade akpale ni ayeke si na lo pepe.

Abia (Psaumes) 91:15

Tongana lo iri mbi, fade mbi yeke kiri tënë na lo, mbi yeke duti na tere ti lo na ya ti ye ti ngangu so asi na lo; mbi yeke zi lo na ya ti ye ti sioni si mbi yeke sara titene a gonda lo.

Ésaïe 45:19

Mbi tene tënë na hondengo ni pepe, na mbeni ndo na sese so avuko vukongo. Mbi tene na *ahale ti Jacob pepe, mbi tene: Ala gi mbi na ndo so angba senge! Mbi KOTA GBIA, mbi yeke tene tënë ti ye so ayeke mbirimbiri, mbi yeke tene tënë ti ye so ayeke na legeni.”

Ésaïe 65:10

Ti azo ti mbi so agi mbi, fade lando ti Saron ayeke ga ndo ti tengo kobe ti ataba na ti angasa; popo-hoto ti Akor ayeke ga ndo ti lango ti abagara.

Jérémie 24:7

Mbi yeke mu na ala be ti hinga so mbi yeke KOTA GBIA. Na be ti ala kue, fade ala yeke kiri na mbage ti mbi. Ala yeke duti azo ti mbi si mbi yeke duti Nzapa ti ala.

Jérémie 3:10

Ataa ye so kue asi, ita ti lo ti wali Juda-wali-gbanambana akiri na mbi na be ti lo kue pepe, me na lege ti handango ndo”; so tënë ti yanga ti KOTA GBIA laa.

Jérémie 50:4

Na lango ni so, na ngoi ni kâ, azo ti Israel na azo ti Juda ayeke londo legeoko ti kiri; so tënë ti yanga ti KOTA GBIA laa. Na toto na yanga ti ala, ala yeke tambula ti ga ti gi peko ti mbi, KOTA GBIA Nzapa ti ala.

Osée 5:15

“Fade mbi *KOTA GBIA, mbi yeke gue, mbi yeke kiri na ndo ti mbi ngbii asi na ngoi so ala hinga sioni ti ala, ala gi le ti mbi si. Na ndembe so ye ti ngangu ayeke si na ala, fade ala yeke gi mbi.”

Joël 2:12

So tënë ti yanga ti *KOTA GBIA laa: “Fadeso, ngoi titene ala kiri na mbage ti mbi na be ti ala kue laa; ala ke kobe ti sambela, ala toto, ala dema tere ti ala na mbi!

Matthieu 7:7

“Ala hunda ye si fade a mu na ala; ala gi ye si fade ala wara; ala pika yanga ti da si fade a zi na ala.

Awatokua 8:36

So ala ngba na lege ti gue, ala si na ndo so ngu ayeke daa. Mbaiwa ni atene: “Baa, ngu laa; nyen laa akanga lege na mbi ti wara bateme?” [