Jérémie 29:12 - Mbeti ti Nzapa - Tënë so amu fini

¹² Tongaso, tongana ala di iri ti mbi si ala gue ti sambela mbi, fade mbi yeke ma ala.

Jérémie 29:12 ပူးပေါင်းရင်းမြစ်များ

2 Mbai 33:13

Lo voro KOTA GBIA ti baa mawa ti lo. KOTA GBIA azia ngonzo ti lo, lo ma toto ti lo si lo kiri na lo na Jérusalem titene lo kiri lo sara kua ti lo ti gbia. Tongaso Manase ahinga atene, KOTA GBIA laa ayeke taa Nzapa.

2 Mbai 6:38

tongana ala kiri na mbage ti mo na be ti ala kue, na yingo ti ala kue na ya ti kodro so a gbu ala si a gue na ala daa, tongana ala baa ndo na mbage ti kodro so mo mu ando na akotara ti ala, wala ala baa ndo na mbage ti gbata so mo soro nga na mbage ti da so mbi sara ndali ti mo, tongana ala sambela mo,

Mbeti ti Job 22:27

Tongana mo sambela lo, fade lo yeke ma mo; tongaso mo yeke sara gi ye ti peko ti zendo so mo mu so.

Abia (Psaumes) 10:17

KOTA GBIA, mo ma ye so azo so asara tere ti ala kete aye; mo mu ngangu na be ti ala, mo zi mê ti mo, mo ma ala.

Abia (Psaumes) 145:19

Azo so akpe mbeto ti lo, lo yeke mu na ala ye so be ti ala aye; lo yeke ma toto ti ala si lo yeke soo ala.

Abia (Psaumes) 50:15

Tongaso, tongana ye ti ngangu asi na mo, mo iri mbi, fade mbi yeke zi mo na ya ni si mo yeke gonda mbi.

Ésaïe 26:16

KOTA GBIA, na ya ti ye ti ngangu, e baa ndo na mbage ti mo. Na ndembe so mo pika e, e yeke sambela mo na gbe ti go ti e.

Ésaïe 30:19

Mo, zo ti *Sion, mo so mo yeke lango na Jérusalem, fade mo yeke kiri ti toto pepe. Tongana mo dekongo na lo, lo yeke sara nzoni be na mo. Gi so lo ma mo, lo yeke kiri tënë na mo.

Ésaïe 65:24

Kozo titene ala di iri ti mbi, mbi, mbi yeke kiri tënë na ala; tënë angba ngbango na yanga ti ala, mbi ma ala awe.

Jérémie 31:9

Azo ni ayeke kiri na toto na yanga ti ala. So mbi yeke ga na ala, ala yeke dema tere ti ala; mbi yeke gue na ala na ndo so gba ti ngu ayeke sua daa, mbi yeke sara titene ala hon na lege so ayeke mbirimbiri, ndo so ala lingbi pepe ti pika gere ti ala ti ti. Biani, mbi yeke tongana babâ ti Israel, Efraim ayeke kozo molenge ti mbi.”

Jérémie 33:3

Mo iri mbi, fade mbi yeke yeda; mbi yeke fa na mo akota ye, aye so angba na hondengo ni so mo hinga pepe.

Jérémie 50:4

Na lango ni so, na ngoi ni kâ, azo ti Israel na azo ti Juda ayeke londo legeoko ti kiri; so tënë ti yanga ti KOTA GBIA laa. Na toto na yanga ti ala, ala yeke tambula ti ga ti gi peko ti mbi, KOTA GBIA Nzapa ti ala.

Jérémie 51:50

Ala, azo so lo fâ ala pepe so, ala kpe, ague, aluti na lege pepe! Yongoro kâ, ayeke nzoni ala gbu li ti ala na ndö ti KOTA GBIA, ala dabe ti ala na Jérusalem.

Ezekiel 36:37

“Tënë so mbi Kota Gbia NZAPA, mbi tene ayeke so: Mbi yeke kiri ti zia lege na azo ti Israel ti gi mbi si mbi yeke sara ye ndali ti ala; mbi yeke sara titene ala kiri awu mingi tongana bongbi ti ataba.

Osée 14:9

Efraim, nyen laa ayeke kiri ti bongbi mbi na anzapa nde nyen? Mbi laa mbi yeke ma sambela ti mo si mbi yeke baa ndo na ndö ti mo. Mbi, mbi yeke tongana keke ti sipre so akugbe ni angba lakue fini ni. Mbi laa mbi yeke sara titene ale ti kobe ti mo adu.”

Zakarii 13:9

Fade mbi yeke mu ota mbage ti azo so angba na fini so, mbi yeke hon na ala na le ti wâ ti zi sioni ye na tere ti ala tongana ti so a yeke kporo wen ti nginza na ya ti wâ ti zi sioni ye na tere ni. Mbi yeke tara ala ti zi sioni ye na tere ti ala tongana ti so a yeke tara lôro na le ti wâ ti zi sioni ye na tere ni. Fade ala yeke iri mbi ti mu maboko na ala; ti mbi, mbi yeke ma ala. Mbi yeke tene: ‘Ala yeke azo ti mbi’, ala yeke tene: ‘KOTA GBIA ayeke Nzapa ti e.’ ”